Read in తెలుగు / ಕನ್ನಡ / தமிழ் / देवनागरी / English (IAST)
రాజా పురాఽఽసీత్కిల కోసలేషు
ధర్మైకనిష్ఠో ధ్రువసంధినామా |
ఆస్తాం ప్రియే అస్య మనోరమా చ
లీలావతీ చేతి దృఢానురక్తే || ౧౪-౧ ||
మనోరమాఽసూత సుదర్శనాఖ్యం
కుమారకం శత్రుజితం చ సాఽన్యా |
సంవర్ధయంస్తౌ మృగయావిహారీ
వనే నృపో హా హరిణా హతోఽభూత్ || ౧౪-౨ ||
విచింతయన్ రాజకులస్య వృత్తం
తజ్జ్యేష్ఠపుత్రస్య సుదర్శనస్య |
రాజ్యాభిషేకాయ గురుర్వసిష్ఠ-
-శ్చకార మంత్రం సచివైః సమేతః || ౧౪-౩ ||
మాతామహః శత్రుజితో యుధాజి-
-దభ్యేత్య సద్యోఽమితవీర్యశాలీ |
రాజ్యే స్వదౌహిత్రమిహాభిషిక్తం
కర్తుం కుబుద్ధిః కురుతే స్మ యత్నమ్ || ౧౪-౪ ||
మనోరమాయా అపి వీరసేనః
పితాఽభ్యుపేత్యాశు రురోధ తస్య |
యత్నం బలీ స్వస్వసుతాసుతాభి-
-షేకైకబుద్ధీ ఖలు తావభూతామ్ || ౧౪-౫ ||
కృత్వా వివాదం చ తతో నృపౌ ద్వౌ
ఘోరం రణం చక్రతురిద్ధరోషౌ |
యుధాజితా తత్ర తు వీరసేనో
దైవాద్ధతోఽభూద్ధరిణా కరీవ || ౧౪-౬ ||
రాజ్యేఽభిషిక్తః ఖలు శత్రుజిత్స
బాలస్తతోఽయం రిపుభిద్యుధాజిత్ |
దౌహిత్రరాజ్యం సుఖమేకనాథః
శశాస వజ్రీవ దివం మహేశి || ౧౪-౭ ||
పత్యుః పితుశ్చాపి మృతేరనాథా
భీతా విదళ్ళాభిధమంత్రియుక్తా |
మనోరమా బాలసుతా త్వరణ్యే
యయౌ భరద్వాజమునిం శరణ్యమ్ || ౧౪-౮ ||
తపోనిధిర్దీనజనానుకంపీ
జ్ఞాత్వా మునిస్తాం ధ్రువసంధిపత్నీమ్ |
ఉవాచ వత్సే వస నిర్భయైవ
తపోవనేఽత్రాస్తు శుభం తవేతి || ౧౪-౯ ||
అల్పోఽప్యుపేక్ష్యో న రిపుర్న రోగో-
-ఽప్యేవం స్మరన్నాశు నృపో యుధాజిత్ |
తాం హర్తుకామః ససుతాం మహర్షేః
ప్రాపాశ్రమం మంత్రివరేణ సాకమ్ || ౧౪-౧౦ ||
న మానితస్తేన తపస్వినా స
మనోరమాం నైవ సుతం చ లేభే |
ప్రహర్తుకామోఽపి మునిం స మంత్రి-
-వాచా నివృత్తః శ్రుతకౌశికోఽభూత్ || ౧౪-౧౧ ||
ఏవం మునిస్తాం ససుతాం రరక్ష
భీతోఽస్మి సంసారయుధాజితోఽహమ్ |
న మే సహాయోఽస్తి వినా త్వయైష
సనూపురం తే చరణం నమామి || ౧౪-౧౨ ||
పంచదశ దశకమ్ (౧౫) – సుదర్శనకథా-దేవీదర్శనమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
