Read in తెలుగు / ಕನ್ನಡ / தமிழ் / देवनागरी / English (IAST)
parānandamayō viṣṇurhr̥tsthō vēdyōpyatīndriyaḥ |
sadā sampūjyatē bhaktairbhagavān bhaktibhāvanaḥ || 1 ||
acintyasya kutō dhyānam kūṭasthāvāhanaṁ kutaḥ |
kvāsanaṁ viśvasaṁsthasya pādyaṁ pūtātmanaḥ kutaḥ || 2 ||
kvānarghōrukramasyārghyaṁ viṣṇōrācamanaṁ kutaḥ |
nirmalasya kutaḥ snānaṁ kva nirāvaraṇēmbaram || 3 ||
svasūtrasya kutaḥ sūtraṁ nirmalasya ca lēpanam |
nistr̥ṣaḥ sumanōbhiḥ kiṁ kimaklēdyasya dhūpataḥ || 4 ||
svaprakāśasya dīpaiḥ kiṁ kiṁ bhakṣyādyairjagadbhr̥taḥ |
kiṁ dēyaṁ paritr̥ptasya virājaḥ kva pradakṣiṇāḥ || 5 ||
kimanantasya natibhiḥ stauti kō vāgagōcaram |
antarbahiḥ prapūrṇasya kathamudvāsanaṁ bhavēt || 6 ||
sarvatō:’pītyasambhāvyō bhāvyatē bhaktibhāvanaḥ |
sēvyasēvakabhāvēna bhaktairlīlānr̥vigrahaḥ || 7 ||
tavēśātīndriyasyāpi pāramparyāśrutāṁ tanum |
prakalpyāśmādāvarcanti prārcayē:’rcāṁ manōmayīm || 8 ||
kalasuślōkagītēna bhagavan datta jāgr̥hi |
bhaktavatsala sāmīpyaṁ kuru mē mānasārcanē || 9 ||
śrīdattaṁ khēcarīmudrāmudritaṁ yōgisadgurum |
siddhāsanasthaṁ dhyāyē:’bhīvarapradakaraṁ harim || 10 ||
dattātrēyāhvayāmyatra parivāraiḥ sahārcanē |
śraddhābhaktyēśvarāgaccha dhyātadhāmnāñjasā vibhō || 11 ||
sauvarṇaṁ ratnajaḍitaṁ kalpitaṁ dēvatāmayam |
ramyaṁ siṁhāsanaṁ datta tatrōpaviśa yantritē || 12 ||
pādyaṁ candanakarpūrasurabhi svādu vāri tē |
gr̥hāṇa kalpitaṁ tēna dattāṅghrī kṣālayāmi tē || 13 ||
gandhābjatulasībilvaśamīpatrākṣatānvitam |
sāmbvarghyaṁ svarṇapātrēṇa kalpitaṁ datta gr̥hyatām || 14 ||
susvādvācamanīyāmbu haimapātrēṇa kalpitam |
tubhyamācamyatāṁ datta madhuparkaṁ gr̥hāṇa ca || 15 ||
puṣpavāsitasattailamaṅgēṣvālipya datta bhōḥ |
pañcāmr̥taiśca gāṅgādbhiḥ snānaṁ tē kalpayāmyaham || 16 ||
bhaktyā digambarācānta jalēdaṁ datta kalpitam |
kāṣāyaparidhānaṁ tadgr̥hāṇaiṇēyacarma ca || 17 ||
nānāsūtradharaitē tē brahmasūtrē prakalpitē |
gr̥hāṇa daivatamayē śrīdatta navatantukē || 18 ||
bhūtimr̥tsnāsukastūrīkēśarānvitacandanam |
ratnākṣatāḥ kalpitāstvāmalaṅkurvē:’tha datta taiḥ || 19 ||
sacchamībilvatulasīpatraiḥ saugandhikaiḥ sumaiḥ |
manasā kalpitairnānāvidhairdattārcayāmyaham || 20 ||
lākṣāsitābhraśrīvāsaśrīkhaṇḍāgaruguggulaiḥ |
yuktō:’gniyōjitō dhūpō hr̥dā svīkuru datta tam || 21 ||
svarṇapātrē gōghr̥tāktavartiprajvālitaṁ hr̥dā |
dīpaṁ datta sakarpūraṁ gr̥hāṇa svaprakāśaka || 22 ||
saṣaḍrasaṁ ṣaḍvidhānnaṁ naivēdyaṁ gavyasamyutam |
kalpitaṁ haimapātrē tē bhuṅkṣva dattāmbvadaḥ piba || 23 ||
prakṣālyāsyaṁ karau cādbhirdattācamya pragr̥hyatām |
tāmbūlaṁ dakṣiṇāṁ haimīṁ kalpitāni phalāni ca || 24 ||
nīrājya ratnadīpaistvāṁ praṇamya manasā ca tē |
paritastvatkathōdghātaiḥ kurvē datta pradakṣiṇāḥ || 25 ||
mantravannihitō mūrdhni datta tē kusumāñjaliḥ |
kalpyantē manasā gītavādyanr̥tyōpacārakāḥ || 26 ||
prēryamāṇaprērakēṇa tvayā dattēritēna tē |
kr̥tēyaṁ manasā pūjā śrīmaṁstuṣṭō bhavānayā || 27 ||
datta mānasatalpē mē sukhanidrāṁ rahaḥ kuru |
ramyē vyāyatabhaktyāmatūlikāḍhyē suvījitē || 28 ||
iti śrīvāsudēvānandasarasvatī viracitaṁ śrī datta mānasapūjā |
See more śrī dattātrēya stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.