Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀನೀಲಲೋಹಿತ ಉವಾಚ |
ಜಗದ್ಯೋನಿರೂಪಾಂ ಸುವೇಶೀಂ ಚ ರಕ್ತಾಂ
ಗುಣಾತೀತಸಂಜ್ಞಾಂ ಮಹಾಗುಹ್ಯಗುಹ್ಯಾಮ್ |
ಮಹಾಸರ್ಪಭೂಷಾಂ ಭವೇಶಾದಿಪೂಜ್ಯಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಮ್ || ೧ ||
ಮಹಾಸ್ವರ್ಣವರ್ಣಾಂ ಶಿವಪೃಷ್ಠಸಂಸ್ಥಾಂ
ಮಹಾಮುಂಡಮಾಲಾಂ ಗಲೇ ಶೋಭಮಾನಾಮ್ |
ಮಹಾಚರ್ಮವಸ್ತ್ರಾಂ ಮಹಾಶಂಖಹಸ್ತಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಮ್ || ೨ ||
ಸದಾ ಸುಪ್ರಸನ್ನಾಂ ಭೃತಾಸೂಕ್ಷ್ಮಸೂಕ್ಷ್ಮಾಂ
ವರಾಭೀತಿಹಸ್ತಾಂ ಧೃತಾವಾಕ್ಷಪುಸ್ತಾಮ್ |
ಮಹಾಕಿನ್ನರೇಶೀಂ ಭಗಾಕಾರವಿದ್ಯಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಮ್ || ೩ ||
ತಿನೀಂ ತೀಕಿನೀನಾಂ ರವಾಂ ಕಿಂಕಿಣೀನಾಂ
ಹಹಾಹಾ ಹಹಾಹಾ ಮಹಾಲಾಪಶಬ್ದಾಮ್ |
ತಥೈಥೈ ತಥೈಥೈ ಮಹಾನೃತ್ಯನೃತ್ಯಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಮ್ || ೪ ||
ನನಾನಾ ರಿರೀರೀ ಮಹಾಗೀಶ ಶಂಬೂ
ಹುಹೂವೂ ಹುಹೂವೂ ಪಶೋ ರಕ್ತಪಾನಾಮ್ |
ಧಿಮಿಂಧೀಂ ಧಿಮಿಂಧೀಂ ಮೃದಂಗಸ್ಯ ಶಬ್ದಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಮ್ || ೫ ||
ಮಹಾಚಕ್ರಸಂಸ್ಥಾಂ ತ್ರಿಮಾತ್ರಾಸ್ವರೂಪಾಂ
ಶಿವಾರ್ಧಾಂಗಭೂತಾಂ ಮಹಾಪುಷ್ಪಮಾಲಾಮ್ |
ಮಹಾದುಃಖಹರ್ತ್ರೀಂ ಮಹಾಪ್ರೇತಸಂಸ್ಥಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಮ್ || ೬ ||
ಸ್ಫುರತ್ಪದ್ಮವಕ್ತ್ರಾಂ ಹಿಮಾಂಶೋಃ ಕಲಾಪಾಂ
ಮಹಾಕೋಮಲಾಂಗೀಂ ಸುರೇಶೇನ ಮಾನ್ಯಾಮ್ |
ಜಗತ್ಪಾಲನೈಕಾಗ್ರಚಿತ್ತಾಂ ಸುಪುಷ್ಟಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಮ್ || ೭ ||
ಮಹಾದೈತ್ಯನಾಶೀಂ ಸುರಾನಿತ್ಯಪಾಲೀಂ
ಮಹಾಬುದ್ಧಿರಾಶಿಂ ಕವೀನಾಂ ಮುಖಸ್ಥಾಮ್ |
ಜಟೀನಾಂ ಹೃದಿಸ್ಥಾಂ ಮನೂನಾಂ ಶಿರಃಸ್ಥಾಂ
ಮಹಾತ್ಯುಗ್ರಬಾಲಾಂ ಭಜೇಽಹಂ ಹಿ ನಿತ್ಯಾಮ್ || ೮ ||
ಭುಜಂಗಾಖ್ಯಂ ಮಹಾಸ್ತೋತ್ರಂ ತ್ರಿಷು ಲೋಕೇಷು ದುರ್ಲಭಮ್ |
ಮಹಾಸಿದ್ಧಿಪ್ರದಂ ದಿವ್ಯಂ ಚತುರ್ವರ್ಗಫಲಪ್ರದಮ್ || ೯ ||
ಸರ್ವಕ್ರತುಫಲಂ ಭದ್ರೇ ಸರ್ವವ್ರತಫಲಂ ತಥಾ |
ಸರ್ವದಾನೋದ್ಭವಂ ಪುಣ್ಯಂ ಲಭತೇ ನಾತ್ರ ಸಂಶಯಃ || ೧೦ ||
ವಿವಾದೇ ಕಲಹೇ ಘೋರೇ ಮಹಾದುಃಖೇ ಪರಾಜಯೇ |
ಗ್ರಹದೋಷೇ ಮಹಾರೋಗೇ ಪಠೇತ್ ಸ್ತೋತ್ರಂ ವಿಚಕ್ಷಣಃ || ೧೧ ||
ಸರ್ವದೋಷಾಃ ವಿನಶ್ಯಂತಿ ಲಭತೇ ವಾಂಛಿತಂ ಫಲಮ್ |
ದೂತೀಯಾಗೇ ಪಠೇದ್ದೇವಿ ಸರ್ವಶತ್ರುಕ್ಷಯೋ ಭವೇತ್ || ೧೨ ||
ಮಹಾಚಕ್ರೇ ಪಠೇದ್ದೇವಿ ಲಭತೇ ಪರಮಂ ಪದಮ್ |
ಪೂಜಾಂತೇ ಪಠತೇ ಭಕ್ತ್ಯಾ ಮಹಾಬಲಿಫಲಪ್ರದಮ್ || ೧೩ ||
ಪಿತೃಗೇಹೇ ತುರ್ಯಪಥೇ ಶೂನ್ಯಾಗಾರೇ ಶಿವಾಲಯೇ |
ಬಿಲ್ವಮೂಲೇ ಚೈಕವೃಕ್ಷೇ ರತೌ ಮಧುಸಮಾಗಮೇ || ೧೪ ||
ಪಠೇತ್ ಸ್ತೋತ್ರಂ ಮಹೇಶಾನಿ ಜೀವನ್ಮುಕ್ತಃ ಸ ಉಚ್ಯತೇ |
ತ್ರಿಕಾಲಂ ಪಠತೇ ನಿತ್ಯಂ ದೇವೀಪುತ್ರತ್ವಮಾಪ್ನುಯಾತ್ || ೧೫ ||
ಇತಿ ಶ್ರೀಕಾಲಾನಲತಂತ್ರೇ ಶ್ರೀ ಬಾಲಾ ಭುಜಂಗ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಬಾಲಾ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
