Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ కృష్ణ స్తోత్రనిధి” పారాయణ గ్రంథములో కూడా ఉన్నది. Click here to buy.]
సింధుదేశోద్భవో విప్రో నామ్నా సత్యవ్రతః సుధీః |
విరక్త ఇంద్రియార్థేభ్యస్త్యక్త్వా పుత్రగృహాదికమ్ || ౧ ||
వృందావనే స్థితః కృష్ణమారరాధ దివానిశమ్ |
నిఃస్వః సత్యవ్రతో విప్రో నిర్జనేఽవ్యగ్రమానసః || ౨ ||
కార్తికే పూజయామాస ప్రీత్యా దామోదరం నృప |
తృతీయేఽహ్ని సకృద్భుంక్తే పత్రం మూలం ఫలం తథా || ౩ ||
ఏవం భావసమాయుక్తో భక్త్యా తద్గతమానసః |
పూజయిత్వా హరిం స్తౌతి ప్రీత్యా దామోదరాభిధమ్ || ౪ ||
సత్యవ్రత ఉవాచ |
నమామీశ్వరం సచ్చిదానందరూపం
లసత్కుండలం గోకులే భ్రాజమానమ్ |
యశోదాభియోలూఖలే ధావమానం
పరామృష్టమత్యంతతో దూతగోప్యా || ౫ ||
రుదంతం ముహుర్నేత్రయుగ్మం మృజంతం
కరాంభోజయుగ్మేన సాతంకనేత్రమ్ |
ముహుః శ్వాసకం పత్రిరేఖాంకకంఠం
స్థితం నౌమి దామోదరం భక్తవంద్యమ్ || ౬ ||
వరం దేవ దేహీశ మోక్షావధిం వా
న చాన్యం వృణేఽహం వరేశాదపీహ |
ఇదం తే వపుర్నాథ గోపాలబాలం
సదా మే మనస్యావిరాస్తాం కిమన్యైః || ౭ ||
ఇదం తే ముఖాంభోజమత్యంతనీలై-
-ర్వృతం కుంతలైః స్నిగ్ధవక్త్రైశ్చ గోప్యా |
ముహుశ్చుంబితం బింబరక్తాధరం మే
మనస్యావిరాస్తామలం లక్షలాభైః || ౮ ||
నమో దేవ దామోదరానంత విష్ణో
ప్రసీద ప్రభో దుఃఖజాలాబ్ధిమగ్నమ్ |
కృపాదృష్టివృష్ట్యాఽతిదీనం చ రక్ష
గృహాణేశ మామజ్ఞమేవాక్షిదృశ్యమ్ || ౯ ||
కుబేరాత్మజౌ వృక్షమూర్తీ చ యద్వ-
-త్త్వయా మోచితౌ భక్తిభాజౌ కృతౌ చ |
తథా ప్రేమభక్తిం స్వకాం మే ప్రయచ్ఛ
న మోక్షే గ్రహో మేఽస్తి దామోదరేహ || ౧౦ ||
నమస్తే సుధామ్నే స్ఫురద్దీప్తధామ్నే
తథోరఃస్థవిశ్వస్య ధామ్నే నమస్తే |
నమో రాధికాయై త్వదీయప్రియాయై
నమోఽనంతలీలాయ దేవాయ తుభ్యమ్ || ౧౧ ||
నారద ఉవాచ |
సత్యవ్రతద్విజస్తోత్రం శ్రుత్వా దామోదరో హరిః |
విద్యుల్లీలాచమత్కారో హృదయే శనకైరభూత్ || ౧౨ ||
ఇతి శ్రీమహాపురాణే సత్యవ్రతకృత శ్రీ దామోదర స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ కృష్ణ స్తోత్రనిధి
(నిత్య పారాయణ గ్రంథము)
See details – Click here to buy
మరిన్ని శ్రీ కృష్ణ స్తోత్రాలు చూడండి. మరిన్ని శ్రీ విష్ణు స్తోత్రాలు చూడండి.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
