Sri Rama Anusmruti Stotram – శ్రీ రామానుస్మృతి స్తోత్రం


[గమనిక: ఈ స్తోత్రము “శ్రీరామ స్తోత్రనిధి” పుస్తకములో కూడా ఉన్నది. Click here to buy.]

బ్రహ్మోవాచ |
వందే రామం జగద్వంద్యం సుందరాస్యం శుచిస్మితమ్ |
కందర్పకోటిలావణ్యం కామితార్థప్రదాయకమ్ || ౧ ||

భాస్వత్కిరీటకటకకటిసూత్రోపశోభితమ్ |
విశాలలోచనం భ్రాజత్తరుణారుణకుండలమ్ || ౨ ||

శ్రీవత్సకౌస్తుభలసద్వక్షసం వనమాలినమ్ |
ముక్తాహారసుశోభాఢ్యం ముద్రికారత్నభాసురమ్ || ౩ ||

సర్వాంగసుందరం హృద్యం ద్విభుజం రఘునందనమ్ |
నీలజీమూతసంకాశం నీలాలకవృతాననమ్ || ౪ ||

జ్ఞానముద్రాలసద్వక్షోబాహుం జ్ఞానమయం హరిమ్ |
వామజానూపరిన్యస్తవామహస్తాంబుజం ప్రభుమ్ || ౫ ||

వీరాసనే సమాసీనం విద్యుత్పుంజనిభాంబరమ్ |
కోటిసూర్యప్రతీకాశం కోమలాంగసముజ్జ్వలమ్ || ౬ ||

జానకీలక్ష్మణాభ్యాం చ వామదక్షిణశోభితమ్ |
హనుమద్రవిముఖ్యాదికపిముఖ్యైశ్చ సేవితమ్ || ౭ ||

దివ్యరత్నసమాయుక్తసింహాసనగతం ప్రభుమ్ |
ప్రత్యహం ప్రాతరుత్థాయ ధ్యాత్వైవం రాఘవం హృది || ౮ ||

ఏభిః షోడశభిర్నామపదైః స్తుత్వా నమేద్ధరిమ్ |
నమో రామాయ శుద్ధాయ బుద్ధాయ పరమాత్మనే || ౯ ||

విశుద్ధజ్ఞానదేహాయ రఘునాథాయ తే నమః |
నమో రావణహంత్రే తే నమో వాలివినాశినే || ౧౦ ||

నమో వైకుంఠనాథాయ నమో విష్ణుస్వరూపిణే |
నమో యజ్ఞస్వరూపాయ యజ్ఞభోక్త్రే నమో నమః || ౧౧ ||

యోగిధ్యేయాయ యోగాయ పరమానందరూపిణే |
శంకరప్రియమిత్రాయ జానకీజానయే నమః || ౧౨ ||

య ఏవం ప్రాతరుత్థాయ భక్తిశ్రద్ధాసమన్వితః |
షోడశైతాని నామాని రామచంద్రస్య నిత్యశః || ౧౩ ||

పఠేద్విద్వాన్ స్మరన్ రామం స ఏవ స్యాద్రఘూత్తమః |
శ్రీరామే భక్తిరచలా భవత్యేవ హి సర్వదా || ౧౪ ||

సమయే సమనుప్రాప్తే రాఘవః సీతయా సహ |
హృది సందృశ్యతే తస్య సాక్షాత్ సౌమిత్రిణా సహ || ౧౫ ||

నిత్యం చాపరరాత్రేషు రామస్యైతాం సమాహితః |
ముచ్యతేఽనుస్మృతిం జప్త్వా మృత్యుదారిద్ర్యపాతకైః || ౧౬ ||

ఇతి బ్రహ్మప్రోక్తం శ్రీరామానుస్మృతి స్తోత్రమ్ |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ రామ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ రామ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed