Read in తెలుగు / ಕನ್ನಡ / தமிழ் / देवनागरी / English (IAST)
ಪದ್ಮೋವಾಚ |
ಯೋಗೇನ ಸಿದ್ಧವಿಬುಧೈಃ ಪರಿಭಾವ್ಯಮಾನಂ
ಲಕ್ಷ್ಮ್ಯಾಲಯಂ ತುಲಸಿಕಾಚಿತಭಕ್ತಭೃಂಗಮ್ |
ಪ್ರೋತ್ತುಂಗರಕ್ತನಖರಾಂಗುಳಿಪತ್ರಚಿತ್ರಂ
ಗಂಗಾರಸಂ ಹರಿಪದಾಂಬುಜಮಾಶ್ರಯೇಽಹಮ್ || ೧ ||
ಗುಂಫನ್ಮಣಿಪ್ರಚಯಘಟ್ಟಿತರಾಜಹಂಸ-
-ಸಿಂಜತ್ಸುನೂಪುರಯುತಂ ಪದಪದ್ಮವೃಂದಮ್ |
ಪೀತಾಂಬರಾಂಚಲವಿಲೋಲಚಲತ್ಪತಾಕಂ
ಸ್ವರ್ಣತ್ರಿವಕ್ರವಲಯಂ ಚ ಹರೇಃ ಸ್ಮರಾಮಿ || ೨ ||
ಜಂಘೇ ಸುಪರ್ಣಗಳನೀಲಮಣಿಪ್ರವೃದ್ಧೇ
ಶೋಭಾಸ್ಪದಾರುಣಮಣಿದ್ಯುತಿಚುಂಚುಮಧ್ಯೇ |
ಆರಕ್ತಪಾದತಲಲಂಬನಶೋಭಮಾನೇ
ಲೋಕೇಕ್ಷಣೋತ್ಸವಕರೇ ಚ ಹರೇಃ ಸ್ಮರಾಮಿ || ೩ ||
ತೇ ಜಾನುನೀ ಮಖಪತೇರ್ಭುಜಮೂಲಸಂಗ-
-ರಂಗೋತ್ಸವಾವೃತತಟಿದ್ವಸನೇ ವಿಚಿತ್ರೇ |
ಚಂಚತ್ಪತತ್ರಿಮುಖನಿರ್ಗತಸಾಮಗೀತ-
-ವಿಸ್ತಾರಿತಾತ್ಮಯಶಸೀ ಚ ಹರೇಃ ಸ್ಮರಾಮಿ || ೪ ||
ವಿಷ್ಣೋಃ ಕಟಿಂ ವಿಧಿಕೃತಾಂತಮನೋಜಭೂಮಿಂ
ಜೀವಾಂಡಕೋಶಗಣಸಂಗದುಕೂಲಮಧ್ಯಾಮ್ |
ನಾನಾಗುಣಪ್ರಕೃತಿಪೀತವಿಚಿತ್ರವಸ್ತ್ರಾಂ
ಧ್ಯಾಯೇ ನಿಬದ್ಧವಸನಾಂ ಖಗಪೃಷ್ಠಸಂಸ್ಥಾಮ್ || ೫ ||
ಶಾತೋದರಂ ಭಗವತಸ್ತ್ರಿವಳಿಪ್ರಕಾಶ-
-ಮಾವರ್ತನಾಭಿವಿಕಸದ್ವಿಧಿಜನ್ಮಪದ್ಮಮ್ |
ನಾಡೀನದೀಗಣರಸೋತ್ಥಸಿತಾಂತ್ರಸಿಂಧುಂ
ಧ್ಯಾಯೇಽಂಡಕೋಶನಿಲಯಂ ತನುಲೋಮರೇಖಮ್ || ೬ ||
ವಕ್ಷಃ ಪಯೋಧಿತನಯಾಕುಚಕುಂಕುಮೇನ
ಹಾರೇಣ ಕೌಸ್ತುಭಮಣಿಪ್ರಭಯಾ ವಿಭಾತಮ್ |
ಶ್ರೀವತ್ಸಲಕ್ಷ್ಮ ಹರಿಚಂದನಜಪ್ರಸೂನ-
-ಮಾಲೋಚಿತಂ ಭಗವತಃ ಸುಭಗಂ ಸ್ಮರಾಮಿ || ೭ ||
ಬಾಹೂ ಸುವೇಷಸದನೌ ವಲಯಾಂಗದಾದಿ-
-ಶೋಭಾಸ್ಪದೌ ದುರಿತದೈತ್ಯವಿನಾಶದಕ್ಷೌ |
ತೌ ದಕ್ಷಿಣೌ ಭಗವತಶ್ಚ ಗದಾಸುನಾಭ-
-ತೇಜೋರ್ಜಿತೌ ಸುಲಲಿತೌ ಮನಸಾ ಸ್ಮರಾಮಿ || ೮ ||
ವಾಮೌ ಭುಜೌ ಮುರರಿಪೋರ್ಧೃತಪದ್ಮಶಂಖೌ
ಶ್ಯಾಮೌ ಕರೀಂದ್ರಕರವನ್ಮಣಿಭೂಷಣಾಢ್ಯೌ |
ರಕ್ತಾಂಗುಳಿಪ್ರಚಯಚುಂಬಿತಜಾನುಮಧ್ಯೌ
ಪದ್ಮಾಲಯಾಪ್ರಿಯಕರೌ ರುಚಿರೌ ಸ್ಮರಾಮಿ || ೯ ||
ಕಂಠಂ ಮೃಣಾಳಮಮಲಂ ಮುಖಪಂಕಜಸ್ಯ
ಲೇಖಾತ್ರಯೇಣ ವನಮಾಲಿಕಯಾ ನಿವೀತಮ್ |
ಕಿಂ ವಾ ವಿಮುಕ್ತಿವಶಮಂತ್ರಕಸತ್ಫಲಸ್ಯ
ವೃಂತಂ ಚಿರಂ ಭಗವತಃ ಸುಭಗಂ ಸ್ಮರಾಮಿ || ೧೦ ||
ವಕ್ತ್ರಾಂಬುಜಂ ದಶನಹಾಸವಿಕಾಸರಮ್ಯಂ
ರಕ್ತಾಧರೋಷ್ಠವರಕೋಮಲವಾಕ್ಸುಧಾಢ್ಯಮ್ |
ಸನ್ಮಾನಸೋದ್ಭವಚಲೇಕ್ಷಣಪತ್ರಚಿತ್ರಂ
ಲೋಕಾಭಿರಾಮಮಮಲಂ ಚ ಹರೇಃ ಸ್ಮರಾಮಿ || ೧೧ ||
ಸೂರಾತ್ಮಜಾವಸಥಗಂಧಮಿದಂ ಸುನಾಸಂ
ಭ್ರೂಪಲ್ಲವಂ ಸ್ಥಿತಿಲಯೋದಯಕರ್ಮದಕ್ಷಮ್ |
ಕಾಮೋತ್ಸವಂ ಚ ಕಮಲಾಹೃದಯಪ್ರಕಾಶಂ
ಸಂಚಿಂತಯಾಮಿ ಹರಿವಕ್ತ್ರವಿಲಾಸದಕ್ಷಮ್ || ೧೨ ||
ಕರ್ಣೌ ಲಸನ್ಮಕರಕುಂಡಲಗಂಡಲೋಲೌ
ನಾನಾದಿಶಾಂ ಚ ನಭಸಶ್ಚ ವಿಕಾಸಗೇಹಮ್ |
ಲೋಲಾಲಕಪ್ರಚಯಚುಂಬನಕುಂಚಿತಾಗ್ರೌ
ಲಗ್ನೌ ಹರೇರ್ಮಣಿಕಿರೀಟತಟೇ ಸ್ಮರಾಮಿ || ೧೩ ||
ಭಾಲಂ ವಿಚಿತ್ರತಿಲಕಂ ಪ್ರಿಯಚಾರುಗಂಧಂ
ಗೋರೋಚನಾರಚನಯಾ ಲಲನಾಕ್ಷಿಸಖ್ಯಮ್ |
ಬ್ರಹ್ಮೈಕಧಾಮಮಣಿಕಾಂತಕಿರೀಟಜುಷ್ಟಂ
ಧ್ಯಾಯೇ ಮನೋನಯನಹಾರಕಮೀಶ್ವರಸ್ಯ || ೧೪ ||
ಶ್ರೀವಾಸುದೇವಚಿಕುರಂ ಕುಟಿಲಂ ನಿಬದ್ಧಂ
ನಾನಾಸುಗಂಧಿಕುಸುಮೈಃ ಸ್ವಜನಾದರೇಣ |
ದೀರ್ಘಂ ರಮಾಹೃದಯಗಾಶಮನಂ ಧುನಂತಂ
ಧ್ಯಾಯೇಽಂಬುವಾಹರುಚಿರಂ ಹೃದಯಾಬ್ಜಮಧ್ಯೇ || ೧೫ ||
ಮೇಘಾಕಾರಂ ಸೋಮಸೂರ್ಯಪ್ರಕಾಶಂ
ಸುಭ್ರೂನ್ನಾಸಂ ಶಕ್ರಚಾಪೈಕಮಾನಮ್ |
ಲೋಕಾತೀತಂ ಪುಂಡರೀಕಾಯತಾಕ್ಷಂ
ವಿದ್ಯುಚ್ಚೈಲಂ ಚಾಶ್ರಯೇಽಹಂ ತ್ವಪೂರ್ವಮ್ || ೧೬ ||
ದೀನಂ ಹೀನಂ ಸೇವಯಾ ದೈವಗತ್ಯಾ
ಪಾಪೈಸ್ತಾಪೈಃ ಪೂರಿತಂ ಮೇ ಶರೀರಮ್ |
ಲೋಭಾಕ್ರಾಂತಂ ಶೋಕಮೋಹಾದಿವಿದ್ಧಂ
ಕೃಪಾದೃಷ್ಟ್ಯಾ ಪಾಹಿ ಮಾಂ ವಾಸುದೇವ || ೧೭ ||
ಯೇ ಭಕ್ತ್ಯಾಽದ್ಯಾಂ ಧ್ಯಾಯಮಾನಾಂ ಮನೋಜ್ಞಾಂ
ವ್ಯಕ್ತಿಂ ವಿಷ್ಣೋಃ ಷೋಡಶಶ್ಲೋಕಪುಷ್ಪೈಃ |
ಸ್ತುತ್ವಾ ನತ್ವಾ ಪೂಜಯಿತ್ವಾ ವಿಧಿಜ್ಞಾಃ
ಶುದ್ಧಾ ಮುಕ್ತಾ ಬ್ರಹ್ಮಸೌಖ್ಯಂ ಪ್ರಯಾಂತಿ || ೧೮ ||
ಪದ್ಮೇರಿತಮಿದಂ ಪುಣ್ಯಂ ಶಿವೇನ ಪರಿಭಾಷಿತಮ್ |
ಧನ್ಯಂ ಯಶಸ್ಯಮಾಯುಷ್ಯಂ ಸ್ವರ್ಗ್ಯಂ ಸ್ವಸ್ತ್ಯಯನಂ ಪರಮ್ || ೧೯ ||
ಪಠಂತಿ ಯೇ ಮಹಾಭಾಗಾಸ್ತೇ ಮುಚ್ಯಂತೇಽಹಸೋಽಖಿಲಾತ್ |
ಧರ್ಮಾರ್ಥಕಾಮಮೋಕ್ಷಾಣಾಂ ಪರತ್ರೇಹ ಫಲಪ್ರದಮ್ || ೨೦ ||
ಇತಿ ಶ್ರೀಕಲ್ಕಿಪುರಾಣೇ ಪದ್ಮಕೃತ ಶ್ರೀ ವಿಷ್ಣು ಸ್ತವರಾಜಃ ||
ಇನ್ನಷ್ಟು ಶ್ರೀ ವಿಷ್ಣು ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
