Sri Varaha Stuti (Padma Puranam) – śrī varāha stutiḥ 3 (padmapurāṇē)


dēvā ūcuḥ |
namō yajñavarāhāya namastē śatabāhavē |
namastē dēvadēvāya namastē viśvarūpiṇē || 1 ||

namaḥ sthitisvarūpāya sarvayajñasvarūpiṇē |
kalākāṣṭhānimēṣāya namastē kālarūpiṇē || 2 ||

bhūtātmanē namastubhyaṁ r̥gvēdavapuṣē tathā |
surātmanē namastubhyaṁ sāmavēdāya tē namaḥ || 3 ||

ōṅkārāya namastubhyaṁ yajurvēdasvarūpiṇē |
r̥caḥsvarūpiṇē caiva caturvēdamayāya ca || 4 ||

namastē vēdavēdāṅga sāṅgōpāṅgāya tē namaḥ |
gōvindāya namastubhyamanādinidhanāya ca || 5 ||

namastē vēdaviduṣē viśiṣṭaikasvarūpiṇē |
śrībhūlīlādhipatayē jagatpitrē namō namaḥ || 6 ||

iti śrīpadmapurāṇē uttarakhaṇḍē dēvakr̥ta varāhastutiḥ |

Report mistakes and corrections in Stotranidhi content.

Facebook Comments
error: Not allowed
%d bloggers like this: