Sri Kamalapati Ashtakam – కమలాపత్యష్టకమ్

:: Chant this in తెలుగు / ಕನ್ನಡ / தமிழ் / देवनागरी / English (IAST) ::

భుజగతల్పగతం ఘనసుందరం గరుడవాహనమంబుజలోచనం |
నళినచక్రగదాకరమవ్యయం భజత రే మనుజాః కమలాపతిమ్ || ౧ ||

అలికులాసితకోమలకుంతలం విమలపీతదుకూలమనోహరం |
జలధిజాశ్రితవామకళేబరం భజత రే మనుజాః కమలాపతిమ్ || ౨ ||

కిము జపైశ్చ తపోభిరుతాధ్వరైరపి కిముత్తమతీర్థనిషేవణైః |
కిముత శాస్త్రకదంబవిలోకనైర్భజత రే మనుజాః కమలాపతిమ్ || ౩ ||

మనుజదేహమిమం భువి దుర్లభం సమధిగమ్య సురైరపి వాంఛితం |
విషయలంపటతామపహాయ వై భజత రే మనుజాః కమలాపతిమ్ || ౪ ||

న వనితా న సుతో న సహోదరో న హి పితా జననీ న చ బాంధవః |
వ్రజతి సాకమనేన జనేన వై భజత రే మనుజాః కమలాపతిమ్ || ౫ ||

సకలమేవ చలం సచరాచరం జగదిదం సుతరాం ధనయౌవనం |
సమవలోక్య వివేకదృశా ద్రుతం భజత రే మనుజాః కమలాపతిమ్ || ౬ ||

వివిధరోగయుతం క్షణభంగురం పరవశం నవమార్గమలాకులం |
పరినిరీక్ష్య శరీరమిదం స్వకం భజత రే మనుజాః కమలాపతిమ్ || ౭ ||

మునివరైరనిశం హృది భావితం శివవిరించిమహేంద్రనుతం సదా |
మరణజన్మజరాభయమోచనం భజత రే మనుజాః కమలాపతిమ్ || ౮ ||

హరిపదాష్టకమేతదనుత్తమం పరమహంసజనేన సమీరితం |
పఠతి యస్తు సమాహితచేతసా వ్రజతి విష్ణుపదం స నరో ధ్రువమ్ || ౯ ||

ఇతి శ్రీమత్పరమహంసస్వామిబ్రహ్మానందవిరచితం కమలాపత్యష్టకమ్ ||

మరిన్ని శ్రీ విష్ణు స్తోత్రాలు చూడండి.