Read in తెలుగు / ಕನ್ನಡ / தமிழ் / देवनागरी / English (IAST)
అచ్యుతాచ్యుత హరే పరమాత్మన్
రామ కృష్ణ పురుషోత్తమ విష్ణో |
వాసుదేవ భగవన్ననిరుద్ధ
శ్రీపతే శమయ దుఃఖమశేషమ్ || ౧ ||
విశ్వమంగళ విభో జగదీశ
నందనందన నృసింహ నరేంద్ర |
ముక్తిదాయక ముకుంద మురారే
శ్రీపతే శమయ దుఃఖమశేషమ్ || ౨ ||
రామచంద్ర రఘునాయక దేవ
దీననాథ దురితక్షయకారిన్ |
యాదవేంద్ర యదుభూషణ యజ్ఞ-
శ్రీపతే శమయ దుఃఖమశేషమ్ || ౩ ||
దేవకీతనయ దుఃఖదవాగ్నే
రాధికారమణ రమ్యసుమూర్తే |
దుఃఖమోచన దయార్ణవ నాథ
శ్రీపతే శమయ దుఃఖమశేషమ్ || ౪ ||
గోపికావదనచంద్రచకోర
నిత్య నిర్గుణ నిరంజన జిష్ణో |
పూర్ణరూప జయ శంకర శర్వ
శ్రీపతే శమయ దుఃఖమశేషమ్ || ౫ ||
గోకులేశ గిరిధారణ ధీర
యామునాచ్ఛతటఖేలనవీర |
నారదాదిమునివందితపాద
శ్రీపతే శమయ దుఃఖమశేషమ్ || ౬ ||
ద్వారకాధిప దురంతగుణాబ్ధే
ప్రాణనాథ పరిపూర్ణ భవారే |
జ్ఞానగమ్య గుణసాగర బ్రహ్మన్
శ్రీపతే శమయ దుఃఖమశేషమ్ || ౭ ||
దుష్టనిర్దళన దేవ దయాళో
పద్మనాభ ధరణీధర ధన్విన్ |
రావణాంతక రమేశ మురారే
శ్రీపతే శమయ దుఃఖమశేషమ్ || ౮ ||
అచ్యుతాష్టకమిదం రమణీయం
నిర్మితం భవభయం వినిహంతుమ్ |
యః పఠేద్విషయవృత్తినివృత్తిం
జన్మదుఃఖమఖిలం స జహాతి || ౯ ||
ఇతి శ్రీమచ్ఛంకరాచార్య విరచితం అచ్యుతాష్టకం |
మరిన్ని శ్రీ కృష్ణ స్తోత్రాలు చూడండి.
గమనిక: "నవగ్రహ స్తోత్రనిధి" పుస్తకము తాయారుచేయుటకు ఆలోచన చేయుచున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
