Read in తెలుగు / ಕನ್ನಡ / தமிழ் / देवनागरी / English (IAST)
brahmōvāca |
stavanaṁ sāmavēdōktaṁ sūryasya vyādhimōcanam |
sarvapāpaharaṁ sāraṁ dhanārōgyakaraṁ param || 1 ||
taṁ brahma paramaṁ dhāma jyōtīrūpaṁ sanātanam |
tvāmahaṁ stōtumicchāmi bhaktānugrahakārakam || 2 ||
trailōkyalōcanaṁ lōkanāthaṁ pāpavimōcanam |
tapasāṁ phaladātāraṁ duḥkhadaṁ pāpināṁ sadā || 3 ||
karmānurūpaphaladaṁ karmabījaṁ dayānidhim |
karmarūpaṁ kriyārūpamarūpaṁ karmabījakam || 4 ||
brahmaviṣṇumahēśānāmaṁśaṁ ca triguṇātmakam |
vyādhidaṁ vyādhihantāraṁ śōkamōhabhayāpaham |
sukhadaṁ mōkṣadaṁ sāraṁ bhaktidaṁ sarvakāmadam || 5 ||
sarvēśvaraṁ sarvarūpaṁ sākṣiṇaṁ sarvakarmaṇām |
pratyakṣaṁ sarvalōkānāmapratyakṣaṁ manōharam || 6 ||
śaśvadrasaharaṁ paścādrasadaṁ sarvasiddhidam |
siddhisvarūpaṁ siddhēśaṁ siddhānāṁ paramaṁ gurum || 7 ||
stavarājamidaṁ prōktaṁ guhyādguhyataraṁ param |
trisandhyaṁ yaḥ paṭhēnnityaṁ vyādhibhyaḥ sa pramucyatē || 8 ||
āndhyaṁ kuṣṭhaṁ ca dāridryaṁ rōgaḥ śōkō bhayaṁ kaliḥ |
tasya naśyati viśvēśa śrīsūryakr̥payā dhruvam || 9 ||
mahākuṣṭhī ca galitō cakṣurhīnō mahāvraṇī |
yakṣmagrastō mahāśūlī nānāvyādhiyutō:’pi vā || 10 ||
māsaṁ kr̥tvā haviṣyānnaṁ śrutvā:’tō mucyatē dhruvam |
snānaṁ ca sarvatīrthānāṁ labhatē nātra saṁśayaḥ || 11 ||
iti śrībrahmavaivartē mahāpurāṇē gaṇapatikhaṇḍē ēkōnaviṁśō:’dhyāyē brahmakr̥ta śrī sūrya stavarājam |
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
