Read in తెలుగు / ಕನ್ನಡ / தமிழ் / देवनागरी / English (IAST)
ರಂಗೇ ತುಂಗೇ ಕವೇರಾಚಲಜಕನಕನದ್ಯಂತರಂಗೇ ಭುಜಂಗೇ
ಶೇಷೇ ಶೇಷೇ ವಿಚಿನ್ವನ್ ಜಗದವನನಯಂ ಭಾತ್ಯಶೇಷೇಽಪಿ ದೋಷೇ |
ನಿದ್ರಾಮುದ್ರಾಂ ದಧಾನೋ ನಿಖಿಲಜನಗುಣಧ್ಯಾನಸಾಂದ್ರಾಮತಂದ್ರಾಂ
ಚಿಂತಾಂ ಯಾಂ ತಾಂ ವೃಷಾದ್ರೌ ವಿರಚಯಸಿ ರಮಾಕಾಂತ ಕಾಂತಾಂ ಶುಭಾಂತಾಮ್ || ೧ ||
ತಾಂ ಚಿಂತಾಂ ರಂಗಕ್ಲುಪ್ತಾಂ ವೃಷಗಿರಿಶಿಖರೇ ಸಾರ್ಥಯನ್ ರಂಗನಾಥ
ಶ್ರೀವತ್ಸಂ ವಾ ವಿಭೂಷಾಂ ವ್ರಣಕಿಣಮಹಿರಾಟ್ಸೂರಿಕ್ಲುಪ್ತಾಪರಾಧಮ್ |
ಧೃತ್ವಾ ವಾತ್ಸಲ್ಯಮತ್ಯುಜ್ಜ್ವಲಯಿತುಮವನೇ ಸತ್ಕ್ರತೌ ಬದ್ಧದೀಕ್ಷೋ
ಬಧ್ನನ್ಸ್ವೀಯಾಂಘ್ರಿಯೂಪೇ ನಿಖಿಲನರಪಶೂನ್ ಗೌಣರಜ್ಜ್ವಾಽಸಿ ಯಜ್ವಾ || ೨ ||
ಜ್ವಾಲಾರಾವಪ್ರನಷ್ಟಾಸುರನಿವಹಮಹಾಶ್ರೀರಥಾಂಗಾಬ್ಜಹಸ್ತಂ
ಶ್ರೀರಂಗೇ ಚಿಂತಿತಾರ್ಥಾನ್ನಿಜಜನವಿಷಯೇ ಯೋಕ್ತುಕಾಮಂ ತದರ್ಹಾನ್ |
ದ್ರಷ್ಟುಂ ದೃಷ್ಟ್ಯಾ ಸಮಂತಾಜ್ಜಗತಿ ವೃಷಗಿರೇಸ್ತುಂಗಶೃಂಗಾಧಿರೂಢಂ
ದುಷ್ಟಾದುಷ್ಟಾನವಂತಂ ನಿರುಪಧಿಕೃಪಯಾ ಶ್ರೀನಿವಾಸಂ ಭಜೇಽನ್ತಃ || ೩ ||
ಅಂತಃ ಕಾಂತಶ್ಶ್ರಿಯೋ ನಸ್ಸಕರುಣವಿಲಸದ್ದೃಕ್ತರಂಗೈರಪಾಂಗೈಃ
ಸಿಂಚನ್ಮುಂಚನ್ಕೃಪಾಂಭಃಕಣಗಣಭರಿತಾನ್ಪ್ರೇಮಪೂರಾನಪಾರಾನ್ |
ರೂಪಂ ಚಾಪಾದಚೂಡಂ ವಿಶದಮುಪನಯನ್ ಪಂಕಜಾಕ್ಷಂ ಸಮಕ್ಷಂ
ಧತ್ತಾಂ ಹೃತ್ತಾಪಶಾಂತ್ಯೈ ಶಿಶಿರಮೃದುಲತಾನಿರ್ಜಿತಾಬ್ಜೇ ಪದಾಬ್ಜೇ || ೪ ||
ಅಬ್ಜೇನ ಸದೃಶಿ ಸಂತತಮಿಂಧೇ ಹೃತ್ಪುಂಡರೀಕಕುಂಡೇ ಯಃ |
ಜಡಿಮಾರ್ತ ಆಶ್ರಯೇಽದ್ಭುತಪಾವಕಮೇತಂ ನಿರಿಂಧನಂ ಜ್ವಲಿತಮ್ || ೫ ||
ಜ್ವಲಿತನಾನಾನಾಗಶೃಂಗಗಮಣಿಗಣೋದಿತಸುಪರಭಾಗಕ
ಘನನಿಭಾಭಾಭಾಸುರಾಂಗಕ ವೃಷಗಿರೀಶ್ವರ ವಿತರ ಶಂ ಮಮ
ಸುಜನತಾತಾತಾಯಿತಾಖಿಲಹಿತಸುಶೀತಲಗುಣಗಣಾಲಯ
ವಿಸೃಮರಾರಾರಾದುದಿತ್ವರರಿಪುಭಯಂಕರಕರಸುದರ್ಶನ |
ಸಕಲಪಾಪಾಪಾರಭೀಕರಘನರವಾಕರಸುದರ ಸಾದರಮ್
ಅವತು ಮಾಮಾಮಾಘಸಂಭೃತಮಗಣನೋಚಿತಗುಣ ರಮೇಶ್ವರ
ತವ ಕೃಪಾ ಪಾಪಾಟವೀಹತಿದವಹುತಾಶನಸಮಹಿಮಾ ಧ್ರುವಮ್
ಇತರಥಾಥಾಥಾರಮಸ್ತ್ಯಘಗಣವಿಮೋಚನಮಿಹ ನ ಕಿಂಚನ || ೬ ||
ನಗಧರಾರಾರಾಧನೇ ತವ ವೃಷಗಿರೀಶ್ವರ ಯ ಇಹ ಸಾದರ-
ರಚಿತನಾನಾನಾಮಕೌಸುಮತರುಲಸನ್ನಿಜವನವಿಭಾಗಜ-
ಸುಮಕೃತಾಂ ತಾಂ ತಾಂ ಶುಭಸ್ರಜಮುಪಹರನ್ ಸುಖಮಹಿಪತಿರ್ಗುರುಃ
ಅತಿರಯಾಯಾಯಾಸದಾಯಕಭವಭಯಾನಕಶಠರಿಪೋಃ ಕಿಲ |
ನಿಗಮಗಾ ಗಾ ಗಾಯತಾ ಯತಿಪರಿಬೃಢೇನ ತು ರಚಯ ಪೂರುಷ
ಜಿತಸಭೋ ಭೋ ಭೋಗಿರಾಂಗಿರಿಪತಿಪದಾರ್ಚನಮಿತಿ ನಿಯೋಜಿತಃ
ಇಹ ಪರಂ ರಂರಮ್ಯತೇ ಸ್ಮ ಚ ತದುದಿತವ್ರಣಚುಬುಕಭೂಷಣೇ
ಇಹ ರಮೇ ಮೇ ಮೇಘರೋಚಿಷಿ ಭವತಿ ಹಾರಿಣಿ ಹೃದಯರಂಗಗ || ೭ ||
ಗತಭಯೇ ಯೇ ಯೇ ಪದೇ ತವ ರುಚಿಯುತಾ ಭುವಿ ವೃಷಗಿರೀಶ್ವರ
ವಿದಧತೇ ತೇ ತೇ ಪದಾರ್ಚನಮಿತರಥಾ ಗತಿವಿರಹಿತಾ ಇತಿ
ಮತಿಮತಾ ತಾತಾಯಿತೇ ತ್ವಯಿ ಶರಣತಾಂ ಹೃದಿ ಕಲಯತಾ ಪರಿ-
ಚರಣಯಾ ಯಾಯಾಽಽಯತಾ ತವ ಫಣಿಗಣಾಧಿಪಗುರುವರೇಣ ತು |
ವಿರಚಿತಾಂ ತಾಂತಾಂ ವನಾವಲಿಮುಪಗತೇ ತ್ವಯಿ ವಿಹರತಿ ದ್ರುಮ-
ನಹನಗಾಂಗಾಂ ಗಾಮಿವ ಶ್ರಿಯಮರಚಯತ್ತವ ಸ ಗುರುರಸ್ಯ ಚ
ತದನು ತಾಂತಾಂ ತಾಂ ರಮಾಂ ಪರಿಜನಗಿರಾ ದ್ರುತಮವಯತೋ ನಿಜ-
ಶಿಶುದಶಾಶಾಶಾಲಿನೀಮಪಿ ವಿತರತೋ ವರ ವಿತರ ಶಂ ಮಮ || ೮ ||
ಮಮತಯಾ ಯಾಯಾಽಽವಿಲಾ ಮತಿರುದಯತೇ ಮಮ ಸಪದಿ ತಾಂ ಹರ
ಕರುಣಯಾ ಯಾಯಾ ಶುಭಾ ಮಮ ವಿತರ ತಾಮಯಿ ವೃಷಗಿರೀಶ್ವರ
ಸದುದಯಾಯಾಯಾಸಮೃಚ್ಛಸಿ ನ ದರಮಪ್ಯರಿವಿದಲನಾದಿಷು
ಮದುದಯಾಯಾಯಾಸಮೀಪ್ಸಸಿ ನ ತು ಕಥಂ ಮಮ ರಿಪುಜಯಾಯ ಚ |
ಮಯಿ ದಯಾಯಾ ಯಾಸಿ ಕೇನ ತು ನ ಪದತಾಂ ನನು ನಿಗದ ತನ್ಮಮ
ಮಮ ವಿಭೋ ಭೋ ಭೋಗಿನಾಯಕಶಯನ ಮೇ ಮತಮರಿಜಯಂ ದಿಶ
ಪರಮ ಯಾಯಾ ಯಾ ದಯಾ ತವ ನಿರವಧಿಂ ಮಯಿ ಝಟಿತಿ ತಾಮಯಿ
ಸುಮಹಿಮಾ ಮಾ ಮಾಧವ ಕ್ಷತಿಮುಪಗಮತ್ತವ ಮಮ ಕೃತೇಽನಘ || ೯ ||
ಘಟಿತಪಾಪಾಪಾರದುರ್ಭಟಪಟಲದುರ್ಘಟನಿಧನಕಾರಣ
ರಣಧರಾರಾರಾತ್ಪಲಾಯನನಿಜನಿದರ್ಶಿತಬಹುಬಲಾಯನ
ದರವರಾರಾರಾವನಾಶನ ಮಧುವಿನಾಶನ ಮಮ ಮನೋಧನ
ರಿಪುಲಯಾಯಾಯಾಹಿ ಪಾಹಿ ನ ಇದಮರಂ ಮಮ ಕಲಯ ಪಾವನ |
ಸುತರಸಾಸಾಸಾರದೃಕ್ತತಿರತಿಶುಭಾ ತವ ನಿಪತತಾನ್ಮಯಿ
ಸಹರಮೋ ಮೋಮೋತ್ತು ಸಂತತಮಯಿ ಭವಾನ್ಮಯಿ ವೃಷಗಿರಾವಪಿ
ಪ್ರತಿದಿನಂ ನಂನಮ್ಯತೇ ಮಮ ಮನ ಉಪೇಕ್ಷಿತತದಪರಂ ತ್ವಯಿ
ತದರಿಪಾಪಾಪಾಸನಂ ಕುರು ವೃಷಗಿರೀಶ್ವರ ಸತತಮುಜ್ಜ್ವಲ || ೧೦ ||
ಉಜ್ಜ್ವಲವೇಂಕಟನಾಥಸ್ತೋತ್ರಂ ಪಠತಾಂ ಧ್ರುವಾಽರಿವಿಜಯಶ್ರೀಃ |
ಶ್ರೀರಂಗೋಕ್ತಂ ಲಸತಿ ಯದಮೃತಂ ಸಾರಜ್ಞಹೃದಯಸಾರಂಗೇ || ೧೧ ||
ಇತಿ ಉಜ್ಜ್ವಲವೇಂಕಟನಾಥಸ್ತೋತ್ರಮ್ |
ಇನ್ನಷ್ಟು ಶ್ರೀ ವೇಂಕಟೇಶ್ವರ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
