Read in తెలుగు / ಕನ್ನಡ / தமிழ் / देवनागरी / English (IAST)
śrīnīlalōhita uvāca |
jagadyōnirūpāṁ suvēśīṁ ca raktāṁ
guṇātītasañjñāṁ mahāguhyaguhyām |
mahāsarpabhūṣāṁ bhavēśādipūjyāṁ
mahātyugrabālāṁ bhajē:’haṁ hi nityām || 1 ||
mahāsvarṇavarṇāṁ śivapr̥ṣṭhasaṁsthāṁ
mahāmuṇḍamālāṁ galē śōbhamānām |
mahācarmavastrāṁ mahāśaṅkhahastāṁ
mahātyugrabālāṁ bhajē:’haṁ hi nityām || 2 ||
sadā suprasannāṁ bhr̥tāsūkṣmasūkṣmāṁ
varābhītihastāṁ dhr̥tāvākṣapustām |
mahākinnarēśīṁ bhagākāravidyāṁ
mahātyugrabālāṁ bhajē:’haṁ hi nityām || 3 ||
tinīṁ tīkinīnāṁ ravāṁ kiṅkiṇīnāṁ
hahāhā hahāhā mahālāpaśabdām |
tathaithai tathaithai mahānr̥tyanr̥tyāṁ
mahātyugrabālāṁ bhajē:’haṁ hi nityām || 4 ||
nanānā rirīrī mahāgīśa śambū
huhūvū huhūvū paśō raktapānām |
dhimindhīṁ dhimindhīṁ mr̥daṅgasya śabdāṁ
mahātyugrabālāṁ bhajē:’haṁ hi nityām || 5 ||
mahācakrasaṁsthāṁ trimātrāsvarūpāṁ
śivārdhāṅgabhūtāṁ mahāpuṣpamālām |
mahāduḥkhahartrīṁ mahāprētasaṁsthāṁ
mahātyugrabālāṁ bhajē:’haṁ hi nityām || 6 ||
sphuratpadmavaktrāṁ himāṁśōḥ kalāpāṁ
mahākōmalāṅgīṁ surēśēna mānyām |
jagatpālanaikāgracittāṁ supuṣṭāṁ
mahātyugrabālāṁ bhajē:’haṁ hi nityām || 7 ||
mahādaityanāśīṁ surānityapālīṁ
mahābuddhirāśiṁ kavīnāṁ mukhasthām |
jaṭīnāṁ hr̥disthāṁ manūnāṁ śiraḥsthāṁ
mahātyugrabālāṁ bhajē:’haṁ hi nityām || 8 ||
bhujaṅgākhyaṁ mahāstōtraṁ triṣu lōkēṣu durlabham |
mahāsiddhipradaṁ divyaṁ caturvargaphalapradam || 9 ||
sarvakratuphalaṁ bhadrē sarvavrataphalaṁ tathā |
sarvadānōdbhavaṁ puṇyaṁ labhatē nātra saṁśayaḥ || 10 ||
vivādē kalahē ghōrē mahāduḥkhē parājayē |
grahadōṣē mahārōgē paṭhēt stōtraṁ vicakṣaṇaḥ || 11 ||
sarvadōṣāḥ vinaśyanti labhatē vāñchitaṁ phalam |
dūtīyāgē paṭhēddēvi sarvaśatrukṣayō bhavēt || 12 ||
mahācakrē paṭhēddēvi labhatē paramaṁ padam |
pūjāntē paṭhatē bhaktyā mahābaliphalapradam || 13 ||
pitr̥gēhē turyapathē śūnyāgārē śivālayē |
bilvamūlē caikavr̥kṣē ratau madhusamāgamē || 14 ||
paṭhēt stōtraṁ mahēśāni jīvanmuktaḥ sa ucyatē |
trikālaṁ paṭhatē nityaṁ dēvīputratvamāpnuyāt || 15 ||
iti śrīkālānalatantrē śrī bālā bhujaṅga stōtram |
See more śrī bālā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
