Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಹ್ಮೋವಾಚ |
ವಂದೇ ರಾಮಂ ಜಗದ್ವಂದ್ಯಂ ಸುಂದರಾಸ್ಯಂ ಶುಚಿಸ್ಮಿತಮ್ |
ಕಂದರ್ಪಕೋಟಿಲಾವಣ್ಯಂ ಕಾಮಿತಾರ್ಥಪ್ರದಾಯಕಮ್ || ೧ ||
ಭಾಸ್ವತ್ಕಿರೀಟಕಟಕಕಟಿಸೂತ್ರೋಪಶೋಭಿತಮ್ |
ವಿಶಾಲಲೋಚನಂ ಭ್ರಾಜತ್ತರುಣಾರುಣಕುಂಡಲಮ್ || ೨ ||
ಶ್ರೀವತ್ಸಕೌಸ್ತುಭಲಸದ್ವಕ್ಷಸಂ ವನಮಾಲಿನಮ್ |
ಮುಕ್ತಾಹಾರಸುಶೋಭಾಢ್ಯಂ ಮುದ್ರಿಕಾರತ್ನಭಾಸುರಮ್ || ೩ ||
ಸರ್ವಾಂಗಸುಂದರಂ ಹೃದ್ಯಂ ದ್ವಿಭುಜಂ ರಘುನಂದನಮ್ |
ನೀಲಜೀಮೂತಸಂಕಾಶಂ ನೀಲಾಲಕವೃತಾನನಮ್ || ೪ ||
ಜ್ಞಾನಮುದ್ರಾಲಸದ್ವಕ್ಷೋಬಾಹುಂ ಜ್ಞಾನಮಯಂ ಹರಿಮ್ |
ವಾಮಜಾನೂಪರಿನ್ಯಸ್ತವಾಮಹಸ್ತಾಂಬುಜಂ ಪ್ರಭುಮ್ || ೫ ||
ವೀರಾಸನೇ ಸಮಾಸೀನಂ ವಿದ್ಯುತ್ಪುಂಜನಿಭಾಂಬರಮ್ |
ಕೋಟಿಸೂರ್ಯಪ್ರತೀಕಾಶಂ ಕೋಮಲಾಂಗಸಮುಜ್ಜ್ವಲಮ್ || ೬ ||
ಜಾನಕೀಲಕ್ಷ್ಮಣಾಭ್ಯಾಂ ಚ ವಾಮದಕ್ಷಿಣಶೋಭಿತಮ್ |
ಹನುಮದ್ರವಿಮುಖ್ಯಾದಿಕಪಿಮುಖ್ಯೈಶ್ಚ ಸೇವಿತಮ್ || ೭ ||
ದಿವ್ಯರತ್ನಸಮಾಯುಕ್ತಸಿಂಹಾಸನಗತಂ ಪ್ರಭುಮ್ |
ಪ್ರತ್ಯಹಂ ಪ್ರಾತರುತ್ಥಾಯ ಧ್ಯಾತ್ವೈವಂ ರಾಘವಂ ಹೃದಿ || ೮ ||
ಏಭಿಃ ಷೋಡಶಭಿರ್ನಾಮಪದೈಃ ಸ್ತುತ್ವಾ ನಮೇದ್ಧರಿಮ್ |
ನಮೋ ರಾಮಾಯ ಶುದ್ಧಾಯ ಬುದ್ಧಾಯ ಪರಮಾತ್ಮನೇ || ೯ ||
ವಿಶುದ್ಧಜ್ಞಾನದೇಹಾಯ ರಘುನಾಥಾಯ ತೇ ನಮಃ |
ನಮೋ ರಾವಣಹಂತ್ರೇ ತೇ ನಮೋ ವಾಲಿವಿನಾಶಿನೇ || ೧೦ ||
ನಮೋ ವೈಕುಂಠನಾಥಾಯ ನಮೋ ವಿಷ್ಣುಸ್ವರೂಪಿಣೇ |
ನಮೋ ಯಜ್ಞಸ್ವರೂಪಾಯ ಯಜ್ಞಭೋಕ್ತ್ರೇ ನಮೋ ನಮಃ || ೧೧ ||
ಯೋಗಿಧ್ಯೇಯಾಯ ಯೋಗಾಯ ಪರಮಾನಂದರೂಪಿಣೇ |
ಶಂಕರಪ್ರಿಯಮಿತ್ರಾಯ ಜಾನಕೀಜಾನಯೇ ನಮಃ || ೧೨ ||
ಯ ಏವಂ ಪ್ರಾತರುತ್ಥಾಯ ಭಕ್ತಿಶ್ರದ್ಧಾಸಮನ್ವಿತಃ |
ಷೋಡಶೈತಾನಿ ನಾಮಾನಿ ರಾಮಚಂದ್ರಸ್ಯ ನಿತ್ಯಶಃ || ೧೩ ||
ಪಠೇದ್ವಿದ್ವಾನ್ ಸ್ಮರನ್ ರಾಮಂ ಸ ಏವ ಸ್ಯಾದ್ರಘೂತ್ತಮಃ |
ಶ್ರೀರಾಮೇ ಭಕ್ತಿರಚಲಾ ಭವತ್ಯೇವ ಹಿ ಸರ್ವದಾ || ೧೪ ||
ಸಮಯೇ ಸಮನುಪ್ರಾಪ್ತೇ ರಾಘವಃ ಸೀತಯಾ ಸಹ |
ಹೃದಿ ಸಂದೃಶ್ಯತೇ ತಸ್ಯ ಸಾಕ್ಷಾತ್ ಸೌಮಿತ್ರಿಣಾ ಸಹ || ೧೫ ||
ನಿತ್ಯಂ ಚಾಪರರಾತ್ರೇಷು ರಾಮಸ್ಯೈತಾಂ ಸಮಾಹಿತಃ |
ಮುಚ್ಯತೇಽನುಸ್ಮೃತಿಂ ಜಪ್ತ್ವಾ ಮೃತ್ಯುದಾರಿದ್ರ್ಯಪಾತಕೈಃ || ೧೬ ||
ಇತಿ ಬ್ರಹ್ಮಪ್ರೋಕ್ತಂ ಶ್ರೀರಾಮಾನುಸ್ಮೃತಿ ಸ್ತೋತ್ರಮ್ |
ಇನ್ನಷ್ಟು ಶ್ರೀ ರಾಮ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
