Read in తెలుగు / ಕನ್ನಡ / தமிழ் / देवनागरी / English (IAST)
పతిః శ్రీవల్లభోఽస్మాకం గతిః శ్రీవల్లభస్సదా |
మతిః శ్రీవల్లభే హ్యాస్తాం రతిః శ్రీవల్లభేఽస్తు మే || ౧ ||
వృత్తిః శ్రీవల్లభా యైవ కృతిః శ్రీవల్లభార్థినీ |
దర్శనం శ్రీవల్లభస్య స్మరణం వల్లభప్రభోః || ౨ ||
తత్ప్రసాదసుమాఘ్రాణ-మస్తూచ్ఛిష్టరసాగ్రహః |
శ్రవణం తద్గుణానాం హి స్మరణం తత్పదాబ్జయోః || ౩ ||
మననం తన్మహత్త్వస్య సేవనం కరయోర్భవేత్ |
తత్స్వరూపాంతరో భోగో గమనం తస్య సన్నిధౌ || ౪ ||
తదగ్రే సర్వదా స్థానం సంగస్తత్సేవకైస్సదా |
తద్వార్తాతిరుచిర్నిష్ఠా భూయాత్తద్వాక్యమాత్రగా || ౫ ||
శ్రద్ధా తదేకసంబంధే విశ్వాసస్తత్పదాబ్జయోః |
దాస్యం తదీయమేవాస్తు భూయాత్తచ్చరణాశ్రయః || ౬ ||
మస్తకే శ్రీవల్లభోఽస్తు హృది తిష్ఠతు వల్లభః |
అభితః శ్రీవల్లభోఽస్తు సర్వం శ్రీవల్లభో మమ || ౭ ||
నమః శ్రీవల్లభాయైవ దైన్యం శ్రీవల్లభే సదా |
ప్రార్థనా శ్రీవల్లభేఽస్తు తత్పదాధీనతా మమ || ౮ ||
ఏతదష్టకపాఠేన శ్రీవల్లభపదాంబుజే |
భవేద్భావో వినాయాసం భక్తిమార్గవృతాత్మనామ్ || ౯ ||
ఇతి శ్రీ హరిదాసోదితం శ్రీవల్లభభావాష్టకమ్ |
మరిన్ని శ్రీ కృష్ణ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
