Read in తెలుగు / ಕನ್ನಡ / தமிழ் / देवनागरी / English (IAST)
ಪತಿಃ ಶ್ರೀವಲ್ಲಭೋಽಸ್ಮಾಕಂ ಗತಿಃ ಶ್ರೀವಲ್ಲಭಸ್ಸದಾ |
ಮತಿಃ ಶ್ರೀವಲ್ಲಭೇ ಹ್ಯಾಸ್ತಾಂ ರತಿಃ ಶ್ರೀವಲ್ಲಭೇಽಸ್ತು ಮೇ || ೧ ||
ವೃತ್ತಿಃ ಶ್ರೀವಲ್ಲಭಾ ಯೈವ ಕೃತಿಃ ಶ್ರೀವಲ್ಲಭಾರ್ಥಿನೀ |
ದರ್ಶನಂ ಶ್ರೀವಲ್ಲಭಸ್ಯ ಸ್ಮರಣಂ ವಲ್ಲಭಪ್ರಭೋಃ || ೨ ||
ತತ್ಪ್ರಸಾದಸುಮಾಘ್ರಾಣ-ಮಸ್ತೂಚ್ಛಿಷ್ಟರಸಾಗ್ರಹಃ |
ಶ್ರವಣಂ ತದ್ಗುಣಾನಾಂ ಹಿ ಸ್ಮರಣಂ ತತ್ಪದಾಬ್ಜಯೋಃ || ೩ ||
ಮನನಂ ತನ್ಮಹತ್ತ್ವಸ್ಯ ಸೇವನಂ ಕರಯೋರ್ಭವೇತ್ |
ತತ್ಸ್ವರೂಪಾಂತರೋ ಭೋಗೋ ಗಮನಂ ತಸ್ಯ ಸನ್ನಿಧೌ || ೪ ||
ತದಗ್ರೇ ಸರ್ವದಾ ಸ್ಥಾನಂ ಸಂಗಸ್ತತ್ಸೇವಕೈಸ್ಸದಾ |
ತದ್ವಾರ್ತಾತಿರುಚಿರ್ನಿಷ್ಠಾ ಭೂಯಾತ್ತದ್ವಾಕ್ಯಮಾತ್ರಗಾ || ೫ ||
ಶ್ರದ್ಧಾ ತದೇಕಸಂಬಂಧೇ ವಿಶ್ವಾಸಸ್ತತ್ಪದಾಬ್ಜಯೋಃ |
ದಾಸ್ಯಂ ತದೀಯಮೇವಾಸ್ತು ಭೂಯಾತ್ತಚ್ಚರಣಾಶ್ರಯಃ || ೬ ||
ಮಸ್ತಕೇ ಶ್ರೀವಲ್ಲಭೋಽಸ್ತು ಹೃದಿ ತಿಷ್ಠತು ವಲ್ಲಭಃ |
ಅಭಿತಃ ಶ್ರೀವಲ್ಲಭೋಽಸ್ತು ಸರ್ವಂ ಶ್ರೀವಲ್ಲಭೋ ಮಮ || ೭ ||
ನಮಃ ಶ್ರೀವಲ್ಲಭಾಯೈವ ದೈನ್ಯಂ ಶ್ರೀವಲ್ಲಭೇ ಸದಾ |
ಪ್ರಾರ್ಥನಾ ಶ್ರೀವಲ್ಲಭೇಽಸ್ತು ತತ್ಪದಾಧೀನತಾ ಮಮ || ೮ ||
ಏತದಷ್ಟಕಪಾಠೇನ ಶ್ರೀವಲ್ಲಭಪದಾಂಬುಜೇ |
ಭವೇದ್ಭಾವೋ ವಿನಾಯಾಸಂ ಭಕ್ತಿಮಾರ್ಗವೃತಾತ್ಮನಾಮ್ || ೯ ||
ಇತಿ ಶ್ರೀ ಹರಿದಾಸೋದಿತಂ ಶ್ರೀವಲ್ಲಭಭಾವಾಷ್ಟಕಮ್ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
