Read in తెలుగు / ಕನ್ನಡ / தமிழ் / देवनागरी / English (IAST)
kalimalāstavivēkadivākaraṁ
samavalōkya tamōvalitaṁ janam |
karuṇayā bhuvi darśitavigrahaṁ
munivaraṁ guruvyāsamahaṁ bhajē || 1 ||
bharatavaṁśasamuddharaṇēcchayā
svajananīvacasā parinōditaḥ |
ajanayattanayatritayaṁ prabhuḥ
śukanutaṁ guruvyāsamahaṁ bhajē || 2 ||
matibalādi nirīkṣya kalau nr̥ṇāṁ
laghutaraṁ kr̥payā nigamāmbudhēḥ |
samakarōdiha bhāgamanēkadhā
śrutipatiṁ guruvyāsamahaṁ bhajē || 3 ||
sakaladharmanirūpaṇasāgaraṁ
vividhacitrakathāsamalaṅkr̥tam |
vyaracayacca purāṇakadambakaṁ
kavivaraṁ guruvyāsamahaṁ bhajē || 4 ||
śrutivirōdhasamanvayadarpaṇaṁ
nikhilavādimatāndhyavidāraṇam |
grathitavānapi sūtrasamūhakaṁ
munisutaṁ guruvyāsamahaṁ bhajē || 5 ||
yadanubhāvavaśēna divaṅgataḥ
samadhigamya mahāstrasamuccayam |
kurucamūmajayadvijayō drutaṁ
dyutidharaṁ guruvyāsamahaṁ bhajē || 6 ||
samaravr̥ttavibōdhasamīhayā
kuruvarēṇa mudā kr̥tayācanaḥ |
sapadisūtamadādamalēkṣaṇaṁ
kaliharaṁ guruvyāsamahaṁ bhajē || 7 ||
vananivāsaparau kurudampatī
sutaśucā tapasā ca vikarśitau |
mr̥tatanūjagaṇaṁ samadarśayan
śaraṇadaṁ guruvyāsamahaṁ bhajē || 8 ||
vyāsāṣṭakamidaṁ puṇyaṁ brahmānandēna kīrtitam |
yaḥ paṭhēnmanujō nityaṁ sa bhavēcchāstrapāragaḥ ||
iti śrīparamahaṁsasvāmi brahmānandaviracitaṁ śrīvēdavyāsāṣṭakam |
See more śrī guru stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
