Sri Surya Stavaraja Stotram – శ్రీ సూర్య స్తవరాజ స్తోత్రం


[గమనిక: ఈ స్తోత్రము “శ్రీ సూర్య స్తోత్రనిధి” పారాయణ గ్రంథములో కూడా ఉన్నది. Click here to buy.]

బ్రహ్మోవాచ |
స్తవనం సామవేదోక్తం సూర్యస్య వ్యాధిమోచనమ్ |
సర్వపాపహరం సారం ధనారోగ్యకరం పరమ్ || ౧ ||

తం బ్రహ్మ పరమం ధామ జ్యోతీరూపం సనాతనమ్ |
త్వామహం స్తోతుమిచ్ఛామి భక్తానుగ్రహకారకమ్ || ౨ ||

త్రైలోక్యలోచనం లోకనాథం పాపవిమోచనమ్ |
తపసాం ఫలదాతారం దుఃఖదం పాపినాం సదా || ౩ ||

కర్మానురూపఫలదం కర్మబీజం దయానిధిమ్ |
కర్మరూపం క్రియారూపమరూపం కర్మబీజకమ్ || ౪ ||

బ్రహ్మవిష్ణుమహేశానామంశం చ త్రిగుణాత్మకమ్ |
వ్యాధిదం వ్యాధిహంతారం శోకమోహభయాపహమ్ |
సుఖదం మోక్షదం సారం భక్తిదం సర్వకామదమ్ || ౫ ||

సర్వేశ్వరం సర్వరూపం సాక్షిణం సర్వకర్మణామ్ |
ప్రత్యక్షం సర్వలోకానామప్రత్యక్షం మనోహరమ్ || ౬ ||

శశ్వద్రసహరం పశ్చాద్రసదం సర్వసిద్ధిదమ్ |
సిద్ధిస్వరూపం సిద్ధేశం సిద్ధానాం పరమం గురుమ్ || ౭ ||

స్తవరాజమిదం ప్రోక్తం గుహ్యాద్గుహ్యతరం పరమ్ |
త్రిసంధ్యం యః పఠేన్నిత్యం వ్యాధిభ్యః స ప్రముచ్యతే || ౮ ||

ఆంధ్యం కుష్ఠం చ దారిద్ర్యం రోగః శోకో భయం కలిః |
తస్య నశ్యతి విశ్వేశ శ్రీసూర్యకృపయా ధ్రువమ్ || ౯ ||

మహాకుష్ఠీ చ గలితో చక్షుర్హీనో మహావ్రణీ |
యక్ష్మగ్రస్తో మహాశూలీ నానావ్యాధియుతోఽపి వా || ౧౦ ||

మాసం కృత్వా హవిష్యాన్నం శ్రుత్వాఽతో ముచ్యతే ధ్రువమ్ |
స్నానం చ సర్వతీర్థానాం లభతే నాత్ర సంశయః || ౧౧ ||

ఇతి శ్రీబ్రహ్మవైవర్తే మహాపురాణే గణపతిఖండే ఏకోనవింశోఽధ్యాయే బ్రహ్మకృత శ్రీ సూర్య స్తవరాజమ్ |


గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.

శ్రీ సూర్య స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ సూర్య స్తోత్రాలు చూడండి. మరిన్ని నవగ్రహ స్తోత్రాలు చూడండి.


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed