Read in తెలుగు / ಕನ್ನಡ / தமிழ் / देवनागरी / English (IAST)
ಭೇದಾಭೇದೌ ಸಪದಿಗಳಿತೌ ಪುಣ್ಯಪಾಪೇ ವಿಶೀರ್ಣೇ
ಮಾಯಾಮೋಹೌ ಕ್ಷಯಮಧಿಗತೌ ನಷ್ಟಸಂದೇಹವೃತ್ತೀ |
ಶಬ್ದಾತೀತಂ ತ್ರಿಗುಣರಹಿತಂ ಪ್ರಾಪ್ಯ ತತ್ತ್ವಾವಬೋಧಂ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ || ೧ ||
ಯಸ್ಸ್ವಾತ್ಮಾನಂ ಸಕಲವಪುಷಾಮೇಕಮಂತರ್ಬಹಿಸ್ಥಂ
ದೃಷ್ಟ್ವಾ ಪೂರ್ಣಂ ಖಮಿವ ಸತತಂ ಸರ್ವಭಾಂಡಸ್ಥಮೇಕಮ್ |
ನಾನ್ಯತ್ಕಾರ್ಯಂ ಕಿಮಪಿ ಚ ತಥಾ ಕಾರಣಾದ್ಭಿನ್ನರೂಪಂ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ || ೨ ||
ಯದ್ವನ್ನದ್ಯೋಽಂಬುಧಿಮಧಿಗತಾಸ್ಸಾಗರತ್ವಂ ಪ್ರಪನ್ನಾಃ
ತದ್ದ್ವಜ್ಜೀವಾಸ್ಸಮರಸಗತಾಃ ಚಿತ್ಸ್ವರೂಪಂ ಪ್ರಪನ್ನಾಃ |
ವಾಚಾತೀತೇ ಸಮರಸಘನೇ ಸಚ್ಚಿದಾನಂದರೂಪೇ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ || ೩ ||
ಹೇಮ್ನಃ ಕಾರ್ಯಂ ಹುತವಹಗತಂ ಹೇಮತಾಮೇತಿ ತದ್ವತ್
ಕ್ಷೀರಂ ಕ್ಷೀರೇ ಸಮರಸಗತಂ ತೋಯಮೇವಾಂಬುಮಧ್ಯೇ |
ಏವಂ ಸರ್ವಂ ಸಮರಸಗತಂ ತ್ವಂ ಪದಂ ತತ್ಪದಾರ್ಥೇ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ || ೪ ||
ಕಶ್ಚಾತ್ರಾಹಂ ಕಿಮಪಿ ಚ ಭವಾನ್ ಕೋಽಯಮತ್ರ ಪ್ರಪಂಚಃ
ಸ್ವಾಂತರ್ವೇದ್ಯೇ ಗಗನಸದೃಶೇ ಪೂರ್ಣತತ್ತ್ವಪ್ರಕಾಶೇ |
ಆನಂದಾಖ್ಯೇ ಸಮರಸಘನೇ ಬಾಹ್ಯ ಅಂತರ್ವಿಲೀನೇ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ || ೫ ||
ದೃಷ್ಟ್ವಾ ಸರ್ವಂ ಪರಮಮಮೃತಂ ಸ್ವಪ್ರಕಾಶಸ್ವರೂಪಂ
ಬುಧ್ವಾತ್ಮಾನಂ ವಿಮಲಮಚಲಂ ಸಚ್ಚಿದಾನಂದರೂಪಮ್ |
ಬ್ರಹ್ಮಾಧಾರಂ ಸಕಲಜಗತಾಂ ಸಾಕ್ಷಿಣಂ ನಿರ್ವಿಶೇಷಂ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ || ೬ ||
ಕಾರ್ಯಾಕಾರ್ಯಂ ಕಿಮಪಿ ಚರತೋ ನೈವಕರ್ತೃತ್ವಮಸ್ತಿ
ಜೀವನ್ಮುಕ್ತಿಸ್ಸ್ಥಿತಿರಿಹ ಗತಾ ದಗ್ಧವಸ್ತ್ರಾವಭಾಸಾ |
ಏವಂ ದೇಹೇ ಪ್ರಚಲಿತತಯಾ ದೃಶ್ಯಮಾನಸ್ಸ ಮುಕ್ತೋ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ || ೭ ||
ಯಸ್ಮಿನ್ ವಿಶ್ವಂ ಸಕಲಭುವನಂ ಸೈಂಧವಂ ಸಿಂಧುಮಧ್ಯೇ
ಪೃಥ್ವ್ಯಂಬ್ವಗ್ನಿಶ್ವಸನಗಗನಂ ಜೀವಭಾವಕ್ರಮೇಣ |
ಯದ್ಯಲ್ಲೀನಂ ತದಿದಮಖಿಲಂ ಸಚ್ಚಿದಾನಂದರೂಪಂ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ || ೮ ||
ಸತ್ಯಂ ಸತ್ಯಂ ಪರಮಮಮೃತಂ ಶಾಂತಿ ಕಳ್ಯಾಣಹೇತುಂ
ಮಾಯಾರಣ್ಯೇ ದಹನಮಮಲಂ ಶಾಂತಿನಿರ್ವಾಣದೀಪಮ್ |
ತೇಜೋರಾಶಿಂ ನಿಗಮಸದನಂ ವ್ಯಾಸಪುತ್ರಾಷ್ಟಕಂ ಯಃ
ಪ್ರಾತಃಕಾಲೇ ಪಠತಿ ಸಹಸಾ ಯಾತಿ ನಿರ್ವಾಣಮಾರ್ಗಮ್ || ೯ ||
ಇತಿ ಶುಕಾಷ್ಟಕಮ್ |
ಇನ್ನಷ್ಟು ಶ್ರೀ ಗುರು ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
