Read in తెలుగు / ಕನ್ನಡ / தமிழ் / देवनागरी / English (IAST)
namastē yōgirājēndra dattātrēya dayānidhē |
smr̥tiṁ tē dēhi māṁ rakṣa bhaktiṁ tē dēhi mē dhr̥tim ||
1| yōgirāja –
ōṁ yōgirājāya namaḥ |
advayānandarūpāya yōgamāyādharāya ca |
yōgirājāya dēvāya śrīdattāya namō namaḥ ||
2| atrivarada –
ōṁ atrivaradāya namaḥ |
mālākamaṇḍaluradhaḥ kara padmayugmē
madhyasthapāṇiyugalē ḍamaru triśūlē |
yanyasta ūrdhvakarayōḥ śubha śaṅkha cakrē
vandē tamatrivaradaṁ bhujaṣaṭkayuktam ||
3| dattātrēya –
ōṁ dattātrēyāya namaḥ |
dattātrēyaṁ śivaṁ śāntaṁ indranīlanibhaṁ prabhum |
ātmamāyārataṁ dēvaṁ avadhūtaṁ digambaram ||
bhasmōddhūlitasarvāṅgaṁ jaṭājūṭadharaṁ vibhum |
caturbāhumudārāṅgaṁ dattātrēyaṁ namāmyaham ||
4| kālāgniśamana –
ōṁ kālāgniśamanāya namaḥ |
jñānānandaika dīptāya kālāgniśamanāya ca |
bhaktāriṣṭavināśāya namō:’stu paramātmanē ||
5| yōgijanavallabha –
ōṁ yōgijanavallabhāya namaḥ |
yōgavijjananāthāya bhaktānandakarāya ca |
dattātrēyāya dēvāya tējōrūpāya tē namaḥ ||
6| līlāviśvambhara –
ōṁ līlāviśvambharāya namaḥ |
pūrṇabrahmasvarūpāya līlāviśvāmbharāya ca |
dattātrēyāya dēvāya namō:’stu sarvasākṣiṇē ||
7| siddharāja –
ōṁ siddharājāya namaḥ |
sarvasiddhāntasiddhāya dēvāya paramātmanē |
siddharājāya siddhāya mantradātrē namō namaḥ ||
8| jñānasāgara –
ōṁ jñānasāgarāya namaḥ |
sarvatrā:’jñānanāśāya jñānadīpāya cātmanē |
saccidānandabōdhāya śrīdattāya namō namaḥ ||
9| viśvambharāvadhūta –
ōṁ viśvambharāvadhūtāya namaḥ |
viśvambharāya dēvāya bhaktapriyakarāya ca |
bhaktapriyāya dēvāya nāmapriyāya tē namaḥ ||
10| māyāmuktāvadhūta –
ōṁ māyāmuktāvadhūtāya namaḥ |
māyāmuktāya śuddhāya māyāguṇaharāya tē |
śuddhabuddhātmarūpāya namō:’stu paramātmanē ||
11| māyāyuktāvadhūta –
ōṁ māyāyuktāvadhūtāya namaḥ |
svamāyāguṇaguptāya muktāya paramātmanē |
sarvatrā:’jñānanāśāya dēvadēvāya tē namaḥ ||
12| ādiguru –
ōṁ ādiguravē namaḥ |
cidātmajñānarūpāya guravē brahmarūpiṇē |
dattātrēyāya dēvāya namō:’stu paramātmanē ||
13| śivarūpa –
ōṁ śivarūpāya namaḥ |
saṁsāraduḥkhanāśāya hitāya paramātmanē | [śivāya]
dattātrēyāya dēvāya namō:’stu paramātmanē ||
14| dēvadēva –
ōṁ dēvadēvāya namaḥ |
sarvāparādhanāśāya sarvapāpaharāya ca |
dattātrēyāya dēvāya namō:’stu paramātmanē || [dēvadēvāya]
15| digambara –
ōṁ digambarāya namaḥ |
duḥkhadurgatināśāya dattāya paramātmanē |
digambarāya śāntāya namō:’stu buddhisākṣiṇē ||
16| kr̥ṣṇaśyāma kamalanayana –
ōṁ kr̥ṣṇaśyāmakamalanayanāya namaḥ |
akhaṇḍādvaitarūpāya nirguṇāya guṇātmanē |
kr̥ṣṇāya padmanētrāya namō:’stu paramātmanē ||
See more śrī dattātrēya stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
