Sri Nandakumara Ashtakam – ಶ್ರೀ ನಂದಕುಮಾರಾಷ್ಟಕಂ

ಸ್ತೋತ್ರನಿಧಿ → ಶ್ರೀ ಕೃಷ್ಣ ಸ್ತೋತ್ರಗಳು → ಶ್ರೀ ನಂದಕುಮಾರಾಷ್ಟಕಂ

ಸುಂದರಗೋಪಾಲಂ ಉರವನಮಾಲಂ ನಯನವಿಶಾಲಂ ದುಃಖಹರಂ
ವೃಂದಾವನಚಂದ್ರಂ ಆನಂದಕಂದಂ ಪರಮಾನಂದಂ ಧರಣಿಧರಮ್ |
ವಲ್ಲಭಘನಶ್ಯಾಮಂ ಪೂರ್ಣಕಾಮಂ ಆತ್ಯಭಿರಾಮಂ ಪ್ರೀತಿಕರಂ
ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ || ೧ ||

ಸುಂದರವಾರಿಜವದನಂ ನಿರ್ಜಿತಮದನಂ ಆನಂದಸದನಂ ಮುಕುಟಧರಂ
ಗುಂಜಾಕೃತಿಹಾರಂ ವಿಪಿನವಿಹಾರಂ ಪರಮೋದಾರಂ ಚೀರಹರಮ್ |
ವಲ್ಲಭಪಟಪೀತಂ ಕೃತಮುಪವೀತಂ ಕರನವನೀತಂ ವಿಬುಧವರಂ
ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ || ೨ ||

ಶೋಭಿತಮುಖಧೂಲಂ ಯಮುನಾಕೂಲಂ ನಿಪಟ ಅತೂಲಂ ಸುಖದತರಂ
ಮುಖಮಂಡಿತರೇಣುಂ ಚಾರಿತಧೇನುಂ ವಾದಿತವೇಣುಂ ಮಧುರಸುರಮ್ |
ವಲ್ಲಭಮತಿವಿಮಲಂ ಶುಭಪದಕಮಲಂ ನಖರುಚಿ ಅಮಲಂ ತಿಮಿರಹರಂ
ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ || ೩ ||

ಶಿರಮುಕುಟಸುದೇಶಂ ಕುಂಚಿತಕೇಶಂ ನಟವರವೇಷಂ ಕಾಮವರಂ
ಮಾಯಾಕೃತಮನುಜಂ ಹಲಧರ ಅನುಜಂ ಪ್ರತಿಹತದನುಜಂ ಭಾರಹರಮ್ |
ವಲ್ಲಭವ್ರಜಪಾಲಂ ಸುಭಗಸುಚಾಲಂ ಹಿತಮನುಕಾಲಂ ಭಾವವರಂ
ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ || ೪ ||

ಇಂದೀವರಭಾಸಂ ಪ್ರಕಟಸರಾಸಂ ಕುಸುಮವಿಕಾಸಂ ವಂಶಧರಂ
ಜಿತಮನ್ಮಥಮಾನಂ ರೂಪನಿಧಾನಂ ಕೃತಕಲಗಾನಂ ಚಿತ್ತಹರಮ್ |
ವಲ್ಲಭಮೃದುಹಾಸಂ ಕುಂಜನಿವಾಸಂ ವಿವಿಧವಿಲಾಸಂ ಕೇಳಿಕರಂ
ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ || ೫ ||

ಅತಿಪರಮಪ್ರವೀಣಂ ಪಾಲಿತದೀನಂ ಭಕ್ತಾಧೀನಂ ಕರ್ಮಕರಂ
ಮೋಹನಮತಿಧೀರಂ ಫಣಿಬಲವೀರಂ ಹತಪರವೀರಂ ತರಳತರಮ್ |
ವಲ್ಲಭವ್ರಜರಮಣಂ ವಾರಿಜವದನಂ ಹಲಧರಶಮನಂ ಶೈಲಧರಂ
ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ || ೬ ||

ಜಲಧರದ್ಯುತಿ ಅಂಗಂ ಲಲಿತತ್ರಿಭಂಗಂ ಬಹುಕೃತಿರಂಗಂ ರಸಿಕವರಂ
ಗೋಕುಲಪರಿವಾರಂ ಮದನಾಕಾರಂ ಕುಂಜವಿಹಾರಂ ಗೂಢತರಮ್ |
ವಲ್ಲಭವ್ರಜಚಂದ್ರಂ ಸುಭಗಸುಛಂದಂ ಕೃತ ಆನಂದಂ ಭ್ರಾಂತಿಹರಂ
ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ || ೭ ||

ವಂದಿತಯುಗಚರಣಂ ಪಾವನಕರಣಂ ಜಗದುದ್ಧರಣಂ ವಿಮಲಧರಂ
ಕಾಳಿಯಶಿರಗಮನಂ ಕೃತಫಣಿನಮನಂ ಘಾತಿತಯಮನಂ ಮೃದುಲತರಮ್ |
ವಲ್ಲಭದುಃಖಹರಣಂ ನಿರ್ಮಲಚರಣಂ ಅಶರಣಶರಣಂ ಮುಕ್ತಿಕರಂ
ಭಜ ನಂದಕುಮಾರಂ ಸರ್ವಸುಖಸಾರಂ ತತ್ತ್ವವಿಚಾರಂ ಬ್ರಹ್ಮಪರಮ್ || ೮ ||

ಇತಿ ಶ್ರೀಮದ್ವಲ್ಲಭಾಚಾರ್ಯವಿರಚಿತಂ ಶ್ರೀ ನಂದಕುಮಾರಾಷ್ಟಕಮ್ ||

---

ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.