Read in తెలుగు / ಕನ್ನಡ / தமிழ் / देवनागरी / English (IAST)
ಯಂ ಧ್ಯಾಯಸೇ ಸ ಕ್ವ ತವಾಸ್ತಿ ದೇವ
ಇತ್ಯುಕ್ತ ಊಚೇ ಪಿತರಂ ಸಶಸ್ತ್ರಮ್ |
ಪ್ರಹ್ಲಾದ ಆಸ್ತೇಖಿಲಗೋ ಹರಿಃ ಸ
ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ || ೧ ||
ತದಾ ಪದಾತಾಡಯದಾದಿದೈತ್ಯಃ
ಸ್ತಂಭಂ ತತೋಽಹ್ನಾಯ ಘುರೂರುಶಬ್ದಮ್ |
ಚಕಾರ ಯೋ ಲೋಕಭಯಂಕರಂ ಸ
ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ || ೨ ||
ಸ್ತಂಭಂ ವಿನಿರ್ಭಿದ್ಯ ವಿನಿರ್ಗತೋ ಯೋ
ಭಯಂಕರಾಕಾರ ಉದಸ್ತಮೇಘಃ |
ಜಟಾನಿಪಾತೈಃ ಸ ಚ ತುಂಗಕರ್ಣೋ
ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ || ೩ ||
ಪಂಚಾನನಾಸ್ಯೋ ಮನುಜಾಕೃತಿರ್ಯೋ
ಭಯಂಕರಸ್ತೀಕ್ಷ್ಣನಖಾಯುಧೋಽರಿಮ್ |
ಧೃತ್ವಾ ನಿಜೋರ್ವೋರ್ವಿದದಾರ ಸೋಽಸೌ
ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ || ೪ ||
ವರಪ್ರದೋಕ್ತೇರವಿರೋಧತೋಽರಿಂ
ಜಘಾನ ಭೃತ್ಯೋಕ್ತಮೃತಂ ಹಿ ಕುರ್ವನ್ |
ಸ್ರಗ್ವತ್ತದಂತ್ರಂ ನಿದಧೌ ಸ್ವಕಂಠೇ
ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ || ೫ ||
ವಿಚಿತ್ರದೇಹೋಽಪಿ ವಿಚಿತ್ರಕರ್ಮಾ
ವಿಚಿತ್ರಶಕ್ತಿಃ ಸ ಚ ಕೇಸರೀಹ |
ಪಾಪಂ ಚ ತಾಪಂ ವಿನಿವಾರ್ಯ ದುಃಖಂ
ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ || ೬ ||
ಪ್ರಹ್ಲಾದಃ ಕೃತಕೃತ್ಯೋಽಭೂದ್ಯತ್ಕೃಪಾಲೇಶತೋಽಮರಾಃ |
ನಿಷ್ಕಂಟಕಂ ಸ್ವಧಾಮಾಪುಃ ಶ್ರೀನೃಸಿಂಹಃ ಸ ಪಾತು ಮಾಮ್ || ೭ ||
ದಂಷ್ಟ್ರಾಕರಾಲವದನೋ ರಿಪೂಣಾಂ ಭಯಕೃದ್ಭಯಮ್ |
ಇಷ್ಟದೋ ಹರತಿ ಸ್ವಸ್ಯ ವಾಸುದೇವಃ ಸ ಪಾತು ಮಾಮ್ || ೮ ||
ಇತಿ ಶ್ರೀಮತ್ಪರಮಹಂಸ ಪರಿವ್ರಾಜಕಾಚಾರ್ಯ ಶ್ರೀವಾಸುದೇವಾನಂದಸರಸ್ವತೀ ವಿರಚಿತಂ ಶ್ರೀ ಲಕ್ಷ್ಮೀನೃಸಿಂಹಾಷ್ಟಕಮ್ |
ಇನ್ನಷ್ಟು ಶ್ರೀ ನೃಸಿಂಹ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
