Read in తెలుగు / ಕನ್ನಡ / தமிழ் / देवनागरी / English (IAST)
అథాఽఽగతః కశ్చిదధిజ్యధన్వా
మునిం నిషాదః సహసా జగాద |
త్వం సత్యవాగ్బ్రూహి మునే త్వయా కిం
దృష్టః కిటిః సాయకవిద్ధదేహః || ౧౩-౧ ||
దృష్టస్త్వయా చేద్వద సూకరః క్వ
గతో న వాఽదృశ్యత కిం మునీంద్ర |
అహం నిషాదః ఖలు వన్యవృత్తి-
-ర్మమాస్తి దారాదికపోష్యవర్గః || ౧౩-౨ ||
శ్రుత్వా నిషాదస్య వచో మునిః స
తూష్ణీం స్థితశ్చింతయతి స్మ గాఢమ్ |
వదామి కిం దృష్ట ఇతీర్యతే చే-
-ద్ధన్యాదయం తం మమ చాప్యఘం స్యాత్ || ౧౩-౩ ||
సత్యం నరం రక్షతి రక్షితం చే-
-దసత్యవక్తా నరకం వ్రజేచ్చ |
సత్యం హి సత్యం సదయం న కించి-
-త్సత్యం కృపాశూన్యమిదం మతం మే || ౧౩-౪ ||
ఏవం మునేశ్చింతయతః స్వకార్య-
-వ్యగ్రో నిషాదః పునరేవమూచే |
దృష్టస్త్వయా కిం స కిటిర్న కిం వా
దృష్టః స శీఘ్రం కథయాత్ర సత్యమ్ || ౧౩-౫ ||
మునిస్తమాహాత్ర పునః పునః కిం
నిషాద మాం పృచ్ఛసి మోహమగ్నః |
పశ్యన్ న భాషేత న చ బ్రువాణః
పశ్యేదలం వాగ్భిరవేహి సత్యమ్ || ౧౩-౬ ||
ఉన్మాదినో జల్పనమేతదేవం
మత్వా నిషాదః సహసా జగామ |
న సత్యముక్తం మునినా న కోలో
హతశ్చ సర్వం తవ దేవి లీలాః || ౧౩-౭ ||
ద్రష్టా పరం బ్రహ్మ తదేవ చ స్యా-
-దితి శ్రుతిః ప్రాహ న భాషతే సః |
సదా బ్రువాణస్తు న పశ్యతీద-
-మయం హి సత్యవ్రతవాక్యసారః || ౧౩-౮ ||
భూయః స సారస్వతబీజమంత్రం
చిరం జపన్ జ్ఞాననిధిః కవిశ్చ |
వాల్మీకివత్సర్వదిశి ప్రసిద్ధో
బభూవ బంధూన్ సమతర్పయచ్చ || ౧౩-౯ ||
స్మృతా నతా దేవి సుపూజితా వా
శ్రుతా నుతా వా ఖలు వందితా వా |
దదాసి నిత్యం హితమాశ్రితేభ్యః
కృపార్ద్రచిత్తే సతతం నమస్తే || ౧౩-౧౦ ||
చతుర్దశ దశకమ్ (౧౪) – సుదర్శనకథా-భరద్వాజాశ్రమ ప్రవేశమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
