Read in తెలుగు / ಕನ್ನಡ / தமிழ் / देवनागरी / English (IAST)
ದತ್ತಾತ್ರೇಯಂ ಹರಿಂ ಕೃಷ್ಣಂ ಉನ್ಮಾದಂ ಪ್ರಣತೋಽಸ್ಮ್ಯಹಮ್ |
ಆನಂದದಾಯಕಂ ದೇವಂ ಮುನಿಬಾಲಂ ದಿಗಂಬರಮ್ || ೧ ||
ಪಿಶಾಚರೂಪಿಣಂ ವಿಷ್ಣುಂ ವಂದೇಽಹಂ ಜ್ಞಾನಸಾಗರಮ್ |
ಯೋಗಿನಂ ಭೋಗಿನಂ ನಗ್ನಂ ಅನಸೂಯಾತ್ಮಜಂ ಕವಿಮ್ || ೨ ||
ಭೋಗಮೋಕ್ಷಪ್ರದಂ ವಂದೇ ಸರ್ವದೇವಸ್ವರೂಪಿಣಮ್ |
ಉರುಕ್ರಮಂ ವಿಶಾಲಾಕ್ಷಂ ಪರಮಾನಂದವಿಗ್ರಹಮ್ || ೩ ||
ವರದಂ ದೇವದೇವೇಶಂ ಕಾರ್ತವೀರ್ಯವರಪ್ರದಮ್ |
ನಾನಾರೂಪಧರಂ ಹೃದ್ಯಂ ಭಕ್ತಚಿಂತಾಮಣಿಂ ಗುರುಮ್ || ೪ ||
ವಿಶ್ವವಂದ್ಯಪದಾಂಭೋಜಂ ಯೋಗಿಹೃತ್ಪದ್ಮವಾಸಿನಮ್ |
ಪ್ರಣತಾರ್ತಿಹರಂ ಗೂಢಂ ಕುತ್ಸಿತಾಚಾರಚೇಷ್ಟಿತಮ್ || ೫ ||
ಮಿತಾಚಾರಂ ಮಿತಾಹಾರಂ ಭಕ್ಷ್ಯಾಭಕ್ಷ್ಯವಿವರ್ಜಿತಮ್ |
ಪ್ರಮಾಣಂ ಪ್ರಾಣನಿಲಯಂ ಸರ್ವಾಧಾರಂ ನತೋಽಸ್ಮ್ಯಹಮ್ || ೬ ||
ಸಿದ್ಧಸಾಧಕಸಂಸೇವ್ಯಂ ಕಪಿಲಂ ಕೃಷ್ಣಪಿಂಗಳಮ್ |
ವಿಪ್ರವರ್ಯಂ ವೇದವಿದಂ ವೇದವೇದ್ಯಂ ವಿಯತ್ಸಮಮ್ || ೭ ||
ಪರಾಶಕ್ತಿ ಪದಾಶ್ಲಿಷ್ಟಂ ರಾಜರಾಜ್ಯಪ್ರದಂ ಶಿವಮ್ |
ಶುಭದಂ ಸುಂದರಗ್ರೀವಂ ಸುಶೀಲಂ ಶಾಂತವಿಗ್ರಹಮ್ || ೮ ||
ಯೋಗಿನಂ ರಾಮಯಾಸ್ಪೃಷ್ಟಂ ರಾಮಾರಾಮಂ ರಮಾಪ್ರಿಯಮ್ |
ಪ್ರಣತೋಽಸ್ಮಿ ಮಹಾದೇವಂ ಶರಣಂ ಭಕ್ತವತ್ಸಲಮ್ || ೯ ||
ವೀರಂ ವರೇಣ್ಯಂ ವೃಷಭಂ ವೃಷಾಚಾರಂ ವೃಷಪ್ರಿಯಮ್ |
ಅಲಿಪ್ತಮನಘಂ ಮೇಧ್ಯಂ ಅನಾದಿಮಗುಣಂ ಪರಮ್ || ೧೦ ||
ಅನೇಕಮೇಕಮೀಶಾನಂ ಅನಂತಮಣಿಕೇತನಮ್ |
ಅಧ್ಯಕ್ಷಮಸುರಾರಾತಿಂ ಶಮಂ ಶಾಂತಂ ಸನಾತನಮ್ || ೧೧ ||
ಗುಹ್ಯಂ ಗಭೀರಂ ಗಹನಂ ಗುಣಜ್ಞಂ ಗಹ್ವರಪ್ರಿಯಮ್ |
ಶ್ರೀದಂ ಶ್ರೀಶಂ ಶ್ರೀನಿವಾಸಂ ಶ್ರೀವತ್ಸಾಂಕಂ ಪರಾಯಣಮ್ || ೧೨ ||
ಜಪಂತಂ ಜಪತಾಂ ವಂದ್ಯಂ ಜಯಂತಂ ವಿಜಯಪ್ರದಮ್ |
ಜೀವನಂ ಜಗತಸ್ಸೇತುಂ ಜನಾನಾಂ ಜಾತವೇದಸಮ್ || ೧೩ ||
ಯಜ್ಞಮಿಜ್ಯಂ ಯಜ್ಞಭುಜಂ ಯಜ್ಞೇಶಂ ಯಾಜಕಾಂ ಯಜುಃ |
ಯಷ್ಟಾರಂ ಫಲದಂ ವಂದೇ ಸಾಷ್ಟಾಂಗಂ ಪರಯಾ ಮುದಾ || ೧೪ ||
ಇತಿ ವಿಷ್ಣುದತ್ತ ಕೃತ ಶ್ರೀ ದತ್ತಾತ್ರೇಯ ಸ್ತೋತ್ರಮ್ |
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
