Sri Varaha Stuti (Padma Puranam) 2 – ಶ್ರೀ ವರಾಹ ಸ್ತುತಿಃ (ಪದ್ಮಪುರಾಣೇ)

ಸ್ತೋತ್ರನಿಧಿ → ಶ್ರೀ ವಿಷ್ಣು ಸ್ತೋತ್ರಗಳು → ಶ್ರೀ ವರಾಹ ಸ್ತುತಿಃ (ಪದ್ಮಪುರಾಣೇ)

ದೇವಾ ಊಚುಃ |
ನಮೋ ಯಜ್ಞವರಾಹಾಯ ನಮಸ್ತೇ ಶತಬಾಹವೇ |
ನಮಸ್ತೇ ದೇವದೇವಾಯ ನಮಸ್ತೇ ವಿಶ್ವರೂಪಿಣೇ || ೧ ||

ನಮಃ ಸ್ಥಿತಿಸ್ವರೂಪಾಯ ಸರ್ವಯಜ್ಞಸ್ವರೂಪಿಣೇ |
ಕಲಾಕಾಷ್ಠಾನಿಮೇಷಾಯ ನಮಸ್ತೇ ಕಾಲರೂಪಿಣೇ || ೨ ||

ಭೂತಾತ್ಮನೇ ನಮಸ್ತುಭ್ಯಂ ಋಗ್ವೇದವಪುಷೇ ತಥಾ |
ಸುರಾತ್ಮನೇ ನಮಸ್ತುಭ್ಯಂ ಸಾಮವೇದಾಯ ತೇ ನಮಃ || ೩ ||

ಓಂಕಾರಾಯ ನಮಸ್ತುಭ್ಯಂ ಯಜುರ್ವೇದಸ್ವರೂಪಿಣೇ |
ಋಚಃಸ್ವರೂಪಿಣೇ ಚೈವ ಚತುರ್ವೇದಮಯಾಯ ಚ || ೪ ||

ನಮಸ್ತೇ ವೇದವೇದಾಂಗ ಸಾಂಗೋಪಾಂಗಾಯ ತೇ ನಮಃ |
ಗೋವಿಂದಾಯ ನಮಸ್ತುಭ್ಯಮನಾದಿನಿಧನಾಯ ಚ || ೫ ||

ನಮಸ್ತೇ ವೇದವಿದುಷೇ ವಿಶಿಷ್ಟೈಕಸ್ವರೂಪಿಣೇ |
ಶ್ರೀಭೂಲೀಲಾಧಿಪತಯೇ ಜಗತ್ಪಿತ್ರೇ ನಮೋ ನಮಃ || ೬ ||

ಇತಿ ಶ್ರೀಪದ್ಮಪುರಾಣೇ ಉತ್ತರಖಂಡೇ ದೇವಕೃತ ವರಾಹಸ್ತುತಿಃ ||

---

ಇನ್ನಷ್ಟು ಶ್ರೀ ವಿಷ್ಣು ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.