Read in తెలుగు / ಕನ್ನಡ / தமிழ் / देवनागरी / English (IAST)
ಶಾಂತಿರುವಾಚ |
ಓಂ ನಮಃ ಸರ್ವಭೂತಾನಾಂ ಸಾಧನಾಯ ಮಹಾತ್ಮನೇ |
ಏಕದ್ವಿಪಂಚಧಿಷ್ಟ್ಯಾಯ ರಾಜಸೂಯೇ ಷಡಾತ್ಮನೇ || ೧ ||
ನಮಃ ಸಮಸ್ತದೇವಾನಾಂ ವೃತ್ತಿದಾಯ ಸುವರ್ಚಸೇ |
ಶುಕ್ರರೂಪಾಯ ಜಗತಾಮಶೇಷಾಣಾಂ ಸ್ಥಿತಿಪ್ರದಃ || ೨ ||
ತ್ವಂ ಮುಖಂ ಸರ್ವದೇವಾನಾಂ ತ್ವಯಾತ್ತುಂ ಭಗವನ್ಹವಿಃ |
ಪ್ರೀಣಯತ್ಯಖಿಲಾನ್ ದೇವಾನ್ ತ್ವತ್ಪ್ರಾಣಾಃ ಸರ್ವದೇವತಾಃ || ೩ ||
ಹುತಂ ಹವಿಸ್ತ್ವಯ್ಯಮಲಮೇಧತ್ವಮುಪಗಚ್ಛತಿ |
ತತಶ್ಚ ಜಲರೂಪೇಣ ಪರಿಣಾಮಮುಪೈತಿ ಯತ್ || ೪ ||
ತೇನಾಖಿಲೌಷಧೀಜನ್ಮ ಭವತ್ಯನಿಲಸಾರಥೇ |
ಔಷಧೀಭಿರಶೇಷಾಭಿಃ ಸುಖಂ ಜೀವಂತಿ ಜಂತವಃ || ೫ ||
ವಿತನ್ವತೇ ನರಾ ಯಜ್ಞಾನ್ ತ್ವತ್ಸೃಷ್ಟಾಸ್ವೋಷಧೀಷು ಚ |
ಯಜ್ಞೈರ್ದೇವಾಸ್ತಥಾ ದೈತ್ಯಾಸ್ತದ್ವದ್ರಕ್ಷಾಂಸಿ ಪಾವಕ || ೬ ||
ಆಪ್ಯಾಯ್ಯಂತೇ ಚ ತೇ ಯಜ್ಞಾಸ್ತ್ವದಾಧಾರಾ ಹುತಾಶನ |
ಅತಃ ಸರ್ವಸ್ಯ ಯೋನಿಸ್ತ್ವಂ ವಹ್ನೇ ಸರ್ವಮಯಸ್ತಥಾ || ೭ ||
ದೇವತಾ ದಾನವಾ ಯಕ್ಷಾ ದೈತ್ಯಾ ಗಂಧರ್ವರಾಕ್ಷಸಾಃ |
ಮಾನುಷಾಃ ಪಶವೋ ವೃಕ್ಷಾ ಮೃಗಪಕ್ಷಿಸರೀಸೃಪಾಃ || ೮ ||
ಆಪ್ಯಾಯ್ಯಂತೇ ತ್ವಯಾ ಸರ್ವೇ ಸಂವರ್ಧ್ಯಂತೇ ಚ ಪಾವಕ |
ತ್ವತ್ತ ಏವೋದ್ಭವಂ ಯಾಂತಿ ತ್ವಯ್ಯಂತೇ ಚ ತಥಾ ಲಯಮ್ || ೯ ||
ಅಪಃ ಸೃಜಸಿ ದೇವ ತ್ವಂ ತ್ವಮತ್ಸಿ ಪುನರೇವ ತಾಃ |
ಪಚ್ಯಮಾನಾಸ್ತ್ವಯಾ ತಾಶ್ಚ ಪ್ರಾಣಿನಾಂ ಪುಷ್ಟಿಕಾರಣಮ್ || ೧೦ ||
ದೇವೇಷು ತೇಜೋರೂಪೇಣ ಕಾಂತ್ಯಾ ಸಿದ್ಧೇಷ್ವವಸ್ಥಿತಃ |
ವಿಷರೂಪೇಣ ನಾಗೇಷು ವಾಯುರೂಪಃ ಪತತ್ತ್ರಿಷು || ೧೧ ||
ಮನುಜೇಷು ಭವಾನ್ ಕ್ರೋಧೋ ಮೋಹಃ ಪಕ್ಷಿಮೃಗಾದಿಷು |
ಅವಷ್ಟಂಭೋಽಸಿ ತರುಷು ಕಾಠಿನ್ಯಂ ತ್ವಂ ಮಹೀಂ ಪ್ರತಿ || ೧೨ ||
ಜಲೇ ದ್ರವತ್ವಂ ಭಗವಾನ್ ಜಲರೂಪೀ ತಥಾಽನಿಲೇ |
ವ್ಯಾಪಿತ್ವೇನ ತಥೈವಾಗ್ನೇ ನಭಸ್ಯಾತ್ಮಾ ವ್ಯವಸ್ಥಿತಃ || ೧೩ ||
ತ್ವಮಗ್ನೇ ಸರ್ವಭೂತಾನಾಮಂತಶ್ಚರಸಿ ಪಾಲಯನ್ |
ತ್ವಾಮೇಕಮಾಹುಃ ಕವಯಸ್ತ್ವಾಮಾಹುಸ್ತ್ರಿವಿಧಂ ಪುನಃ || ೧೪ ||
ತ್ವಾಮಷ್ಟಧಾ ಕಲ್ಪಯಿತ್ವಾ ಯಜ್ಞವಾಹಮಕಲ್ಪಯನ್ |
ತ್ವಯಾ ಸೃಷ್ಟಮಿದಂ ವಿಶ್ವಂ ವದಂತಿ ಪರಮರ್ಷಯಃ || ೧೫ ||
ತ್ವಾಮೃತೇ ಹಿ ಜಗತ್ಸರ್ವಂ ಸದ್ಯೋ ನಶ್ಯೇದ್ಧುತಾಶನ |
ತುಭ್ಯಂ ಕೃತ್ವಾ ದ್ವಿಜಃ ಪೂಜಾಂ ಸ್ವಕರ್ಮವಿಹಿತಾಂ ಗತಿಮ್ || ೧೬ ||
ಪ್ರಯಾತಿ ಹವ್ಯಕವ್ಯಾದ್ಯೈಃ ಸ್ವಧಾಸ್ವಾಹಾಭ್ಯುದೀರಣಾತ್ |
ಪರಿಣಾಮಾತ್ಮವೀರ್ಯಾ ಹಿ ಪ್ರಾಣಿನಾಮಮರಾರ್ಚಿತ || ೧೭ ||
ದಹಂತಿ ಸರ್ವಭೂತಾನಿ ತತೋ ನಿಷ್ಕ್ರಮ್ಯ ಹೇತಯಃ |
ಜಾತವೇದಸ್ತವೈವೇಯಂ ವಿಶ್ವಸೃಷ್ಟಿಮಹಾದ್ಯುತೇ || ೧೮ ||
ತವೈವ ವೈದಿಕಂ ಕರ್ಮ ಸರ್ವಭೂತಾತ್ಮಕಂ ಜಗತ್ |
ನಮಸ್ತೇಽನಲ ಪಿಂಗಾಕ್ಷ ನಮಸ್ತೇಽಸ್ತು ಹುತಾಶನ || ೧೯ ||
ಪಾವಕಾದ್ಯ ನಮಸ್ತೇಽಸ್ತು ನಮಸ್ತೇ ಹವ್ಯವಾಹನ |
ತ್ವಮೇವ ಭುಕ್ತಪೀತಾನಾಂ ಪಾಚನಾದ್ವಿಶ್ವಪಾವಕಃ || ೨೦ ||
ಶಸ್ಯಾನಾಂ ಪಾಕಕರ್ತಾ ತ್ವಂ ಪೋಷ್ಟಾ ತ್ವಂ ಜಗತಸ್ತಥಾ |
ತ್ವಮೇವ ಮೇಘಸ್ತ್ವಂ ವಾಯುಸ್ತ್ವಂ ಬೀಜಂ ಶಸ್ಯಹೇತುಕಮ್ || ೨೧ ||
ಪೋಷಾಯ ಸರ್ವಭೂತಾನಾಂ ಭೂತಭವ್ಯಭವೋ ಹ್ಯಸಿ |
ತ್ವಂ ಜ್ಯೋತಿಃ ಸರ್ವಭೂತೇಷು ತ್ವಮಾದಿತ್ಯೋ ವಿಭಾವಸುಃ || ೨೨ ||
ತ್ವಮಹಸ್ತ್ವಂ ತಥಾ ರಾತ್ರಿರುಭೇ ಸಂಧ್ಯೇ ತಥಾ ಭವಾನ್ |
ಹಿರಣ್ಯರೇತಾಸ್ತ್ವಂ ವಹ್ನೇ ಹಿರಣ್ಯೋದ್ಭವಕಾರಣಮ್ || ೨೩ ||
ಹಿರಣ್ಯಗರ್ಭಶ್ಚ ಭವಾನ್ ಹಿರಣ್ಯಸದೃಶಪ್ರಭಃ |
ತ್ವಂ ಮುಹೂರ್ತಂ ಕ್ಷಣಶ್ಚ ತ್ವಂ ತ್ವಂ ತ್ರುಟಿಸ್ತ್ವಂ ತಥಾ ಲವಃ || ೨೪ ||
ಕಲಾಕಾಷ್ಠಾನಿಮೇಷಾದಿರೂಪೇಣಾಸಿ ಜಗತ್ಪ್ರಭೋ |
ತ್ವಮೇತದಖಿಲಂ ಕಾಲಃ ಪರಿಣಾಮಾತ್ಮಕೋ ಭವಾನ್ || ೨೫ ||
ಯಾ ಜಿಹ್ವಾ ಭವತಃ ಕಾಲೀ ಕಾಲನಿಷ್ಠಾಕರೀ ಪ್ರಭೋ |
ಭಯಾನ್ನಃ ಪಾಹಿ ಪಾಪೇಭ್ಯಃ ಐಹಿಕಾಚ್ಚ ಮಹಾಭಯಾತ್ || ೨೬ ||
ಕರಾಲೀ ನಾಮ ಯಾ ಜಿಹ್ವಾ ಮಹಾಪ್ರಲಯಕಾರಣಮ್ |
ತಯಾ ನಃ ಪಾಹಿ ಪಾಪೇಭ್ಯಃ ಐಹಿಕಾಚ್ಚ ಮಹಾಭಯಾತ್ || ೨೭ ||
ಮನೋಜವಾ ಚ ಯಾ ಜಿಹ್ವಾ ಲಘಿಮಾಗುಣಲಕ್ಷಣಾ |
ತಯಾ ನಃ ಪಾಹಿ ಪಾಪೇಭ್ಯಃ ಐಹಿಕಾಚ್ಚ ಮಹಾಭಯಾತ್ || ೨೮ ||
ಕರೋತಿ ಕಾಮಂ ಭೂತೇಭ್ಯೋ ಯಾ ತೇ ಜಿಹ್ವಾ ಸುಲೋಹಿತಾ |
ತಯಾ ನಃ ಪಾಹಿ ಪಾಪೇಭ್ಯಃ ಐಹಿಕಾಚ್ಚ ಮಹಾಭಯಾತ್ || ೨೯ ||
ಸುಧೂಮ್ರವರ್ಣಾ ಯಾ ಜಿಹ್ವಾ ಪ್ರಾಣಿನಾಂ ರೋಗದಾಹಿಕಾ |
ತಯಾ ನಃ ಪಾಹಿ ಪಾಪೇಭ್ಯಃ ಐಹಿಕಾಚ್ಚ ಮಹಾಭಯಾತ್ || ೩೦ ||
ಸ್ಫುಲಿಂಗಿನೀ ಚ ಯಾ ಜಿಹ್ವಾ ಯತಃ ಸಕಲಪುದ್ಗಲಾಃ |
ತಯಾ ನಃ ಪಾಹಿ ಪಾಪೇಭ್ಯಃ ಐಹಿಕಾಚ್ಚ ಮಹಾಭಯಾತ್ || ೩೧ ||
ಯಾ ತೇ ವಿಶ್ವಾ ಸದಾ ಜಿಹ್ವಾ ಪ್ರಾಣಿನಾಂ ಶರ್ಮದಾಯಿನೀ |
ತಯಾ ನಃ ಪಾಹಿ ಪಾಪೇಭ್ಯಃ ಐಹಿಕಾಚ್ಚ ಮಹಾಭಯಾತ್ || ೩೨ ||
ಪಿಂಗಾಕ್ಷ ಲೋಹಿತಗ್ರೀವ ಕೃಷ್ಣವರ್ಣ ಹುತಾಶನ |
ತ್ರಾಹಿ ಮಾಂ ಸರ್ವದೋಷೇಭ್ಯಃ ಸಂಸಾರಾದುದ್ಧರೇಹ ಮಾಮ್ || ೩೩ ||
ಪ್ರಸೀದ ವಹ್ನೇ ಸಪ್ತಾರ್ಚಿಃ ಕೃಶಾನೋ ಹವ್ಯವಾಹನ |
ಅಗ್ನಿಪಾವಕಶುಕ್ರಾದಿ ನಾಮಾಷ್ಟಭಿರುದೀರಿತಃ || ೩೪ ||
ಅಗ್ನೇಽಗ್ರೇ ಸರ್ವಭೂತಾನಾಂ ಸಮುದ್ಭೂತ ವಿಭಾವಸೋ |
ಪ್ರಸೀದ ಹವ್ಯವಾಹಾಖ್ಯ ಅಭಿಷ್ಟುತ ಮಯಾವ್ಯಯ || ೩೫ ||
ತ್ವಮಕ್ಷಯೋ ವಹ್ನಿರಚಿಂತ್ಯರೂಪಃ
ಸಮೃದ್ಧಿಮನ್ ದುಷ್ಪ್ರಸಹೋಽತಿತೀವ್ರಃ |
ತ್ವಮವ್ಯಯಂ ಭೀಮಮಶೇಷಲೋಕಂ
ಸಮೂರ್ತಿಕೋ ಹಂತ್ಯಥವಾತಿವೀರ್ಯಃ || ೩೬ ||
ತ್ವಮುತ್ತಮಂ ಸತ್ತ್ವಮಶೇಷಸತ್ವ-
-ಹೃತ್ಪುಂಡರೀಕಸ್ತ್ವಮನಂತಮೀಡ್ಯಮ್ |
ತ್ವಯಾ ತತಂ ವಿಶ್ವಮಿದಂ ಚರಾಚರಂ
ಹುತಾಶನೈಕೋ ಬಹುಧಾ ತ್ವಮತ್ರ || ೩೭ ||
ತ್ವಮಕ್ಷಯಃ ಸಗಿರಿವನಾ ವಸುಂಧರಾ
ನಭಃ ಸಸೋಮಾರ್ಕಮಹರ್ದಿವಾಖಿಲಮ್ |
ಮಹೋದಧೇರ್ಜಠರಗತಂಚ ವಾಡವೋ
ಭವಾನ್ವಿಭೂತ್ಯಾ ಪರಯಾ ಕರೇ ಸ್ಥಿತಃ || ೩೮ ||
ಹುತಾಶನಸ್ತ್ವಮಿತಿ ಸದಾಭಿಪೂಜ್ಯಸೇ
ಮಹಾಕ್ರತೌ ನಿಯಮಪರೈರ್ಮಹರ್ಷಿಭಿಃ |
ಅಭಿಷ್ಟುತಃ ಪಿವಸಿ ಚ ಸೋಮಮಧ್ವರೇ
ವಷಟ್ಕೃತಾನ್ಯಪಿ ಚ ಹವೀಂಷಿ ಭೂತಯೇ || ೩೯ ||
ತ್ವಂ ವಿಪ್ರೈಃ ಸತತಮಿಹೇಜ್ಯಸೇ ಫಲಾರ್ಥಂ
ವೇದಾಂಗೇಷ್ವಥ ಸಕಲೇಷು ಗೀಯಸೇ ತ್ವಮ್ |
ತ್ವದ್ಧೇತೋರ್ಯಜನಪರಾಯಣಾ ದ್ವಿಜೇಂದ್ರಾ
ವೇದಾಂಗಾನ್ಯಧಿಗಮಯಂತಿ ಸರ್ವಕಾಲೇ || ೪೦ ||
ತ್ವಂ ಬ್ರಹ್ಮಾ ಯಜನಪರಸ್ತಥೈವ ವಿಷ್ಣುಃ
ಭೂತೇಶಃ ಸುರಪತಿರರ್ಯಮಾ ಜಲೇಶಃ |
ಸೂರ್ಯೇಂದು ಸಕಲಸುರಾಸುರಾಶ್ಚ ಹವ್ಯೈಃ
ಸಂತೋಷ್ಯಾಭಿಮತಫಲಾನ್ಯಥಾಪ್ನುವಂತಿ || ೪೧ ||
ಅರ್ಚಿರ್ಭಿಃ ಪರಮಮಹೋಪಘಾತದುಷ್ಟಂ
ಸಂಸ್ಪೃಷ್ಟಂ ತವ ಶುಚಿ ಜಾಯತೇ ಸಮಸ್ತಮ್ |
ಸ್ನಾನಾನಾಂ ಪರಮಮತೀವ ಭಸ್ಮನಾ ಸತ್
ಸಂಧ್ಯಾಯಾಂ ಮುನಿಭಿರತೀವ ಸೇವ್ಯಸೇ ತತ್ || ೪೨ ||
ಪ್ರಸೀದ ವಹ್ನೇ ಶುಚಿನಾಮಧೇಯ
ಪ್ರಸೀದ ವಾಯೋ ವಿಮಲಾತಿದೀಪ್ತೇ |
ಪ್ರಸೀದ ಮೇ ಪಾವಕ ವೈದ್ಯುತಾದ್ಯ
ಪ್ರಸೀದ ಹವ್ಯಾಶನ ಪಾಹಿ ಮಾಂ ತ್ವಮ್ || ೪೩ ||
ಯತ್ತೇ ವಹ್ನೇ ಶಿವಂ ರೂಪಂ ಯೇ ಚ ತೇ ಸಪ್ತ ಹೇತಯಃ |
ತಃ ಪಾಹಿ ನಃ ಸ್ತುತೋ ದೇವ ಪಿತಾ ಪುತ್ರಮಿವಾತ್ಮಜಮ್ || ೪೪ ||
ಇತಿ ಶ್ರೀಮಾರ್ಕಂಡೇಯಪುರಾಣೇ ಭೌತ್ಯಮನ್ವಂತರೇ ಅಗ್ನಿ ಸ್ತೋತ್ರಂ ನಾಮ ಏಕೋನಶತೋಽಧ್ಯಾಯಃ |
ಇನ್ನಷ್ಟು ವಿವಿಧ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
