Read in తెలుగు / ಕನ್ನಡ / தமிழ் / देवनागरी / English (IAST)
ನಮಸ್ತೇ ಯೋಗಿರಾಜೇಂದ್ರ ದತ್ತಾತ್ರೇಯ ದಯಾನಿಧೇ |
ಸ್ಮೃತಿಂ ತೇ ದೇಹಿ ಮಾಂ ರಕ್ಷ ಭಕ್ತಿಂ ತೇ ದೇಹಿ ಮೇ ಧೃತಿಮ್ ||
೧. ಯೋಗಿರಾಜ –
ಓಂ ಯೋಗಿರಾಜಾಯ ನಮಃ |
ಅದ್ವಯಾನಂದರೂಪಾಯ ಯೋಗಮಾಯಾಧರಾಯ ಚ |
ಯೋಗಿರಾಜಾಯ ದೇವಾಯ ಶ್ರೀದತ್ತಾಯ ನಮೋ ನಮಃ ||
೨. ಅತ್ರಿವರದ –
ಓಂ ಅತ್ರಿವರದಾಯ ನಮಃ |
ಮಾಲಾಕಮಂಡಲುರಧಃ ಕರ ಪದ್ಮಯುಗ್ಮೇ
ಮಧ್ಯಸ್ಥಪಾಣಿಯುಗಳೇ ಡಮರು ತ್ರಿಶೂಲೇ |
ಯನ್ಯಸ್ತ ಊರ್ಧ್ವಕರಯೋಃ ಶುಭ ಶಂಖ ಚಕ್ರೇ
ವಂದೇ ತಮತ್ರಿವರದಂ ಭುಜಷಟ್ಕಯುಕ್ತಮ್ ||
೩. ದತ್ತಾತ್ರೇಯ –
ಓಂ ದತ್ತಾತ್ರೇಯಾಯ ನಮಃ |
ದತ್ತಾತ್ರೇಯಂ ಶಿವಂ ಶಾಂತಂ ಇಂದ್ರನೀಲನಿಭಂ ಪ್ರಭುಮ್ |
ಆತ್ಮಮಾಯಾರತಂ ದೇವಂ ಅವಧೂತಂ ದಿಗಂಬರಮ್ ||
ಭಸ್ಮೋದ್ಧೂಳಿತಸರ್ವಾಂಗಂ ಜಟಾಜೂಟಧರಂ ವಿಭುಮ್ |
ಚತುರ್ಬಾಹುಮುದಾರಾಂಗಂ ದತ್ತಾತ್ರೇಯಂ ನಮಾಮ್ಯಹಮ್ ||
೪. ಕಾಲಾಗ್ನಿಶಮನ –
ಓಂ ಕಾಲಾಗ್ನಿಶಮನಾಯ ನಮಃ |
ಜ್ಞಾನಾನಂದೈಕ ದೀಪ್ತಾಯ ಕಾಲಾಗ್ನಿಶಮನಾಯ ಚ |
ಭಕ್ತಾರಿಷ್ಟವಿನಾಶಾಯ ನಮೋಽಸ್ತು ಪರಮಾತ್ಮನೇ ||
೫. ಯೋಗಿಜನವಲ್ಲಭ –
ಓಂ ಯೋಗಿಜನವಲ್ಲಭಾಯ ನಮಃ |
ಯೋಗವಿಜ್ಜನನಾಥಾಯ ಭಕ್ತಾನಂದಕರಾಯ ಚ |
ದತ್ತಾತ್ರೇಯಾಯ ದೇವಾಯ ತೇಜೋರೂಪಾಯ ತೇ ನಮಃ ||
೬. ಲೀಲಾವಿಶ್ವಂಭರ –
ಓಂ ಲೀಲಾವಿಶ್ವಂಭರಾಯ ನಮಃ |
ಪೂರ್ಣಬ್ರಹ್ಮಸ್ವರೂಪಾಯ ಲೀಲಾವಿಶ್ವಾಂಭರಾಯ ಚ |
ದತ್ತಾತ್ರೇಯಾಯ ದೇವಾಯ ನಮೋಽಸ್ತು ಸರ್ವಸಾಕ್ಷಿಣೇ ||
೭. ಸಿದ್ಧರಾಜ –
ಓಂ ಸಿದ್ಧರಾಜಾಯ ನಮಃ |
ಸರ್ವಸಿದ್ಧಾಂತಸಿದ್ಧಾಯ ದೇವಾಯ ಪರಮಾತ್ಮನೇ |
ಸಿದ್ಧರಾಜಾಯ ಸಿದ್ಧಾಯ ಮಂತ್ರದಾತ್ರೇ ನಮೋ ನಮಃ ||
೮. ಜ್ಞಾನಸಾಗರ –
ಓಂ ಜ್ಞಾನಸಾಗರಾಯ ನಮಃ |
ಸರ್ವತ್ರಾಽಜ್ಞಾನನಾಶಾಯ ಜ್ಞಾನದೀಪಾಯ ಚಾತ್ಮನೇ |
ಸಚ್ಚಿದಾನಂದಬೋಧಾಯ ಶ್ರೀದತ್ತಾಯ ನಮೋ ನಮಃ ||
೯. ವಿಶ್ವಂಭರಾವಧೂತ –
ಓಂ ವಿಶ್ವಂಭರಾವಧೂತಾಯ ನಮಃ |
ವಿಶ್ವಂಭರಾಯ ದೇವಾಯ ಭಕ್ತಪ್ರಿಯಕರಾಯ ಚ |
ಭಕ್ತಪ್ರಿಯಾಯ ದೇವಾಯ ನಾಮಪ್ರಿಯಾಯ ತೇ ನಮಃ ||
೧೦. ಮಾಯಾಮುಕ್ತಾವಧೂತ –
ಓಂ ಮಾಯಾಮುಕ್ತಾವಧೂತಾಯ ನಮಃ |
ಮಾಯಾಮುಕ್ತಾಯ ಶುದ್ಧಾಯ ಮಾಯಾಗುಣಹರಾಯ ತೇ |
ಶುದ್ಧಬುದ್ಧಾತ್ಮರೂಪಾಯ ನಮೋಽಸ್ತು ಪರಮಾತ್ಮನೇ ||
೧೧. ಮಾಯಾಯುಕ್ತಾವಧೂತ –
ಓಂ ಮಾಯಾಯುಕ್ತಾವಧೂತಾಯ ನಮಃ |
ಸ್ವಮಾಯಾಗುಣಗುಪ್ತಾಯ ಮುಕ್ತಾಯ ಪರಮಾತ್ಮನೇ |
ಸರ್ವತ್ರಾಽಜ್ಞಾನನಾಶಾಯ ದೇವದೇವಾಯ ತೇ ನಮಃ ||
೧೨. ಆದಿಗುರು –
ಓಂ ಆದಿಗುರವೇ ನಮಃ |
ಚಿದಾತ್ಮಜ್ಞಾನರೂಪಾಯ ಗುರವೇ ಬ್ರಹ್ಮರೂಪಿಣೇ |
ದತ್ತಾತ್ರೇಯಾಯ ದೇವಾಯ ನಮೋಽಸ್ತು ಪರಮಾತ್ಮನೇ ||
೧೩. ಶಿವರೂಪ –
ಓಂ ಶಿವರೂಪಾಯ ನಮಃ |
ಸಂಸಾರದುಃಖನಾಶಾಯ ಹಿತಾಯ ಪರಮಾತ್ಮನೇ | [ಶಿವಾಯ]
ದತ್ತಾತ್ರೇಯಾಯ ದೇವಾಯ ನಮೋಽಸ್ತು ಪರಮಾತ್ಮನೇ ||
೧೪. ದೇವದೇವ –
ಓಂ ದೇವದೇವಾಯ ನಮಃ |
ಸರ್ವಾಪರಾಧನಾಶಾಯ ಸರ್ವಪಾಪಹರಾಯ ಚ |
ದತ್ತಾತ್ರೇಯಾಯ ದೇವಾಯ ನಮೋಽಸ್ತು ಪರಮಾತ್ಮನೇ || [ದೇವದೇವಾಯ]
೧೫. ದಿಗಂಬರ –
ಓಂ ದಿಗಂಬರಾಯ ನಮಃ |
ದುಃಖದುರ್ಗತಿನಾಶಾಯ ದತ್ತಾಯ ಪರಮಾತ್ಮನೇ |
ದಿಗಂಬರಾಯ ಶಾಂತಾಯ ನಮೋಽಸ್ತು ಬುದ್ಧಿಸಾಕ್ಷಿಣೇ ||
೧೬. ಕೃಷ್ಣಶ್ಯಾಮ ಕಮಲನಯನ –
ಓಂ ಕೃಷ್ಣಶ್ಯಾಮಕಮಲನಯನಾಯ ನಮಃ |
ಅಖಂಡಾದ್ವೈತರೂಪಾಯ ನಿರ್ಗುಣಾಯ ಗುಣಾತ್ಮನೇ |
ಕೃಷ್ಣಾಯ ಪದ್ಮನೇತ್ರಾಯ ನಮೋಽಸ್ತು ಪರಮಾತ್ಮನೇ ||
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
