Kevalashtakam – కేవలాష్టకం


మధురం మధురేభ్యోఽపి మంగళేభ్యోఽపి మంగళమ్ |
పావనం పావనేభ్యోఽపి హరేర్నామైవ కేవలమ్ || ౧ ||

ఆబ్రహ్మస్తంబపర్యంతం సర్వం మాయామయం జగత్ |
సత్యం సత్యం పునః సత్యం హరేర్నామైవ కేవలమ్ || ౨ ||

స గురుః స పితా చాపి సా మాతా బాంధవోఽపి సః |
శిక్షయేచ్చేత్సదా స్మర్తుం హరేర్నామైవ కేవలమ్ || ౩ ||

నిశ్శ్వాసే న హి విశ్వాసః కదా రుద్ధో భవిష్యతి |
కీర్తనీయమతో బాల్యాద్ధరేర్నామైవ కేవలమ్ || ౪ ||

హరిః సదా వసేత్తత్ర యత్ర భాగవతా జనాః |
గాయంతి భక్తిభావేన హరేర్నామైవ కేవలమ్ || ౫ ||

అహో దుఃఖం మహాదుఃఖం దుఃఖాత్ దుఃఖతరం యతః |
కాచార్థం విస్మృతం రత్నం హరేర్నామైవ కేవలమ్ || ౬ ||

దీయతాం దీయతాం కర్ణే నీయతాం నీయతాం వచః |
గీయతాం గీయతాం నిత్యం హరేర్నామైవ కేవలమ్ || ౭ ||

తృణీకృత్య జగత్సర్వం రాజతే సకలోపరి |
చిదానందమయం శుద్ధం హరేర్నామైవ కేవలమ్ || ౮ ||

ఇతి కేవలాష్టక స్తోత్రమ్ |


మరిన్ని శ్రీ విష్ణు స్తోత్రాలు చూడండి.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

మీ ఈమెయిలు చిరునామా ప్రచురించబడదు.

error: Not allowed