Read in తెలుగు / ಕನ್ನಡ / தமிழ் / देवनागरी / English (IAST)
జగదాదిమనాదిమజం పురుషం
శరదంబరతుల్యతనుం వితనుమ్ |
ధృతకంజరథాంగగదం విగదం
ప్రణమామి రమాధిపతిం తమహమ్ || ౧ ||
కమలాననకంజరతం విరతం
హృది యోగిజనైః కలితం లలితమ్ |
కుజనైః సుజనైరలభం సులభం
ప్రణమామి రమాధిపతిం తమహమ్ || ౨ ||
మునిబృందహృదిస్థపదం సుపదం
నిఖిలాధ్వరభాగభుజం సుభుజమ్ |
హృతవాసవముఖ్యమదం విమదం
ప్రణమామి రమాధిపతిం తమహమ్ || ౩ ||
హృతదానవదృప్తబలం సుబలం
స్వజనాస్తసమస్తమలం విమలమ్ |
సమపాస్త గజేంద్రదరం సుదరం
ప్రణమామి రమాధిపతిం తమహమ్ || ౪ ||
పరికల్పితసర్వకలం వికలం
సకలాగమగీతగుణం విగుణమ్ |
భవపాశనిరాకరణం శరణం
ప్రణమామి రమాధిపతిం తమహమ్ || ౫ ||
మృతిజన్మజరాశమనం కమనం
శరణాగతభీతిహరం దహరమ్ |
పరిపుష్టమహాహృదయం సుదయం
ప్రణమామి రమాధిపతిం తమహమ్ || ౬ ||
సకలావనిబింబధరం స్వధరం
పరిపూరితసర్వదిశం సుదృశమ్ |
గతశోకమశోకకరం సుకరం
ప్రణమామి రమాధిపతిం తమహమ్ || ౭ ||
మథితార్ణవరాజరసం సరసం
గ్రథితాఖిలలోకహృదం సుహృదమ్ |
ప్రథితాద్భుతశక్తిగుణం సుగుణం
ప్రణమామి రమాధిపతిం తమహమ్ || ౮ ||
సుఖరాశికరం భవబంధహరం
పరమాష్టకమేతదనన్యమతిః |
పఠతీహ తు యోఽనిశమేవ నరో
లభతే ఖలు విష్ణుపదం స పరమ్ || ౯ ||
ఇతి శ్రీమత్పరమహంస స్వామి బ్రహ్మానంద విరచితం శ్రీ రమాపత్యష్టకమ్ |
మరిన్ని శ్రీ విష్ణు స్తోత్రాలు చూడండి.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
