Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಹ್ಮೋವಾಚ |
ಸ್ತವನಂ ಸಾಮವೇದೋಕ್ತಂ ಸೂರ್ಯಸ್ಯ ವ್ಯಾಧಿಮೋಚನಮ್ |
ಸರ್ವಪಾಪಹರಂ ಸಾರಂ ಧನಾರೋಗ್ಯಕರಂ ಪರಮ್ || ೧ ||
ತಂ ಬ್ರಹ್ಮ ಪರಮಂ ಧಾಮ ಜ್ಯೋತೀರೂಪಂ ಸನಾತನಮ್ |
ತ್ವಾಮಹಂ ಸ್ತೋತುಮಿಚ್ಛಾಮಿ ಭಕ್ತಾನುಗ್ರಹಕಾರಕಮ್ || ೨ ||
ತ್ರೈಲೋಕ್ಯಲೋಚನಂ ಲೋಕನಾಥಂ ಪಾಪವಿಮೋಚನಮ್ |
ತಪಸಾಂ ಫಲದಾತಾರಂ ದುಃಖದಂ ಪಾಪಿನಾಂ ಸದಾ || ೩ ||
ಕರ್ಮಾನುರೂಪಫಲದಂ ಕರ್ಮಬೀಜಂ ದಯಾನಿಧಿಮ್ |
ಕರ್ಮರೂಪಂ ಕ್ರಿಯಾರೂಪಮರೂಪಂ ಕರ್ಮಬೀಜಕಮ್ || ೪ ||
ಬ್ರಹ್ಮವಿಷ್ಣುಮಹೇಶಾನಾಮಂಶಂ ಚ ತ್ರಿಗುಣಾತ್ಮಕಮ್ |
ವ್ಯಾಧಿದಂ ವ್ಯಾಧಿಹಂತಾರಂ ಶೋಕಮೋಹಭಯಾಪಹಮ್ |
ಸುಖದಂ ಮೋಕ್ಷದಂ ಸಾರಂ ಭಕ್ತಿದಂ ಸರ್ವಕಾಮದಮ್ || ೫ ||
ಸರ್ವೇಶ್ವರಂ ಸರ್ವರೂಪಂ ಸಾಕ್ಷಿಣಂ ಸರ್ವಕರ್ಮಣಾಮ್ |
ಪ್ರತ್ಯಕ್ಷಂ ಸರ್ವಲೋಕಾನಾಮಪ್ರತ್ಯಕ್ಷಂ ಮನೋಹರಮ್ || ೬ ||
ಶಶ್ವದ್ರಸಹರಂ ಪಶ್ಚಾದ್ರಸದಂ ಸರ್ವಸಿದ್ಧಿದಮ್ |
ಸಿದ್ಧಿಸ್ವರೂಪಂ ಸಿದ್ಧೇಶಂ ಸಿದ್ಧಾನಾಂ ಪರಮಂ ಗುರುಮ್ || ೭ ||
ಸ್ತವರಾಜಮಿದಂ ಪ್ರೋಕ್ತಂ ಗುಹ್ಯಾದ್ಗುಹ್ಯತರಂ ಪರಮ್ |
ತ್ರಿಸಂಧ್ಯಂ ಯಃ ಪಠೇನ್ನಿತ್ಯಂ ವ್ಯಾಧಿಭ್ಯಃ ಸ ಪ್ರಮುಚ್ಯತೇ || ೮ ||
ಆಂಧ್ಯಂ ಕುಷ್ಠಂ ಚ ದಾರಿದ್ರ್ಯಂ ರೋಗಃ ಶೋಕೋ ಭಯಂ ಕಲಿಃ |
ತಸ್ಯ ನಶ್ಯತಿ ವಿಶ್ವೇಶ ಶ್ರೀಸೂರ್ಯಕೃಪಯಾ ಧ್ರುವಮ್ || ೯ ||
ಮಹಾಕುಷ್ಠೀ ಚ ಗಲಿತೋ ಚಕ್ಷುರ್ಹೀನೋ ಮಹಾವ್ರಣೀ |
ಯಕ್ಷ್ಮಗ್ರಸ್ತೋ ಮಹಾಶೂಲೀ ನಾನಾವ್ಯಾಧಿಯುತೋಽಪಿ ವಾ || ೧೦ ||
ಮಾಸಂ ಕೃತ್ವಾ ಹವಿಷ್ಯಾನ್ನಂ ಶ್ರುತ್ವಾಽತೋ ಮುಚ್ಯತೇ ಧ್ರುವಮ್ |
ಸ್ನಾನಂ ಚ ಸರ್ವತೀರ್ಥಾನಾಂ ಲಭತೇ ನಾತ್ರ ಸಂಶಯಃ || ೧೧ ||
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಗಣಪತಿಖಂಡೇ ಏಕೋನವಿಂಶೋಽಧ್ಯಾಯೇ ಬ್ರಹ್ಮಕೃತ ಶ್ರೀ ಸೂರ್ಯ ಸ್ತವರಾಜಮ್ |
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
