Read in తెలుగు / ಕನ್ನಡ / தமிழ் / देवनागरी / English (IAST)
ಭುಜಗತಲ್ಪಗತಂ ಘನಸುಂದರಂ
ಗರುಡವಾಹನಮಂಬುಜಲೋಚನಮ್ |
ನಳಿನಚಕ್ರಗದಾಕರಮವ್ಯಯಂ
ಭಜತ ರೇ ಮನುಜಾಃ ಕಮಲಾಪತಿಮ್ || ೧ ||
ಅಲಿಕುಲಾಸಿತಕೋಮಲಕುಂತಲಂ
ವಿಮಲಪೀತದುಕೂಲಮನೋಹರಮ್ |
ಜಲಧಿಜಾಶ್ರಿತವಾಮಕಳೇಬರಂ
ಭಜತ ರೇ ಮನುಜಾಃ ಕಮಲಾಪತಿಮ್ || ೨ ||
ಕಿಮು ಜಪೈಶ್ಚ ತಪೋಭಿರುತಾಧ್ವರೈ-
-ರಪಿ ಕಿಮುತ್ತಮತೀರ್ಥನಿಷೇವಣೈಃ |
ಕಿಮುತ ಶಾಸ್ತ್ರಕದಂಬವಿಲೋಕನೈ-
-ರ್ಭಜತ ರೇ ಮನುಜಾಃ ಕಮಲಾಪತಿಮ್ || ೩ ||
ಮನುಜದೇಹಮಿಮಂ ಭುವಿ ದುರ್ಲಭಂ
ಸಮಧಿಗಮ್ಯ ಸುರೈರಪಿ ವಾಂಛಿತಮ್ |
ವಿಷಯಲಂಪಟತಾಮಪಹಾಯ ವೈ
ಭಜತ ರೇ ಮನುಜಾಃ ಕಮಲಾಪತಿಮ್ || ೪ ||
ನ ವನಿತಾ ನ ಸುತೋ ನ ಸಹೋದರೋ
ನ ಹಿ ಪಿತಾ ಜನನೀ ನ ಚ ಬಾಂಧವಃ |
ವ್ರಜತಿ ಸಾಕಮನೇನ ಜನೇನ ವೈ
ಭಜತ ರೇ ಮನುಜಾಃ ಕಮಲಾಪತಿಮ್ || ೫ ||
ಸಕಲಮೇವ ಚಲಂ ಸಚರಾಚರಂ
ಜಗದಿದಂ ಸುತರಾಂ ಧನಯೌವನಮ್ |
ಸಮವಲೋಕ್ಯ ವಿವೇಕದೃಶಾ ದ್ರುತಂ
ಭಜತ ರೇ ಮನುಜಾಃ ಕಮಲಾಪತಿಮ್ || ೬ ||
ವಿವಿಧರೋಗಯುತಂ ಕ್ಷಣಭಂಗುರಂ
ಪರವಶಂ ನವಮಾರ್ಗಮಲಾಕುಲಮ್ |
ಪರಿನಿರೀಕ್ಷ್ಯ ಶರೀರಮಿದಂ ಸ್ವಕಂ
ಭಜತ ರೇ ಮನುಜಾಃ ಕಮಲಾಪತಿಮ್ || ೭ ||
ಮುನಿವರೈರನಿಶಂ ಹೃದಿ ಭಾವಿತಂ
ಶಿವವಿರಿಂಚಿಮಹೇಂದ್ರನುತಂ ಸದಾ |
ಮರಣಜನ್ಮಜರಾಭಯಮೋಚನಂ
ಭಜತ ರೇ ಮನುಜಾಃ ಕಮಲಾಪತಿಮ್ || ೮ ||
ಹರಿಪದಾಷ್ಟಕಮೇತದನುತ್ತಮಂ
ಪರಮಹಂಸಜನೇನ ಸಮೀರಿತಮ್ |
ಪಠತಿ ಯಸ್ತು ಸಮಾಹಿತಚೇತಸಾ
ವ್ರಜತಿ ವಿಷ್ಣುಪದಂ ಸ ನರೋ ಧ್ರುವಮ್ || ೯ ||
ಇತಿ ಶ್ರೀಮತ್ಪರಮಹಂಸ ಸ್ವಾಮಿ ಬ್ರಹ್ಮಾನಂದ ವಿರಚಿತಂ ಕಮಲಾಪತ್ಯಷ್ಟಕಮ್ ||
ಇನ್ನಷ್ಟು ಶ್ರೀ ವಿಷ್ಣು ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
