Read in తెలుగు / ಕನ್ನಡ / தமிழ் / देवनागरी / English (IAST)
ಕಲಿಮಲಾಸ್ತವಿವೇಕದಿವಾಕರಂ
ಸಮವಲೋಕ್ಯ ತಮೋವಲಿತಂ ಜನಮ್ |
ಕರುಣಯಾ ಭುವಿ ದರ್ಶಿತವಿಗ್ರಹಂ
ಮುನಿವರಂ ಗುರುವ್ಯಾಸಮಹಂ ಭಜೇ || ೧ ||
ಭರತವಂಶಸಮುದ್ಧರಣೇಚ್ಛಯಾ
ಸ್ವಜನನೀವಚಸಾ ಪರಿನೋದಿತಃ |
ಅಜನಯತ್ತನಯತ್ರಿತಯಂ ಪ್ರಭುಃ
ಶುಕನುತಂ ಗುರುವ್ಯಾಸಮಹಂ ಭಜೇ || ೨ ||
ಮತಿಬಲಾದಿ ನಿರೀಕ್ಷ್ಯ ಕಲೌ ನೃಣಾಂ
ಲಘುತರಂ ಕೃಪಯಾ ನಿಗಮಾಂಬುಧೇಃ |
ಸಮಕರೋದಿಹ ಭಾಗಮನೇಕಧಾ
ಶ್ರುತಿಪತಿಂ ಗುರುವ್ಯಾಸಮಹಂ ಭಜೇ || ೩ ||
ಸಕಲಧರ್ಮನಿರೂಪಣಸಾಗರಂ
ವಿವಿಧಚಿತ್ರಕಥಾಸಮಲಂಕೃತಮ್ |
ವ್ಯರಚಯಚ್ಚ ಪುರಾಣಕದಂಬಕಂ
ಕವಿವರಂ ಗುರುವ್ಯಾಸಮಹಂ ಭಜೇ || ೪ ||
ಶ್ರುತಿವಿರೋಧಸಮನ್ವಯದರ್ಪಣಂ
ನಿಖಿಲವಾದಿಮತಾನ್ಧ್ಯವಿದಾರಣಮ್ |
ಗ್ರಥಿತವಾನಪಿ ಸೂತ್ರಸಮೂಹಕಂ
ಮುನಿಸುತಂ ಗುರುವ್ಯಾಸಮಹಂ ಭಜೇ || ೫ ||
ಯದನುಭಾವವಶೇನ ದಿವಂಗತಃ
ಸಮಧಿಗಮ್ಯ ಮಹಾಸ್ತ್ರಸಮುಚ್ಚಯಮ್ |
ಕುರುಚಮೂಮಜಯದ್ವಿಜಯೋ ದ್ರುತಂ
ದ್ಯುತಿಧರಂ ಗುರುವ್ಯಾಸಮಹಂ ಭಜೇ || ೬ ||
ಸಮರವೃತ್ತವಿಬೋಧಸಮೀಹಯಾ
ಕುರುವರೇಣ ಮುದಾ ಕೃತಯಾಚನಃ |
ಸಪದಿಸೂತಮದಾದಮಲೇಕ್ಷಣಂ
ಕಲಿಹರಂ ಗುರುವ್ಯಾಸಮಹಂ ಭಜೇ || ೭ ||
ವನನಿವಾಸಪರೌ ಕುರುದಂಪತೀ
ಸುತಶುಚಾ ತಪಸಾ ಚ ವಿಕರ್ಶಿತೌ |
ಮೃತತನೂಜಗಣಂ ಸಮದರ್ಶಯನ್
ಶರಣದಂ ಗುರುವ್ಯಾಸಮಹಂ ಭಜೇ || ೮ ||
ವ್ಯಾಸಾಷ್ಟಕಮಿದಂ ಪುಣ್ಯಂ ಬ್ರಹ್ಮಾನನ್ದೇನ ಕೀರ್ತಿತಮ್ |
ಯಃ ಪಠೇನ್ಮನುಜೋ ನಿತ್ಯಂ ಸ ಭವೇಚ್ಛಾಸ್ತ್ರಪಾರಗಃ ||
ಇತಿ ಶ್ರೀಪರಮಹಂಸಸ್ವಾಮಿ ಬ್ರಹ್ಮಾನಂದವಿರಚಿತಂ ಶ್ರೀವೇದವ್ಯಾಸಾಷ್ಟಕಮ್ |
ಇನ್ನಷ್ಟು ಶ್ರೀ ಗುರು ಸ್ತೋತ್ರಗಳು ನೋಡಿ.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
