Read in తెలుగు / ಕನ್ನಡ / தமிழ் / देवनागरी / English (IAST)
ಆಶಾನುರೂಪಫಲದಂ ಚರಣಾರವಿಂದ-
-ಭಾಜಾಮಪಾರ ಕರುಣಾರ್ಣವ ಪೂರ್ಣಚಂದ್ರಮ್ |
ನಾಶಾಯ ಸರ್ವವಿಪದಾಮಪಿ ನೌಮಿ ನಿತ್ಯ-
-ಮೀಶಾನಕೇಶವಭವಂ ಭುವನೈಕನಾಥಮ್ || ೧ ||
ಪಿಂಛಾವಲೀ ವಲಯಿತಾಕಲಿತಪ್ರಸೂನ-
-ಸಂಜಾತಕಾಂತಿಭರಭಾಸುರಕೇಶಭಾರಮ್ |
ಶಿಂಜಾನಮಂಜುಮಣಿಭೂಷಣರಂಜಿತಾಂಗಂ
ಚಂದ್ರಾವತಂಸಹರಿನಂದನಮಾಶ್ರಯಾಮಿ || ೨ ||
ಆಲೋಲನೀಲಲಲಿತಾಲಕಹಾರರಮ್ಯ-
-ಮಾಕಮ್ರನಾಸಮರುಣಾಧರಮಾಯತಾಕ್ಷಮ್ |
ಆಲಂಬನಂ ತ್ರಿಜಗತಾಂ ಪ್ರಮಥಾಧಿನಾಥ-
-ಮಾನಮ್ರಲೋಕ ಹರಿನಂದನಮಾಶ್ರಯಾಮಿ || ೩ ||
ಕರ್ಣಾವಲಂಬಿ ಮಣಿಕುಂಡಲಭಾಸಮಾನ-
-ಗಂಡಸ್ಥಲಂ ಸಮುದಿತಾನನಪುಂಡರೀಕಮ್ |
ಅರ್ಣೋಜನಾಭಹರಯೋರಿವ ಮೂರ್ತಿಮಂತಂ
ಪುಣ್ಯಾತಿರೇಕಮಿವ ಭೂತಪತಿಂ ನಮಾಮಿ || ೪ ||
ಉದ್ದಂಡಚಾರುಭುಜದಂಡಯುಗಾಗ್ರಸಂಸ್ಥಂ
ಕೋದಂಡಬಾಣಮಹಿತಾಂತಮದಾಂತವೀರ್ಯಮ್ |
ಉದ್ಯತ್ಪ್ರಭಾಪಟಲದೀಪ್ರಮದಭ್ರಸಾರಂ
ನಿತ್ಯಂ ಪ್ರಭಾಪತಿಮಹಂ ಪ್ರಣತೋ ಭವಾಮಿ || ೫ ||
ಮಾಲೇಯಪಂಕಸಮಲಂಕೃತಭಾಸಮಾನ-
-ದೋರಂತರಾಳತರಳಾಮಲಹಾರಜಾಲಮ್ |
ನೀಲಾತಿನಿರ್ಮಲದುಕೂಲಧರಂ ಮುಕುಂದ-
-ಕಾಲಾಂತಕಪ್ರತಿನಿಧಿಂ ಪ್ರಣತೋಽಸ್ಮಿ ನಿತ್ಯಮ್ || ೬ ||
ಯತ್ಪಾದಪಂಕಜಯುಗಂ ಮುನಯೋಽಪ್ಯಜಸ್ರಂ
ಭಕ್ತ್ಯಾ ಭಜಂತಿ ಭವರೋಗನಿವಾರಣಾಯ |
ಪುತ್ರಂ ಪುರಾಂತಕಮುರಾಂತಕಯೋರುದಾರಂ
ನಿತ್ಯಂ ನಮಾಮ್ಯಹಮಮಿತ್ರಕುಲಾಂತಕಂ ತಮ್ || ೭ ||
ಕಾಂತಂ ಕಲಾಯಕುಸುಮದ್ಯುತಿಲೋಭನೀಯ-
-ಕಾಂತಿಪ್ರವಾಹವಿಲಸತ್ಕಮನೀಯರೂಪಮ್ |
ಕಾಂತಾತನೂಜಸಹಿತಂ ನಿಖಿಲಾಮಯೌಘ-
-ಶಾಂತಿಪ್ರದಂ ಪ್ರಮಥನಾಥಮಹಂ ನಮಾಮಿ || ೮ ||
ಭೂತೇಶ ಭೂರಿಕರುಣಾಮೃತಪೂರಪೂರ್ಣ-
-ವಾರಾನ್ನಿಧೇ ವರದ ಭಕ್ತಜನೈಕಬಂಧೋ |
ಪಾಯಾದ್ಭವಾನ್ ಪ್ರಣತಮೇನಮಪಾರಘೋರ-
-ಸಂಸಾರಭೀತಮಿಹ ಮಾಮಖಿಲಾಮಯೇಭ್ಯಃ || ೯ ||
ಹೇ ಭೂತನಾಥ ಭಗವನ್ ಭವದೀಯಚಾರು-
-ಪಾದಾಂಬುಜೇ ಭವತು ಭಕ್ತಿರಚಂಚಲಾ ಮೇ |
ನಾಥಾಯ ಸರ್ವಜಗತಾಂ ಭಜತಾಂ ಭವಾಬ್ಧಿ-
-ಪೋತಾಯ ನಿತ್ಯಮಖಿಲಾಂಗಭುವೇ ನಮಸ್ತೇ || ೧೦ ||
ಇತಿ ಶ್ರೀ ಧರ್ಮಶಾಸ್ತಾ ಸ್ತುತಿ ದಶಕಮ್ ||
ಇನ್ನಷ್ಟು ಶ್ರೀ ಅಯ್ಯಪ್ಪ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
