Read in తెలుగు / ಕನ್ನಡ / தமிழ் / देवनागरी / English (IAST)
ಉದಯಾದ್ರಿಮಸ್ತಕಮಹಾಮಣಿಂ ಲಸತ್
ಕಮಲಾಕರೈಕಸುಹೃದಂ ಮಹೌಜಸಮ್ |
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಮ್ || ೧ ||
ತಿಮಿರಾಪಹಾರನಿರತಂ ನಿರಾಮಯಂ
ನಿಜರಾಗರಂಜಿತಜಗತ್ತ್ರಯಂ ವಿಭುಮ್ |
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಮ್ || ೨ ||
ದಿನರಾತ್ರಿಭೇದಕರಮದ್ಭುತಂ ಪರಂ
ಸುರವೃಂದಸಂಸ್ತುತಚರಿತ್ರಮವ್ಯಯಮ್ |
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಮ್ || ೩ ||
ಶ್ರುತಿಸಾರಪಾರಮಜರಾಮಯಂ ಪರಂ
ರಮಣೀಯವಿಗ್ರಹಮುದಗ್ರರೋಚಿಷಮ್ |
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಮ್ || ೪ ||
ಶುಕಪಕ್ಷತುಂಡಸದೃಶಾಶ್ವಮಂಡಲಂ
ಅಚಲಾವರೋಹಪರಿಗೀತಸಾಹಸಮ್ |
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಮ್ || ೫ ||
ಶ್ರುತಿತತ್ತ್ವಗಮ್ಯಮಖಿಲಾಕ್ಷಿಗೋಚರಂ
ಜಗದೇಕದೀಪಮುದಯಾಸ್ತರಾಗಿಣಮ್ |
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಮ್ || ೬ ||
ಶ್ರಿತಭಕ್ತವತ್ಸಲಮಶೇಷಕಲ್ಮಷ-
-ಕ್ಷಯಹೇತುಮಕ್ಷಯಫಲಪ್ರದಾಯಿನಮ್ |
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಮ್ || ೭ ||
ಅಹಮನ್ವಹಂ ಸತುರಗಕ್ಷತಾಟವೀ-
-ಶತಕೋಟಿಹಾಲಕಮಹಾಮಹೀಧನಮ್ |
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಮ್ || ೮ ||
ಇತಿ ಸೌರಮಷ್ಟಕಮಹರ್ಮುಖೇ ರವಿಂ
ಪ್ರಣಿಪತ್ಯ ಯಃ ಪಠತಿ ಭಕ್ತಿತೋ ನರಃ |
ಸ ವಿಮುಚ್ಯತೇ ಸಕಲರೋಗಕಲ್ಮಷೈಃ
ಸವಿತುಃ ಸಮೀಪಮಪಿ ಸಮ್ಯಗಾಪ್ನುಯಾತ್ || ೯ ||
ಇತಿ ಶ್ರೀ ರವಿ ಅಷ್ಟಕಮ್ |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
