Read in తెలుగు / ಕನ್ನಡ / தமிழ் / देवनागरी / English (IAST)
ಯಃ ಶ್ರೀಗೋವರ್ಧನಾದ್ರಿಂ ಸಕಲಸುರಪತಿಂ ತ್ರಸ್ತಗೋಗೋಪವೃಂದಂ
ಸ್ವೀಯಂ ಸಂರಕ್ಷಿತುಂ ಚೇತ್ಯಮರಸುಖಕರಂ ಮೋಹಯನ್ ಸಂದಧಾರ |
ತನ್ಮಾನಂ ಖಂಡಯಿತ್ವಾ ವಿಜಿತರಿಪುಕುಲೋ ನೀಲಧಾರಾಧರಾಭಃ
ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ || ೧ ||
ಯಂ ದೃಷ್ಟ್ವಾ ಕಂಸಭೂಪಃ ಸ್ವಕೃತಕೃತಿಮಹೋ ಸಂಸ್ಮರನ್ಮಂತ್ರಿವರ್ಯಾನ್
ಕಿಂ ವಾಽಪೂರ್ವಂ ಮಯೇದಂ ಕೃತಮಿತಿ ವಚನಂ ದುಃಖಿತಃ ಪ್ರತ್ಯುವಾಚ |
ಆಜ್ಞಪ್ತೋ ನಾರದೇನ ಸ್ಮಿತಯುತವದನಃ ಪೂರಯನ್ ಸರ್ವಕಾಮಾನ್
ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ || ೨ ||
ಯೇನ ಪ್ರೋದ್ಯತ್ ಪ್ರತಾಪಾ ನೃಪತಿಕುಲಭವಾಃ ಪಾಂಡವಾಃ ಕೌರವಾಬ್ಧಿಂ
ತೀರ್ತ್ವಾ ಪಾರಂ ತದೀಯಂ ಜಗದಖಿಲನೃಣಾಂ ದುಸ್ತರಂ ಚೇತಿ ಜಗ್ಮುಃ |
ತತ್ಪತ್ನೀಚೀರವೃದ್ಧಿಪ್ರವಿದಿತಮಹಿಮಾ ಭೂತಲೇ ಭೂಪತೀಶಃ
ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ || ೩ ||
ಯಸ್ಮೈ ಚೋದ್ಧೃತ್ಯ ಪಾತ್ರಾದ್ದಧಿಯುತನವನೀತಂ ಕರೈರ್ಗೋಪಿಕಾಭಿ-
-ರ್ದತ್ತಂ ತದ್ಭಾವಪೂರ್ತೌ ವಿನಿಹಿತಹೃದಯಃ ಸತ್ಯಮೇವಂ ತಿರೋಧಾತ್ |
ಮುಕ್ತಾಗುಂಜಾವಳೀಭಿಃ ಪ್ರಚುರತಮರುಚಿಃ ಕುಂಡಲಾಕ್ರಾಂತಗಂಡಃ
ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ || ೪ ||
ಯಸ್ಮಾದ್ವಿಶ್ವಾಭಿರಾಮಾದಿಹ ಜನನವಿಧೌ ಸರ್ವನಂದಾದಿಗೋಪಾಃ
ಸಂಸಾರಾರ್ತೇರ್ವಿಮುಕ್ತಾಃ ಸಕಲಸುಖಕರಾಃ ಸಂಪದಃ ಪ್ರಾಪುರೇವ |
ಇತ್ಥಂ ಪೂರ್ಣೇಂದುವಕ್ತ್ರಃ ಕಲಕಮಲದೃಶಃ ಸ್ವೀಯಜನ್ಮ ಸ್ತುವಂತಃ
ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ || ೫ ||
ಯಸ್ಯ ಶ್ರೀನಂದಸೂನೋರ್ವ್ರಜಯುವತಿಜನಾಶ್ಚಾಗತಾ ಭರ್ತೃಪುತ್ರಾಂ-
-ಸ್ತ್ಯಕ್ತ್ವಾ ಶ್ರುತ್ವಾ ಸಮೀಪೇ ವಿಚಕಿತನಯನಾಃ ಸಪ್ರಮೋದಾಃ ಸ್ವಗೇಹೇ |
ರಂತುಂ ರಾಸಾದಿಲೀಲಾ ಮನಸಿಜದಲಿತಾ ವೇಣುನಾದಂ ಚ ರಮ್ಯಂ
ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ || ೬ ||
ಯಸ್ಮಿನ್ ದೃಷ್ಟೇ ಸಮಸ್ತೇ ಜಗತಿ ಯುವತಯಃ ಪ್ರಾಣನಾಥವ್ರತಾ ಯಾ-
-ಸ್ತಾ ಅಪ್ಯೇವಂ ಹಿ ನೂನಂ ಕಿಮಪಿ ಚ ಹೃದಯೇ ಕಾಮಭಾವಂ ದಧತ್ಯಃ |
ತತ್ಸ್ನೇಹಾಬ್ಧಿಂ ವಪುಶ್ಚೇದವಿದಿತಧರಣೌ ಸೂರ್ಯಬಿಂಬಸ್ವರೂಪಾಃ
ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ || ೭ ||
ಯಃ ಸ್ವೀಯೇ ಗೋಕುಲೇಽಸ್ಮಿನ್ವಿದಿತನಿಜಕುಲೋದ್ಭೂತಬಾಲೈಃ ಸಮೇತೋ
ಮಾತರ್ಯೇವಂ ಚಕಾರ ಪ್ರಸೃತತಮಗುಣಾನ್ ಬಾಲಲೀಲಾವಿಲಾಸಾನ್ |
ಹತ್ವಾ ವತ್ಸಪ್ರಲಂಬದ್ವಿವಿದಬಕಖರಾನ್ ಗೋಪಬೃಂದಂ ಜುಗೋಪ
ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ || ೮ ||
ಕೃಷ್ಣಾರಾಧಾಷ್ಟಕಂ ಪ್ರಾತರುತ್ಥಾಯ ಪ್ರಪಠೇನ್ನರಃ |
ಯ ಏವಂ ಸರ್ವದಾ ನೂನಂ ಸ ಪ್ರಾಪ್ನೋತಿ ಪರಾಂ ಗತಿಮ್ || ೯ ||
ಇತಿ ಶ್ರೀರಘುನಾಥಚಾರ್ಯ ವಿರಚಿತಂ ಶ್ರೀರಾಧಾಕೃಷ್ಣಾಷ್ಟಕಮ್ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
