Read in తెలుగు / ಕನ್ನಡ / தமிழ் / देवनागरी / English (IAST)
acyutācyuta harē paramātman
rāma kr̥ṣṇa puruṣōttama viṣṇō |
vāsudēva bhagavannaniruddha
śrīpatē śamaya duḥkhamaśēṣam || 1 ||
viśvamaṅgala vibhō jagadīśa
nandanandana nr̥siṁha narēndra |
muktidāyaka mukunda murārē
śrīpatē śamaya duḥkhamaśēṣam || 2 ||
rāmacandra raghunāyaka dēva
dīnanātha duritakṣayakārin |
yādavēndra yadubhūṣaṇa yajña-
śrīpatē śamaya duḥkhamaśēṣam || 3 ||
dēvakītanaya duḥkhadavāgnē
rādhikāramaṇa ramyasumūrtē |
duḥkhamōcana dayārṇava nātha
śrīpatē śamaya duḥkhamaśēṣam || 4 ||
gōpikāvadanacandracakōra
nitya nirguṇa nirañjana jiṣṇō |
pūrṇarūpa jaya śaṅkara śarva
śrīpatē śamaya duḥkhamaśēṣam || 5 ||
gōkulēśa giridhāraṇa dhīra
yāmunācchataṭakhēlanavīra |
nāradādimunivanditapāda
śrīpatē śamaya duḥkhamaśēṣam || 6 ||
dvārakādhipa durantaguṇābdhē
prāṇanātha paripūrṇa bhavārē |
jñānagamya guṇasāgara brahman
śrīpatē śamaya duḥkhamaśēṣam || 7 ||
duṣṭanirdalana dēva dayālō
padmanābha dharaṇīdhara dhanvin |
rāvaṇāntaka ramēśa murārē
śrīpatē śamaya duḥkhamaśēṣam || 8 ||
acyutāṣṭakamidaṁ ramaṇīyaṁ
nirmitaṁ bhavabhayaṁ vinihantum |
yaḥ paṭhēdviṣayavr̥ttinivr̥ttiṁ
janmaduḥkhamakhilaṁ sa jahāti || 9 ||
iti śrīmacchaṅkarācārya viracitaṁ acyutāṣṭakam |
See more śrī kr̥ṣṇa stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
