Sri Gopala Stotram (Narada Krutam) – ಶ್ರೀ ಗೋಪಾಲ ಸ್ತೋತ್ರಂ (ನಾರದ ಕೃತಂ)

ಸ್ತೋತ್ರನಿಧಿ → ಶ್ರೀ ಕೃಷ್ಣ ಸ್ತೋತ್ರಗಳು → ಶ್ರೀ ಗೋಪಾಲ ಸ್ತೋತ್ರಂ (ನಾರದ ಕೃತಂ)

ಶ್ರೀನಾರದ ಉವಾಚ |
ನವೀನನೀರದಶ್ಯಾಮಂ ನೀಲೇಂದೀವರಲೋಚನಮ್ |
ವಲ್ಲವೀನಂದನಂ ವಂದೇ ಕೃಷ್ಣಂ ಗೋಪಾಲರೂಪಿಣಮ್ || ೧ ||

ಸ್ಫುರದ್ಬರ್ಹಿದಲೋದ್ಬದ್ಧನೀಲಕುಂಚಿತಮೂರ್ಧಜಮ್ |
ಕದಂಬಕುಸುಮೋದ್ಬದ್ಧವನಮಾಲಾವಿಭೂಷಿತಮ್ || ೨ ||

ಗಂಡಮಂಡಲಸಂಸರ್ಗಿಚಲತ್ಕಾಂಚನಕುಂಡಲಮ್ |
ಸ್ಥೂಲಮುಕ್ತಾಫಲೋದಾರಹಾರೋದ್ಯೋತಿತವಕ್ಷಸಮ್ || ೩ ||

ಹೇಮಾಂಗದತುಲಾಕೋಟಿಕಿರೀಟೋಜ್ಜ್ವಲವಿಗ್ರಹಮ್ |
ಮಂದಮಾರುತಸಂಕ್ಷೋಭವಲ್ಗಿತಾಂಬರಸಂಚಯಮ್ || ೪ ||

ರುಚಿರೌಷ್ಠಪುಟನ್ಯಸ್ತವಂಶೀಮಧುರನಿಃಸ್ವನೈಃ |
ಲಸದ್ಗೋಪಾಲಿಕಾಚೇತೋ ಮೋಹಯಂತಂ ಮುಹುರ್ಮುಹುಃ || ೫ ||

ವಲ್ಲವೀವದನಾಂಭೋಜಮಧುಪಾನಮಧುವ್ರತಮ್ |
ಕ್ಷೋಭಯಂತಂ ಮನಸ್ತಾಸಾಂ ಸಸ್ಮರಾಪಾಂಗವೀಕ್ಷಣೈಃ || ೬ ||

ಯೌವನೋದ್ಭಿನ್ನದೇಹಾಭಿಃ ಸಂಸಕ್ತಾಭಿಃ ಪರಸ್ಪರಮ್ |
ವಿಚಿತ್ರಾಂಬರಭೂಷಾಭಿರ್ಗೋಪನಾರೀಭಿರಾವೃತಮ್ || ೭ ||

ಪ್ರಭಿನ್ನಾಂಜನಕಾಳಿಂದೀದಲಕೇಳಿಕಲೋತ್ಸುಕಮ್ |
ಯೋಧಯಂತಂ ಕ್ವಚಿದ್ಗೋಪಾನ್ ವ್ಯಾಹರಂತಂ ಗವಾಂ ಗಣಮ್ || ೮ ||

ಕಾಳಿಂದೀಜಲಸಂಸರ್ಗಿಶೀತಲಾನಿಲಸೇವಿತೇ |
ಕದಂಬಪಾದಪಚ್ಛಾಯೇ ಸ್ಥಿತಂ ವೃಂದಾವನೇ ಕ್ವಚಿತ್ || ೯ ||

ರತ್ನಭೂಧರಸಂಲಗ್ನರತ್ನಾಸನಪರಿಗ್ರಹಮ್ |
ಕಲ್ಪಪಾದಪಮಧ್ಯಸ್ಥಹೇಮಮಂಡಪಿಕಾಗತಮ್ || ೧೦ ||

ವಸಂತಕುಸುಮಾಮೋದಸುರಭೀಕೃತದಿಙ್ಮುಖೇ |
ಗೋವರ್ಧನಗಿರೌ ರಮ್ಯೇ ಸ್ಥಿತಂ ರಾಸರಸೋತ್ಸುಕಮ್ || ೧೧ ||

ಸವ್ಯಹಸ್ತತಲನ್ಯಸ್ತಗಿರಿವರ್ಯಾತಪತ್ರಕಮ್ |
ಖಂಡಿತಾಖಂಡಲೋನ್ಮುಕ್ತಾಮುಕ್ತಾಸಾರಘನಾಘನಮ್ || ೧೨ ||

ವೇಣುವಾದ್ಯಮಹೋಲ್ಲಾಸಕೃತಹುಂಕಾರನಿಃಸ್ವನೈಃ |
ಸವತ್ಸೈರುನ್ಮುಖೈಃ ಶಶ್ವದ್ಗೋಕುಲೈರಭಿವೀಕ್ಷಿತಮ್ || ೧೩ ||

ಕೃಷ್ಣಮೇವಾನುಗಾಯದ್ಭಿಸ್ತಚ್ಚೇಷ್ಟಾವಶವರ್ತಿಭಿಃ |
ದಂಡಪಾಶೋದ್ಧೃತಕರೈರ್ಗೋಪಾಲೈರುಪಶೋಭಿತಮ್ || ೧೪ ||

ನಾರದಾದ್ಯೈರ್ಮುನಿಶ್ರೇಷ್ಠೈರ್ವೇದವೇದಾಂಗಪಾರಗೈಃ |
ಪ್ರೀತಿಸುಸ್ನಿಗ್ಧಯಾ ವಾಚಾ ಸ್ತೂಯಮಾನಂ ಪರಾತ್ಪರಮ್ || ೧೫ ||

ಯ ಏವಂ ಚಿಂತಯೇದ್ದೇವಂ ಭಕ್ತ್ಯಾ ಸಂಸ್ತೌತಿ ಮಾನವಃ |
ತ್ರಿಸಂಧ್ಯಂ ತಸ್ಯ ತುಷ್ಟೋಽಸೌ ದದಾತಿ ವರಮೀಪ್ಸಿತಮ್ || ೧೬ ||

ರಾಜವಲ್ಲಭತಾಮೇತಿ ಭವೇತ್ಸರ್ವಜನಪ್ರಿಯಃ |
ಅಚಲಾಂ ಶ್ರಿಯಮಾಪ್ನೋತಿ ಸ ವಾಗ್ಮೀ ಜಾಯತೇ ಧ್ರುವಮ್ || ೧೭ ||

ಇತಿ ಶ್ರೀನಾರದಪಂಚರಾತ್ರೇ ಜ್ಞಾನಾಮೃತಸಾರೇ ಶ್ರೀ ಗೋಪಾಲ ಸ್ತೋತ್ರಮ್ ||

---

ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.