Read in తెలుగు / ಕನ್ನಡ / தமிழ் / देवनागरी / English (IAST)
<< ದ್ವಾದಶ ದಶಕಮ್ (೧೨) ಉತಥ್ಯ ಜನನಮ್
|| ಉತಥ್ಯ ಮಹಿಮಾ ||
ಅಥಾಽಽಗತಃ ಕಶ್ಚಿದಧಿಜ್ಯಧನ್ವಾ
ಮುನಿಂ ನಿಷಾದಃ ಸಹಸಾ ಜಗಾದ |
ತ್ವಂ ಸತ್ಯವಾಗ್ಬ್ರೂಹಿ ಮುನೇ ತ್ವಯಾ ಕಿಂ
ದೃಷ್ಟಃ ಕಿಟಿಃ ಸಾಯಕವಿದ್ಧದೇಹಃ || ೧೩-೧ ||
ದೃಷ್ಟಸ್ತ್ವಯಾ ಚೇದ್ವದ ಸೂಕರಃ ಕ್ವ
ಗತೋ ನ ವಾಽದೃಶ್ಯತ ಕಿಂ ಮುನೀಂದ್ರ |
ಅಹಂ ನಿಷಾದಃ ಖಲು ವನ್ಯವೃತ್ತಿ-
-ರ್ಮಮಾಸ್ತಿ ದಾರಾದಿಕಪೋಷ್ಯವರ್ಗಃ || ೧೩-೨ ||
ಶ್ರುತ್ವಾ ನಿಷಾದಸ್ಯ ವಚೋ ಮುನಿಃ ಸ
ತೂಷ್ಣೀಂ ಸ್ಥಿತಶ್ಚಿಂತಯತಿ ಸ್ಮ ಗಾಢಮ್ |
ವದಾಮಿ ಕಿಂ ದೃಷ್ಟ ಇತೀರ್ಯತೇ ಚೇ-
-ದ್ಧನ್ಯಾದಯಂ ತಂ ಮಮ ಚಾಪ್ಯಘಂ ಸ್ಯಾತ್ || ೧೩-೩ ||
ಸತ್ಯಂ ನರಂ ರಕ್ಷತಿ ರಕ್ಷಿತಂ ಚೇ-
-ದಸತ್ಯವಕ್ತಾ ನರಕಂ ವ್ರಜೇಚ್ಚ |
ಸತ್ಯಂ ಹಿ ಸತ್ಯಂ ಸದಯಂ ನ ಕಿಂಚಿ-
-ತ್ಸತ್ಯಂ ಕೃಪಾಶೂನ್ಯಮಿದಂ ಮತಂ ಮೇ || ೧೩-೪ ||
ಏವಂ ಮುನೇಶ್ಚಿಂತಯತಃ ಸ್ವಕಾರ್ಯ-
-ವ್ಯಗ್ರೋ ನಿಷಾದಃ ಪುನರೇವಮೂಚೇ |
ದೃಷ್ಟಸ್ತ್ವಯಾ ಕಿಂ ಸ ಕಿಟಿರ್ನ ಕಿಂ ವಾ
ದೃಷ್ಟಃ ಸ ಶೀಘ್ರಂ ಕಥಯಾತ್ರ ಸತ್ಯಮ್ || ೧೩-೫ ||
ಮುನಿಸ್ತಮಾಹಾತ್ರ ಪುನಃ ಪುನಃ ಕಿಂ
ನಿಷಾದ ಮಾಂ ಪೃಚ್ಛಸಿ ಮೋಹಮಗ್ನಃ |
ಪಶ್ಯನ್ ನ ಭಾಷೇತ ನ ಚ ಬ್ರುವಾಣಃ
ಪಶ್ಯೇದಲಂ ವಾಗ್ಭಿರವೇಹಿ ಸತ್ಯಮ್ || ೧೩-೬ ||
ಉನ್ಮಾದಿನೋ ಜಲ್ಪನಮೇತದೇವಂ
ಮತ್ವಾ ನಿಷಾದಃ ಸಹಸಾ ಜಗಾಮ |
ನ ಸತ್ಯಮುಕ್ತಂ ಮುನಿನಾ ನ ಕೋಲೋ
ಹತಶ್ಚ ಸರ್ವಂ ತವ ದೇವಿ ಲೀಲಾಃ || ೧೩-೭ ||
ದ್ರಷ್ಟಾ ಪರಂ ಬ್ರಹ್ಮ ತದೇವ ಚ ಸ್ಯಾ-
-ದಿತಿ ಶ್ರುತಿಃ ಪ್ರಾಹ ನ ಭಾಷತೇ ಸಃ |
ಸದಾ ಬ್ರುವಾಣಸ್ತು ನ ಪಶ್ಯತೀದ-
-ಮಯಂ ಹಿ ಸತ್ಯವ್ರತವಾಕ್ಯಸಾರಃ || ೧೩-೮ ||
ಭೂಯಃ ಸ ಸಾರಸ್ವತಬೀಜಮಂತ್ರಂ
ಚಿರಂ ಜಪನ್ ಜ್ಞಾನನಿಧಿಃ ಕವಿಶ್ಚ |
ವಾಲ್ಮೀಕಿವತ್ಸರ್ವದಿಶಿ ಪ್ರಸಿದ್ಧೋ
ಬಭೂವ ಬಂಧೂನ್ ಸಮತರ್ಪಯಚ್ಚ || ೧೩-೯ ||
ಸ್ಮೃತಾ ನತಾ ದೇವಿ ಸುಪೂಜಿತಾ ವಾ
ಶ್ರುತಾ ನುತಾ ವಾ ಖಲು ವಂದಿತಾ ವಾ |
ದದಾಸಿ ನಿತ್ಯಂ ಹಿತಮಾಶ್ರಿತೇಭ್ಯಃ
ಕೃಪಾರ್ದ್ರಚಿತ್ತೇ ಸತತಂ ನಮಸ್ತೇ || ೧೩-೧೦ ||
ಚತುರ್ದಶ ದಶಕಮ್ (೧೪) – ಸುದರ್ಶನಕಥಾ-ಭರದ್ವಾಜಾಶ್ರಮ ಪ್ರವೇಶಮ್ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
