Sri Kamalapati Ashtakam – கமலாபத்யஷ்டகம்


பு⁴ஜக³தல்பக³தம் க⁴நஸுந்த³ரம்
க³ருட³வாஹநமம்பு³ஜலோசநம் ।
ளிநசக்ரக³தா³கரமவ்யயம்
ப⁴ஜத ரே மநுஜா꞉ கமலாபதிம் ॥ 1 ॥

அலிகுலாஸிதகோமளகுந்தலம்
விமலபீதது³கூலமநோஹரம் ।
ஜலதி⁴ஜாஶ்ரிதவாமகலேப³ரம்
ப⁴ஜத ரே மநுஜா꞉ கமலாபதிம் ॥ 2 ॥

கிமு ஜபைஶ்ச தபோபி⁴ருதாத்⁴வரை-
-ரபி கிமுத்தமதீர்த²நிஷேவணை꞉ ।
கிமுத ஶாஸ்த்ரகத³ம்ப³விளோகநை-
-ர்ப⁴ஜத ரே மநுஜா꞉ கமலாபதிம் ॥ 3 ॥

மநுஜதே³ஹமிமம் பு⁴வி து³ர்லப⁴ம்
ஸமதி⁴க³ம்ய ஸுரைரபி வாஞ்சி²தம் ।
விஷயலம்படதாமபஹாய வை
ப⁴ஜத ரே மநுஜா꞉ கமலாபதிம் ॥ 4 ॥

ந வநிதா ந ஸுதோ ந ஸஹோத³ரோ
ந ஹி பிதா ஜநநீ ந ச பா³ந்த⁴வ꞉ ।
வ்ரஜதி ஸாகமநேந ஜநேந வை
ப⁴ஜத ரே மநுஜா꞉ கமலாபதிம் ॥ 5 ॥

ஸகலமேவ சலம் ஸசராசரம்
ஜக³தி³த³ம் ஸுதராம் த⁴நயௌவநம் ।
ஸமவலோக்ய விவேகத்³ருஶா த்³ருதம்
ப⁴ஜத ரே மநுஜா꞉ கமலாபதிம் ॥ 6 ॥

விவித⁴ரோக³யுதம் க்ஷணப⁴ங்கு³ரம்
பரவஶம் நவமார்க³மலாகுலம் ।
பரிநிரீக்ஷ்ய ஶரீரமித³ம் ஸ்வகம்
ப⁴ஜத ரே மநுஜா꞉ கமலாபதிம் ॥ 7 ॥

முநிவரைரநிஶம் ஹ்ருதி³ பா⁴விதம்
ஶிவவிரிஞ்சிமஹேந்த்³ரநுதம் ஸதா³ ।
மரணஜந்மஜராப⁴யமோசநம்
ப⁴ஜத ரே மநுஜா꞉ கமலாபதிம் ॥ 8 ॥

ஹரிபதா³ஷ்டகமேதத³நுத்தமம்
பரமஹம்ஸஜநேந ஸமீரிதம் ।
பட²தி யஸ்து ஸமாஹிதசேதஸா
வ்ரஜதி விஷ்ணுபத³ம் ஸ நரோ த்⁴ருவம் ॥ 9 ॥

இதி ஶ்ரீமத்பரமஹம்ஸ ஸ்வாமி ப்³ரஹ்மாநந்த³ விரசிதம் கமலாபத்யஷ்டகம் ॥


மேலும் ஶ்ரீ விஷ்ணு ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed