Read in తెలుగు / ಕನ್ನಡ / தமிழ் / देवनागरी / English (IAST)
ಸೂರ್ಯ ಉವಾಚ |
ಮೂಲವಹ್ನಿಸಮುದ್ಭೂತಾ ಮೂಲಾಜ್ಞಾನವಿನಾಶಿನೀ |
ನಿರುಪಾಧಿಮಹಾಮಾಯಾ ಶಾರದಾ ಪ್ರಣವಾತ್ಮಿಕಾ || ೧ ||
ಸುಷುಮ್ನಾಮುಖಮಧ್ಯಸ್ಥಾ ಚಿನ್ಮಯೀ ನಾದರೂಪಿಣೀ |
ನಾದಾತೀತಾ ಬ್ರಹ್ಮವಿದ್ಯಾ ಮೂಲವಿದ್ಯಾ ಪರಾತ್ಪರಾ || ೨ ||
ಸಕಾಮದಾಯಿನೀಪೀಠಮಧ್ಯಸ್ಥಾ ಬೋಧರೂಪಿಣೀ |
ಮೂಲಾಧಾರಸ್ಥಗಣಪದಕ್ಷಿಣಾಂಕನಿವಾಸಿನೀ || ೩ ||
ವಿಶ್ವಾಧಾರಾ ಬ್ರಹ್ಮರೂಪಾ ನಿರಾಧಾರಾ ನಿರಾಮಯಾ |
ಸರ್ವಾಧಾರಾ ಸಾಕ್ಷಿಭೂತಾ ಬ್ರಹ್ಮಮೂಲಾ ಸದಾಶ್ರಯಾ || ೪ ||
ವಿವೇಕಲಭ್ಯ ವೇದಾಂತಗೋಚರಾ ಮನನಾತಿಗಾ |
ಸ್ವಾನಂದಯೋಗಸಂಲಭ್ಯಾ ನಿದಿಧ್ಯಾಸಸ್ವರೂಪಿಣೀ || ೫ ||
ವಿವೇಕಾದಿಭೃತ್ಯಯುತಾ ಶಮಾದಿಕಿಂಕರಾನ್ವಿತಾ |
ಭಕ್ತ್ಯಾದಿಕಿಂಕರೀಜುಷ್ಟಾ ಸ್ವಾನಂದೇಶಸಮನ್ವಿತಾ || ೬ ||
ಮಹಾವಾಕ್ಯಾರ್ಥಸಂಲಭ್ಯಾ ಗಣೇಶಪ್ರಾಣವಲ್ಲಭಾ |
ತಮಸ್ತಿರೋಧಾನಕರೀ ಸ್ವಾನಂದೇಶಪ್ರದರ್ಶಿನೀ || ೭ ||
ಸ್ವಾಧಿಷ್ಠಾನಗತಾ ವಾಣೀ ರಜೋಗುಣವಿನಾಶಿನೀ |
ರಾಗಾದಿದೋಷಶಮನೀ ಕರ್ಮಜ್ಞಾನಪ್ರದಾಯಿನೀ || ೮ ||
ಮಣಿಪೂರಾಬ್ಜನಿಲಯಾ ತಮೋಗುಣವಿನಾಶಿನೀ |
ಅನಾಹತೈಕನಿಲಯಾ ಗುಣಸತ್ತ್ವಪ್ರಕಾಶಿನೀ || ೯ ||
ಅಷ್ಟಾಂಗಯೋಗಫಲದಾ ತಪೋಮಾರ್ಗಪ್ರಕಾಶಿನೀ |
ವಿಶುದ್ಧಿಸ್ಥಾನನಿಲಯಾ ಹೃದಯಗ್ರಂಧಿಭೇದಿನೀ || ೧೦ ||
ವಿವೇಕಜನನೀ ಪ್ರಜ್ಞಾ ಧ್ಯಾನಯೋಗಪ್ರಬೋಧಿನೀ |
ಆಜ್ಞಾಚಕ್ರಸಮಾಸೀನಾ ನಿರ್ಗುಣಬ್ರಹ್ಮಸಂಯುತಾ || ೧೧ ||
ಬ್ರಹ್ಮರಂಧ್ರಪದ್ಮಗತಾ ಜಗದ್ಭಾವಪ್ರಣಾಶಿನೀ |
ದ್ವಾದಶಾಂತೈಕನಿಲಯಾ ಸ್ವಸ್ವಾನಂದಪ್ರದಾಯಿನೀ || ೧೨ ||
ಪೀಯೂಷವರ್ಷಿಣೀ ಬುದ್ಧಿಃ ಸ್ವಾನಂದೇಶಪ್ರಕಾಶಿನೀ |
ಇಕ್ಷುಸಾಗರಮಧ್ಯಸ್ಥಾ ನಿಜಲೋಕನಿವಾಸಿನೀ || ೧೩ ||
ವೈನಾಯಕೀ ವಿಘ್ನಹಂತ್ರೀ ಸ್ವಾನಂದಬ್ರಹ್ಮರೂಪಿಣೀ |
ಸುಧಾಮೂರ್ತಿಃ ಸುಧಾವರ್ಣಾ ಕೇವಲಾ ಹೃದ್ಗುಹಾಮಯೀ || ೧೪ ||
ಶುಭ್ರವಸ್ತ್ರಾ ಪೀನಕುಚಾ ಕಲ್ಯಾಣೀ ಹೇಮಕಂಚುಕಾ |
ವಿಕಚಾಂಭೋರುಹದಳಲೋಚನಾ ಜ್ಞಾನರೂಪಿಣೀ || ೧೫ ||
ರತ್ನತಾಟಂಕಯುಗಳಾ ಭದ್ರಾ ಚಂಪಕನಾಸಿಕಾ |
ರತ್ನದರ್ಪಣಸಂಕಾಶಕಪೋಲಾ ನಿರ್ಗುಣಾತ್ಮಿಕಾ || ೧೬ ||
ತಾಂಬೂಲಪೂರಿತಸ್ಮೇರವದನಾ ಸತ್ಯರೂಪಿಣೀ |
ಕಂಬುಕಂಠೀ ಸುಬಿಂಬೋಷ್ಠೀ ವೀಣಾಪುಸ್ತಕಧಾರಿಣೀ || ೧೭ ||
ಗಣೇಶಜ್ಞಾತಸೌಭಾಗ್ಯಮಾರ್ದವೋರುದ್ವಯಾನ್ವಿತಾ |
ಕೈವಲ್ಯಜ್ಞಾನಸುಖದಪದಾಬ್ಜಾ ಭಾರತೀ ಮತಿಃ || ೧೮ ||
ವಜ್ರಮಾಣಿಕ್ಯಕಟಕಕಿರೀಟಾ ಮಂಜುಭಾಷಿಣೀ |
ವಿಘ್ನೇಶಬದ್ಧಮಾಂಗಳ್ಯಸೂತ್ರಶೋಭಿತಕಂಧರಾ || ೧೯ ||
ಅನೇಕಕೋಟಿಕೇಶಾರ್ಕಯುಗ್ಮಸೇವಿತಪಾದುಕಾ |
ವಾಗೀಶ್ವರೀ ಲೋಕಮಾತಾ ಮಹಾಬುದ್ಧಿಃ ಸರಸ್ವತೀ || ೨೦ ||
ಚತುಷ್ಷಷ್ಟಿಕೋಟಿವಿದ್ಯಾಕಲಾಲಕ್ಷ್ಮೀನಿಷೇವಿತಾ |
ಕಟಾಕ್ಷಕಿಂಕರೀಭೂತಕೇಶಬೃಂದಸಮನ್ವಿತಾ || ೨೧ ||
ಬ್ರಹ್ಮವಿಷ್ಣ್ವೀಶಶಕ್ತೀನಾಂ ದೃಶಾ ಶಾಸನಕಾರಿಣೀ |
ಪಂಚಚಿತ್ತವೃತ್ತಿಮಯೀ ತಾರಮಂತ್ರಸ್ವರೂಪಿಣೀ || ೨೨ ||
ವರದಾ ಭಕ್ತಿವಶಗಾ ಭಕ್ತಾಭೀಷ್ಟಪ್ರದಾಯಿನೀ |
ಬ್ರಹ್ಮಶಕ್ತಿರ್ಮಹಾಮಾಯಾ ಜಗದ್ಬ್ರಹ್ಮಸ್ವರೂಪಿಣೀ || ೨೩ ||
ಅಷ್ಟೋತ್ತರಶತಂ ನಾಮ್ನಾಂ ಮಹಾಬುದ್ಧೇರ್ವರಂತಗಮ್ |
ಯಃ ಪಠೇದ್ಭಕ್ತಿಭಾವೇನ ವಿದ್ಯಾಂ ಬುದ್ಧಿಂ ಶ್ರಿಯಂ ಬಲಮ್ |
ಸಂಪ್ರಾಪ್ಯ ಜ್ಞಾನಮತುಲಂ ಬ್ರಹ್ಮಭೂಯಮವಾಪ್ನುಯಾತ್ || ೨೪ ||
ಇತಿ ಶ್ರೀ ಬುದ್ಧಿದೇವೀ ಅಷ್ಟೋತ್ತರಶತನಾಮಸ್ತೋತ್ರಂ ಸಂಪೂರ್ಣಮ್ |
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
