Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀ ಆದಿ ಲಕ್ಷ್ಮೀಃ –
ದ್ವಿಭುಜಾಂ ಚ ದ್ವಿನೇತ್ರಾಂ ಚ ಸಾಽಭಯಾಂ ವರದಾನ್ವಿತಾಮ್ |
ಪುಷ್ಪಮಾಲಾಧರಾಂ ದೇವೀಂ ಅಂಬುಜಾಸನ ಸಂಸ್ಥಿತಾಮ್ ||
ಪುಷ್ಪತೋರಣಸಂಯುಕ್ತಾಂ ಪ್ರಭಾಮಂಡಲಮಂಡಿತಾಮ್ |
ಸರ್ವಲಕ್ಷಣಸಂಯುಕ್ತಾಂ ಸರ್ವಾಭರಣಭೂಷಿತಾಮ್ ||
ಪೀತಾಂಬರಧರಾಂ ದೇವೀಂ ಮಕುಟೀಚಾರುಬಂಧನಾಮ್ |
ಸೌಂದರ್ಯನಿಲಯಾಂ ಶಕ್ತಿಂ ಆದಿಲಕ್ಷ್ಮೀಮಹಂ ಭಜೇ ||
ಶ್ರೀ ಸಂತಾನ ಲಕ್ಷ್ಮೀಃ –
ಜಟಾಮಕುಟಸಂಯುಕ್ತಾಂ ಸ್ಥಿರಾಸನ ಸಮನ್ವಿತಾಮ್ |
ಅಭಯಂ ಕಟಕಂ ಚೈವ ಪೂರ್ಣಕುಂಭಂ ಕರದ್ವಯೇ ||
ಕಂಚುಕಂ ಸನ್ನವೀತಂ ಚ ಮೌಕ್ತಿಕಂ ಚಾಽಪಿ ಧಾರಿಣೀಮ್ |
ದೀಪ ಚಾಮರ ಹಸ್ತಾಭಿಃ ಸೇವಿತಾಂ ಪಾರ್ಶ್ವಯೋರ್ದ್ವಯೋಃ ||
ಬಾಲಸೇನಾನಿ ಸಂಕಾಶಾಂ ಕರುಣಾಪೂರಿತಾನನಾಮ್ |
ಮಹಾರಾಜ್ಞೀಂ ಚ ಸಂತಾನಲಕ್ಷ್ಮೀಮಿಷ್ಟಾರ್ಥಸಿದ್ಧಯೇ ||
ಶ್ರೀ ಗಜ ಲಕ್ಷ್ಮೀಃ –
ಚತುರ್ಭುಜಾಂ ಮಹಾಲಕ್ಷ್ಮೀಂ ಗಜಯುಗ್ಮಸುಪೂಜಿತಾಮ್ |
ಪದ್ಮಪತ್ರಾಭನಯನಾಂ ವರಾಭಯಕರೋಜ್ಜ್ವಲಾಮ್ ||
ಊರ್ಧ್ವಂ ಕರದ್ವಯೇ ಚಾಬ್ಜಂ ದಧತೀಂ ಶುಕ್ಲವಸ್ತ್ರಕಮ್ |
ಪದ್ಮಾಸನೇ ಸುಖಾಸೀನಾಂ ಗಜಲಕ್ಷ್ಮೀಮಹಂ ಭಜೇ ||
ಶ್ರೀ ಧನ ಲಕ್ಷ್ಮೀಃ –
ಕಿರೀಟಮುಕುಟೋಪೇತಾಂ ಸ್ವರ್ಣವರ್ಣ ಸಮನ್ವಿತಾಮ್ |
ಸರ್ವಾಭರಣಸಂಯುಕ್ತಾಂ ಸುಖಾಸನ ಸಮನ್ವಿತಾಮ್ ||
ಪರಿಪೂರ್ಣಂ ಚ ಕುಂಭಂ ಚ ದಕ್ಷಿಣೇನ ಕರೇಣ ತು |
ಚಕ್ರಂ ಬಾಣಂ ಚ ತಾಂಬೂಲಂ ತದಾ ವಾಮಕರೇಣ ತು ||
ಶಂಖಂ ಪದ್ಮಂ ಚ ಚಾಪಂ ಚ ಕುಂಡಿಕಾಮಪಿ ಧಾರಿಣೀಮ್ |
ಸಕಂಚುಕಸ್ತನೀಂ ಧ್ಯಾಯೇದ್ಧನಲಕ್ಷ್ಮೀಂ ಮನೋಹರಾಮ್ ||
ಶ್ರೀ ಧಾನ್ಯ ಲಕ್ಷ್ಮೀಃ –
ವರದಾಽಭಯಸಂಯುಕ್ತಾಂ ಕಿರೀಟಮಕುಟೋಜ್ಜ್ವಲಾಮ್ |
ಅಂಬುಜಂ ಚೇಕ್ಷುಶಾಲಿಂ ಚ ಕದಂಬಫಲದ್ರೋಣಿಕಾಮ್ ||
ಪಂಕಜಂ ಚಾಷ್ಟಹಸ್ತೇಷು ದಧಾನಾಂ ಶುಕ್ಲರೂಪಿಣೀಮ್ |
ಕೃಪಾಮೂರ್ತಿಂ ಜಟಾಜೂಟಾಂ ಸುಖಾಸನ ಸಮನ್ವಿತಾಮ್ ||
ಸರ್ವಾಲಂಕಾರಸಂಯುಕ್ತಾಂ ಸರ್ವಾಭರಣಭೂಷಿತಾಮ್ |
ಮದಮತ್ತಾಂ ಮನೋಹಾರಿರೂಪಾಂ ಧಾನ್ಯಶ್ರಿಯಂ ಭಜೇ ||
ಶ್ರೀ ವಿಜಯ ಲಕ್ಷ್ಮೀಃ –
ಅಷ್ಟಬಾಹುಯುತಾಂ ದೇವೀಂ ಸಿಂಹಾಸನವರಸ್ಥಿತಾಮ್ |
ಸುಖಾಸನಾಂ ಸುಕೇಶೀಂ ಚ ಕಿರೀಟಮಕುಟೋಜ್ಜ್ವಲಾಮ್ ||
ಶ್ಯಾಮಾಂಗೀಂ ಕೋಮಲಾಕಾರಾಂ ಸರ್ವಾಭರಣಭೂಷಿತಾಮ್ |
ಖಡ್ಗಂ ಪಾಶಂ ತದಾ ಚಕ್ರಮಭಯಂ ಸವ್ಯಹಸ್ತಕೇ ||
ಖೇಟಕಂ ಚಾಂಕುಶಂ ಶಂಖಂ ವರದಂ ವಾಮಹಸ್ತಕೇ |
ರಾಜರೂಪಧರಾಂ ಶಕ್ತಿಂ ಪ್ರಭಾಸೌಂದರ್ಯಶೋಭಿತಾಮ್ ||
ಹಂಸಾರೂಢಾಂ ಸ್ಮರೇದ್ದೇವೀಂ ವಿಜಯಾಂ ವಿಜಯಪ್ರದೇ ||
ಶ್ರೀ ಧೈರ್ಯ ಲಕ್ಷ್ಮೀಃ –
ಅಷ್ಟಬಾಹುಯುತಾಂ ಲಕ್ಷ್ಮೀಂ ಸಿಂಹಾಸನವರಸ್ಥಿತಾಮ್ |
ತಪ್ತಕಾಂಚನಸಂಕಾಶಾಂ ಕಿರೀಟಮಕುಟೋಜ್ಜ್ವಲಾಮ್ ||
ಸ್ವರ್ಣಕಂಚುಕಸಂಯುಕ್ತಾಂ ಸನ್ನವೀತತರಾಂ ಶುಭಾಮ್ |
ಅಭಯಂ ವರದಂ ಚೈವ ಭುಜಯೋಃ ಸವ್ಯವಾಮಯೋಃ ||
ಚಕ್ರಂ ಶೂಲಂ ಚ ಬಾಣಂ ಚ ಶಂಖಂ ಚಾಪಂ ಕಪಾಲಕಮ್ |
ದಧತೀಂ ಧೈರ್ಯಲಕ್ಷ್ಮೀಂ ಚ ನವತಾಲಾತ್ಮಿಕಾಂ ಭಜೇ ||
ಶ್ರೀ ಐಶ್ವರ್ಯ ಲಕ್ಷ್ಮೀಃ –
ಚತುರ್ಭುಜಾಂ ದ್ವಿನೇತ್ರಾಂ ಚ ವರಾಭಯಕರಾನ್ವಿತಾಮ್ |
ಅಬ್ಜದ್ವಯಕರಾಂಭೋಜಾಂ ಅಂಬುಜಾಸನಸಂಸ್ಥಿತಾಮ್ ||
ಸಸುವರ್ಣಘಟೋರಾಭ್ಯಾಂ ಪ್ಲಾವ್ಯಮಾನಾಂ ಮಹಾಶ್ರಿಯಮ್ |
ಸರ್ವಾಭರಣಶೋಭಾಢ್ಯಾಂ ಶುಭ್ರವಸ್ತ್ರೋತ್ತರೀಯಕಾಮ್ ||
ಚಾಮರಗ್ರಹನಾರೀಭಿಃ ಸೇವಿತಾಂ ಪಾರ್ಶ್ವಯೋರ್ದ್ವಯೋಃ |
ಆಪಾದಲಂಬಿವಸನಾಂ ಕರಂಡಮಕುಟಾಂ ಭಜೇ ||
ಇನ್ನಷ್ಟು ಶ್ರೀ ಲಕ್ಷ್ಮೀ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
