Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಬಾಲಾಸ್ತವರಾಜಸ್ತೋತ್ರಸ್ಯ ಶ್ರೀಮೃತ್ಯುಂಜಯ ಋಷಿಃ, ಕಕುಪ್ಛಂದಃ, ಶ್ರೀಬಾಲಾ ದೇವತಾ, ಕ್ಲೀಂ ಬೀಜಂ, ಸೌಃ ಶಕ್ತಿಃ, ಐಂ ಕೀಲಕಂ, ಭೋಗಮೋಕ್ಷಾರ್ಥೇ ಜಪೇ ವಿನಿಯೋಗಃ |
ಕರನ್ಯಾಸಃ –
ಐಂ ಅಂಗುಷ್ಠಾಭ್ಯಾಂ ನಮಃ |
ಕ್ಲೀಂ ತರ್ಜನೀಭ್ಯಾಂ ನಮಃ |
ಸೌಃ ಮಧ್ಯಮಾಭ್ಯಾಂ ನಮಃ |
ಐಂ ಅನಾಮಿಕಾಭ್ಯಾಂ ನಮಃ |
ಕ್ಲೀಂ ಕನಿಷ್ಠಿಕಾಭ್ಯಾಂ ನಮಃ |
ಸೌಃ ಕರತಲ ಕರಪೃಷ್ಠಾಭ್ಯಾಂ ನಮಃ |
ಹೃದಯಾದಿನ್ಯಾಸಃ –
ಐಂ ಹೃದಯಾಯ ನಮಃ |
ಕ್ಲೀಂ ಶಿರಸೇ ಸ್ವಾಹಾ |
ಸೌಃ ಶಿಖಾಯೈ ವಷಟ್ |
ಐಂ ಕವಚಾಯ ಹುಮ್ |
ಕ್ಲೀಂ ನೇತ್ರತ್ರಯಾಯ ವೌಷಟ್ |
ಸೌಃ ಅಸ್ತ್ರಾಯ ಫಟ್ |
ಭೂರ್ಭುವಸ್ಸುವರೋಂ ಇತಿ ದಿಗ್ಬಂಧಃ ||
ಧ್ಯಾನಮ್ |
ಅಕ್ಷಪುಸ್ತಧರಾಂ ರಕ್ತಾಂ ವರಾಭಯಕರಾಂಬುಜಾಮ್ |
ಚಂದ್ರಮುಂಡಾಂ ತ್ರಿನೇತ್ರಾಂ ಚ ಧ್ಯಾಯೇದ್ಬಾಲಾಂ ಫಲಪ್ರದಾಮ್ || ೧ ||
ಐಂ ತ್ರೈಲೋಕ್ಯವಿಜಯಾಯೈ ಹುಂ ಫಟ್ |
ಕ್ಲೀಂ ತ್ರಿಗುಣರಹಿತಾಯೈ ಹುಂ ಫಟ್ |
ಸೌಃ ಸರ್ವೈಶ್ವರ್ಯದಾಯಿನ್ಯೈ ಹುಂ ಫಟ್ || ೨ ||
ನಾತಃ ಪರತರಾ ಸಿದ್ಧಿರ್ನಾತಃ ಪರತರಾ ಗತಿಃ |
ನಾತಃ ಪರತರೋ ಮಂತ್ರಃ ಸತ್ಯಂ ಸತ್ಯಂ ವದಾಮ್ಯಹಮ್ || ೩ ||
ರಕ್ತಾಂ ರಕ್ತಚ್ಛದಾಂ ತೀಕ್ಷ್ಣಾಂ ರಕ್ತಪಾಂ ರಕ್ತವಾಸಸೀಮ್ |
ಸ್ವರೂಪಾಂ ರತ್ನಭೂಷಾಂ ಚ ಲಲಜ್ಜಿಹ್ವಾಂ ಪರಾಂ ಭಜೇ || ೪ ||
ತ್ರೈಲೋಕ್ಯಜನನೀಂ ಸಿದ್ಧಾಂ ತ್ರಿಕೋಣಸ್ಥಾಂ ತ್ರಿಲೋಚನಾಮ್ |
ತ್ರಿವರ್ಗಫಲದಾಂ ಶಾಂತಾಂ ವಂದೇ ಬೀಜತ್ರಯಾತ್ಮಿಕಾಮ್ || ೫ ||
ಶ್ರೀಬಾಲಾಂ ವಾರುಣೀಪ್ರೀತಾಂ ಬಾಲಾರ್ಕಕೋಟಿದ್ಯೋತಿನೀಮ್ |
ವರದಾಂ ಬುದ್ಧಿದಾಂ ಶ್ರೇಷ್ಠಾಂ ವಾಮಾಚಾರಪ್ರಿಯಾಂ ಭಜೇ || ೫ ||
ಚತುರ್ಭುಜಾಂ ಚಾರುನೇತ್ರಾಂ ಚಂದ್ರಮೌಲಿಂ ಕಪಾಲಿನೀಮ್ |
ಚತುಃಷಷ್ಟಿಯೋಗಿನೀಶಾಂ ವೀರವಂದ್ಯಾಂ ಭಜಾಮ್ಯಹಮ್ || ೬ ||
ಕೌಲಿಕಾಂ ಕಲತತ್ತ್ವಸ್ಥಾಂ ಕೌಲಾವಾರಾಂಕವಾಹನಾಮ್ |
ಕೌಸುಂಭವರ್ಣಾಂ ಕೌಮಾರೀಂ ಕವರ್ಮಧಾರಿಣೀಂ ಭಜೇ || ೭ ||
ದ್ವಾದಶಸ್ವರರೂಪಾಯೈ ನಮಸ್ತೇಽಸ್ತು ನಮೋ ನಮಃ |
ನಮೋ ನಮಸ್ತೇ ಬಾಲಾಯೈ ಕಾರುಣ್ಯಾಯೈ ನಮೋ ನಮಃ || ೮ ||
ವಿದ್ಯಾವಿದ್ಯಾದ್ಯವಿದ್ಯಾಯೈ ನಮಸ್ತೇಽಸ್ತು ನಮೋ ನಮಃ |
ವಿದ್ಯಾರಾಜ್ಞ್ಯೈ ಮಹಾದೇವ್ಯೈ ಶಿವಾಯೈ ಸತತಂ ನಮಃ || ೯ ||
ಐಂ ಬಾಲಾಯೈ ವಿದ್ಮಹೇ ಕ್ಲೀಂ ತ್ರಿಭುವನೇಶ್ವರ್ಯೈ ಧೀಮಹಿ |
ಸೌಃ ತನ್ನೋ ದೇವೀ ಪ್ರಚೋದಯಾತ್ | ಐಂ ಬಾಲಾಯೈ ಸ್ವಾಹಾ || ೧೦ ||
ದ್ವಾದಶಾಂತಾಲಯಾಂ ಶ್ರೇಷ್ಠಾಂ ಷೋಡಶಾಧಾರಗಾಂ ಶಿವಾಮ್ |
ಪಂಚೇಂದ್ರಿಯಸ್ವರೂಪಾಖ್ಯಾಂ ಭೂಯೋ ಭೂಯೋ ನಮಾಮ್ಯಹಮ್ || ೧೧ ||
ಬ್ರಹ್ಮವಿದ್ಯಾಂ ಬ್ರಹ್ಮರೂಪಾಂ ಬ್ರಹ್ಮಜ್ಞಾನಪ್ರದಾಯಿನೀಮ್ |
ವಸುಪ್ರದಾಂ ವೇದರೂಪಾಂ ವಂದೇ ಬಾಲಾಂ ಶುಭಾನನಾಮ್ || ೧೨ ||
ಅಘೋರಾಂ ಭೀಷಣಾಮಾದ್ಯಾಮನಂತೋಪರಿಸಂಸ್ಥಿತಾಮ್ |
ದೇವದೇವೇಶ್ವರೀಂ ಭದ್ರಾಂ ಶ್ರೀಬಾಲಾಂ ಪ್ರಣಮಾಮ್ಯಹಮ್ || ೧೩ ||
ಭವಪ್ರಿಯಾಂ ಭವಾಧಾರಾಂ ಭಗರೂಪಾಂ ಭಗಪ್ರಿಯಾಮ್ |
ಭಯಾನಕಾಂ ಭೂತಧಾತ್ರೀಂ ಭೂದೇವಪೂಜಿತಾಂ ಭಜೇ || ೧೪ ||
ಅಕಾರಾದಿಕ್ಷಕಾರಾಂತಾಂ ಕ್ಲೀಬಾಕ್ಷರಾತ್ಮಿಕಾಂ ಪರಾಮ್ |
ವಂದೇ ವಂದೇ ಮಹಾಮಾಯಾಂ ಭವಭವ್ಯಭಯಾಪಹಾಮ್ || ೧೫ ||
ನಾಡೀರೂಪ್ಯೈ ನಮಸ್ತೇಽಸ್ತು ಧಾತುರೂಪ್ಯೈ ನಮೋ ನಮಃ |
ಜೀವರೂಪ್ಯೈ ನಮಸ್ಯಾಮಿ ಬ್ರಹ್ಮರೂಪ್ಯೈ ನಮೋ ನಮಃ || ೧೬ ||
ನಮಸ್ತೇ ಮಂತ್ರರೂಪಾಯೈ ಪೀಠಗಾಯೈ ನಮೋ ನಮಃ |
ಸಿಂಹಾಸನೇಶ್ವರಿ ತುಭ್ಯಂ ಸಿದ್ಧಿರೂಪ್ಯೈ ನಮೋ ನಮಃ || ೧೭ ||
ನಮಸ್ತೇ ಮಾತೃರೂಪಿಣ್ಯೈ ನಮಸ್ತೇ ಭೈರವಪ್ರಿಯೇ |
ನಮಸ್ತೇ ಚೋಪಪೀಠಾಯೈ ಬಾಲಾಯೈ ಸತತಂ ನಮಃ || ೧೮ ||
ಯೋಗೇಶ್ವರ್ಯೈ ನಮಸ್ತೇಽಸ್ತು ಯೋಗದಾಯೈ ನಮೋ ನಮಃ |
ಯೋಗನಿದ್ರಾಸ್ವರೂಪಿಣ್ಯೈ ಬಾಲಾದೇವ್ಯೈ ನಮೋ ನಮಃ || ೧೯ ||
ಸುಪುಣ್ಯಾಯೈ ನಮಸ್ತೇಽಸ್ತು ಸುಶುದ್ಧಾಯೈ ನಮೋ ನಮಃ |
ಸುಗುಹ್ಯಾಯೈ ನಮಸ್ತೇಽಸ್ತು ಬಾಲಾದೇವ್ಯೈ ನಮೋ ನಮಃ || ೨೦ ||
ಇತೀದಂ ಸ್ತವರಾಜಾಖ್ಯಂ ಸರ್ವಸ್ತೋತ್ರೋತ್ತಮೋತ್ತಮಮ್ |
ಯೇ ಪಠಂತಿ ಮಹೇಶಾನಿ ಪುನರ್ಜನ್ಮ ನ ವಿದ್ಯತೇ || ೨೧ ||
ಸರ್ವಪಾಪಹರಂ ಪುಣ್ಯಂ ಸರ್ವಸ್ಫೋಟವಿನಾಶಕಮ್ |
ಸರ್ವಸಿದ್ಧಿಪ್ರದಂ ಶ್ರೇಷ್ಠಂ ಭೋಗೈಶ್ವರ್ಯಪ್ರದಾಯಕಮ್ || ೨೨ ||
ಭೂರ್ಭುವಸ್ಸುವರೋಂ ಇತಿ ದಿಗ್ವಿಮೋಕಃ ||
ಇತಿ ಶ್ರೀ ಬಾಲಾ ಸ್ತವರಾಜಃ |
ಇನ್ನಷ್ಟು ಶ್ರೀ ಬಾಲಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
