Chitta Sthirikara Sri Datta Stotram – ಶ್ರೀ ದತ್ತ ಸ್ತೋತ್ರಂ (ಚಿತ್ತಸ್ಥಿರೀಕರ)


ಅನಸೂಯಾತ್ರಿಸಂಭೂತ ದತ್ತಾತ್ರೇಯ ಮಹಾಮತೇ |
ಸರ್ವದೇವಾಧಿದೇವ ತ್ವಂ ಮಮ ಚಿತ್ತಂ ಸ್ಥಿರೀಕುರು || ೧ ||

ಶರಣಾಗತದೀನಾರ್ತತಾರಕಾಖಿಲಕಾರಕ |
ಸರ್ವಪಾಲಕ ದೇವ ತ್ವಂ ಮಮ ಚಿತ್ತಂ ಸ್ಥಿರೀಕುರು || ೨ ||

ಸರ್ವಮಂಗಳಮಾಂಗಳ್ಯ ಸರ್ವಾಧಿವ್ಯಾಧಿಭೇಷಜ |
ಸರ್ವಸಂಕಟಹಾರಿಂಸ್ತ್ವಂ ಮಮ ಚಿತ್ತಂ ಸ್ಥಿರೀಕುರು || ೩ ||

ಸ್ಮರ್ತೃಗಾಮೀ ಸ್ವಭಕ್ತಾನಾಂ ಕಾಮದೋ ರಿಪುನಾಶನಃ |
ಭುಕ್ತಿಮುಕ್ತಿಪ್ರದಃ ಸ ತ್ವಂ ಮಮ ಚಿತ್ತಂ ಸ್ಥಿರೀಕುರು || ೪ ||

ಸರ್ವಪಾಪಕ್ಷಯಕರಸ್ತಾಪದೈನ್ಯನಿವಾರಣಃ |
ಯೋಽಭೀಷ್ಟದಃ ಪ್ರಭುಃ ಸ ತ್ವಂ ಮಮ ಚಿತ್ತಂ ಸ್ಥಿರೀಕುರು || ೫ ||

ಯ ಏತತ್ಪ್ರಯತಃ ಶ್ಲೋಕಪಂಚಕಂ ಪ್ರಪಠೇತ್ಸುಧೀಃ |
ಸ್ಥಿರಚಿತ್ತಃ ಸ ಭಗವತ್ ಕೃಪಾಪಾತ್ರಂ ಭವಿಷ್ಯತಿ || ೬ ||

ಇತಿ ಶ್ರೀಪರಮಹಂಸ ಪರಿವ್ರಾಜಕಾಚಾರ್ಯ ಶ್ರೀಮದ್ವಾಸುದೇವಾನಂದಸರಸ್ವತೀ ಸ್ವಾಮೀ ಕೃತಂ ಶ್ರೀ ದತ್ತ ಸ್ತೋತ್ರಮ್ ||


ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed