Read in తెలుగు / ಕನ್ನಡ / தமிழ் / देवनागरी / English (IAST)
ఏవం తవైవ కృపయా మునివర్యశీత-
-చ్ఛాయాశ్రితో హతభయః స సుదర్శనోఽయమ్ |
వేదధ్వనిశ్రవణపూతహృదాశ్రమాంతే
సమ్మోదయన్ మునిజనాన్ వవృధే కుమారః || ౧౫-౧ ||
ఆబాల్యమేష మునిబాలకసంగమేన
క్లీం క్లీమితీశ్వరి సదా తవ బీజమంత్రమ్ |
తత్రోచ్చచార కృపయాఽస్య పురః కదాచి-
-దావిర్బభూవిథ నతం తమభాషథాశ్చ || ౧౫-౨ ||
ప్రీతాఽస్మి తే సుత జగజ్జననీమవేహి
మాం సర్వకామవరదాం తవ భద్రమస్తు |
చంద్రాననాం శశికలాం విమలాం సుబాహోః
కాశీశ్వరస్య తనయాం విధినోద్వహ త్వమ్ || ౧౫-౩ ||
నష్టా భవేయురచిరేణ తవారివర్గా
రాజ్యం చ యైరపహృతం పునరేష్యసి త్వమ్ |
మాతృద్వయేన సచివైశ్చ సమం స్వధర్మాన్
కుర్యాః సదేతి సముదీర్య తిరోదధాథ || ౧౫-౪ ||
స్వప్నే త్వయా శశికలా కథితాఽస్తి భార-
-ద్వాజాశ్రమే ప్రథితకోసలవంశజాతః |
ధీమాన్ సుదర్శన ఇతి ధ్రువసంధిపుత్ర
ఏనం పతిం వృణు తవాస్తు శుభం సదేతి || ౧౫-౫ ||
స్వప్నానుభూతమనృతం కిమృతం న వేతి
సుప్తోత్థితా తు మతిమత్యపి న వ్యజానాత్ |
పృష్టాత్సుదర్శనకథాం సుముఖీ ద్విజాత్సా
శ్రుత్వాఽనురక్తహృదయైవ బభూవ దేవి || ౧౫-౬ ||
జ్ఞాత్వా సుబాహురిదమాకులమానసస్తా-
-మస్మాన్నివర్తయితుమాశు సహేష్టపత్న్యా |
కృత్వా ప్రయత్నమఖిలం విఫలం చ పశ్య-
-న్నిచ్ఛాస్వయంవరవిధిం హితమేవ మేనే || ౧౫-౭ ||
కశ్చిత్కదాచన సుదర్శనమేత్య విప్రః
ప్రాహాగతః శశికలావచసాఽహమత్ర |
సా త్వాం బ్రవీతి నృపపుత్ర జగజ్జనన్యా
వాచా వృతోఽసి పతిరస్మి తవైవ దాసీ || ౧౫-౮ ||
అత్రాఽఽగతా నృపతయో బహవస్త్వమేత్య
తేషాం సుధీర మిషతాం నయ మాం ప్రియాం తే |
ఏవం వధూవచనమానయ తాం సుశీలాం
భద్రం తవాస్త్విదముదీర్య జగామ విప్రః || ౧౫-౯ ||
స్వప్నే చ జాగ్రతి చ పశ్యతి భక్తవర్య-
-స్త్వాం సంతతం తవ వచో మధురం శృణోతి |
ఐశ్వర్యమాశు లభతేఽపి చ ముక్తిమేతి
త్వద్భక్తిమేవ మమ దేహి నమో జనన్యై || ౧౫-౧౦ ||
షోడశ దశకమ్ (౧౬) – సుదర్శనవివాహమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
