Kevalashtakam – கேவலாஷ்டகம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → கேவலாஷ்டகம்

மது⁴ரம் மது⁴ரேப்⁴யோ(அ)பி மங்க³லேப்⁴யோ(அ)பி மங்க³லம் ।
பாவநம் பாவநேப்⁴யோ(அ)பி ஹரேர்நாமைவ கேவலம் ॥ 1 ॥

ஆப்³ரஹ்மஸ்தம்ப³பர்யந்தம் ஸர்வம் மாயாமயம் ஜக³த் ।
ஸத்யம் ஸத்யம் புந꞉ ஸத்யம் ஹரேர்நாமைவ கேவலம் ॥ 2 ॥

ஸ கு³ரு꞉ ஸ பிதா சாபி ஸா மாதா பா³ந்த⁴வோ(அ)பி ஸ꞉ ।
ஶிக்ஷயேச்சேத்ஸதா³ ஸ்மர்தும் ஹரேர்நாமைவ கேவலம் ॥ 3 ॥

நிஶ்ஶ்வாஸே ந ஹி விஶ்வாஸ꞉ கதா³ ருத்³தோ⁴ ப⁴விஷ்யதி ।
கீர்தநீயமதோ பா³ல்யாத்³த⁴ரேர்நாமைவ கேவலம் ॥ 4 ॥

ஹரி꞉ ஸதா³ வஸேத்தத்ர யத்ர பா⁴க³வதா ஜநா꞉ ।
கா³யந்தி ப⁴க்திபா⁴வேந ஹரேர்நாமைவ கேவலம் ॥ 5 ॥

அஹோ து³꞉க²ம் மஹாது³꞉க²ம் து³꞉கா²த் து³꞉க²தரம் யத꞉ ।
காசார்த²ம் விஸ்ம்ருதம் ரத்நம் ஹரேர்நாமைவ கேவலம் ॥ 6 ॥

தீ³யதாம் தீ³யதாம் கர்ணே நீயதாம் நீயதாம் வச꞉ ।
கீ³யதாம் கீ³யதாம் நித்யம் ஹரேர்நாமைவ கேவலம் ॥ 7 ॥

த்ருணீக்ருத்ய ஜக³த்ஸர்வம் ராஜதே ஸகலோபரி ।
சிதா³நந்த³மயம் ஶுத்³த⁴ம் ஹரேர்நாமைவ கேவலம் ॥ 8 ॥

இதி கேவலாஷ்டக ஸ்தோத்ரம் ।

---

மேலும் ஶ்ரீ விஷ்ணு ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.