Read in తెలుగు / ಕನ್ನಡ / தமிழ் / देवनागरी / English (IAST)
ಅಗಸ್ತ್ಯ ಉವಾಚ |
ಏವಂ ಸುತೀಕ್ಷ್ಣ ಸೀತಾಯಾಃ ಕವಚಂ ತೇ ಮಯೇರಿತಮ್ |
ಅತಃ ಪರಂ ಶ್ರುಣುಷ್ವಾನ್ಯತ್ ಸೀತಾಯಾಃ ಸ್ತೋತ್ರಮುತ್ತಮಮ್ || ೧ ||
ಯಸ್ಮಿನಷ್ಟೋತ್ತರಶತಂ ಸೀತಾ ನಾಮಾನಿ ಸಂತಿ ಹಿ |
ಅಷ್ಟೋತ್ತರಶತಂ ಸೀತಾ ನಾಮ್ನಾಂ ಸ್ತೋತ್ರಮನುತ್ತಮಮ್ || ೨ ||
ಯೇ ಪಠಂತಿ ನರಾಸ್ತ್ವತ್ರ ತೇಷಾಂ ಚ ಸಫಲೋ ಭವಃ |
ತೇ ಧನ್ಯಾ ಮಾನವಾ ಲೋಕೇ ತೇ ವೈಕುಂಠಂ ವ್ರಜಂತಿ ಹಿ || ೩
ನ್ಯಾಸಃ –
ಅಸ್ಯ ಶ್ರೀ ಸೀತಾನಾಮಾಷ್ಟೋತ್ತರ ಶತಮಂತ್ರಸ್ಯ, ಅಗಸ್ತ್ಯ ಋಷಿಃ, ಅನುಷ್ಟುಪ್ ಛಂದಃ, ರಮೇತಿ ಬೀಜಂ, ಮಾತುಲುಂಗೀತಿ ಶಕ್ತಿಃ, ಪದ್ಮಾಕ್ಷಜೇತಿ ಕೀಲಕಂ, ಅವನಿಜೇತ್ಯಸ್ತ್ರಂ, ಜನಕಜೇತಿ ಕವಚಂ , ಮೂಲಕಾಸುರಮರ್ದಿನೀತಿ ಪರಮೋ ಮಂತ್ರಃ, ಶ್ರೀ ಸೀತಾರಾಮಚಂದ್ರ ಪ್ರೀತ್ಯರ್ಥಂ ಸಕಲ ಕಾಮನಾ ಸಿದ್ಧ್ಯರ್ಥಂ ಜಪೇ ವಿನಿಯೋಗಃ ||
ಕರನ್ಯಾಸಃ |
ಓಂ ಸೀತಾಯೈ ಅಂಗುಷ್ಠಾಭ್ಯಾಂ ನಮಃ |
ಓಂ ರಮಾಯೈ ತರ್ಜನೀಭ್ಯಾಂ ನಮಃ |
ಓಂ ಮಾತುಲುಂಗ್ಯೈ ಮಧ್ಯಮಾಭ್ಯಾಂ ನಮಃ |
ಓಂ ಪದ್ಮಾಕ್ಷಜಾಯೈ ಅನಾಮಿಕಾಭ್ಯಾಂ ನಮಃ |
ಓಂ ಅವನಿಜಾಯೈ ಕನಿಷ್ಠಿಕಾಭ್ಯಾಂ ನಮಃ |
ಓಂ ಜನಕಜಾಯೈ ಕರತಲ ಕರಪೃಷ್ಠಾಭ್ಯಾಂ ನಮಃ ||
ಅಂಗನ್ಯಾಸಃ |
ಓಂ ಸೀತಾಯೈ ಹೃದಯಾಯ ನಮಃ |
ಓಂ ರಮಾಯೈ ಶಿರಸೇ ಸ್ವಾಹಾ |
ಓಂ ಮಾತುಲುಂಗ್ಯೈ ಶಿಖಾಯೈ ವಷಟ್ |
ಓಂ ಪದ್ಮಾಕ್ಷಜಾಯೈ ನೇತ್ರತ್ರಯಾಯ ವೌಷಟ್ |
ಓಂ ಜನಕಾತ್ಮಜಾಯೈ ಅಸ್ತ್ರಾಯ ಫಟ್ |
ಓಂ ಮೂಲಕಾಸುರಮರ್ದಿನ್ಯೈ ಇತಿ ದಿಗ್ಬಂಧಃ ||
ಧ್ಯಾನಮ್ |
ವಾಮಾಂಗೇ ರಘುನಾಯಕಸ್ಯ ರುಚಿರೇ ಯಾ ಸಂಸ್ಥಿತಾ ಶೋಭನಾ
ಯಾ ವಿಪ್ರಾಧಿಪಯಾನರಮ್ಯನಯನಾ ಯಾ ವಿಪ್ರಪಾಲಾನನಾ |
ವಿದ್ಯುತ್ಪುಂಜವಿರಾಜಮಾನವಸನಾ ಭಕ್ತಾರ್ತಿಸಂಖಂಡನಾ
ಶ್ರೀಮದ್ರಾಘವಪಾದಪದ್ಮಯುಗಳ ನ್ಯಸ್ತೇಕ್ಷಣಾ ಸಾಽವತು ||
ಸ್ತೋತ್ರಮ್ |
ಶ್ರೀಸೀತಾ ಜಾನಕೀ ದೇವೀ ವೈದೇಹೀ ರಾಘವಪ್ರಿಯಾ |
ರಮಾಽವನಿಸುತಾ ರಾಮಾ ರಾಕ್ಷಸಾಂತಪ್ರಕಾರಿಣೀ || ೧ ||
ರತ್ನಗುಪ್ತಾ ಮಾತುಲುಂಗೀ ಮೈಥಿಲೀ ಭಕ್ತತೋಷದಾ |
ಪದ್ಮಾಕ್ಷಜಾ ಕಂಜನೇತ್ರಾ ಸ್ಮಿತಾಸ್ಯಾ ನೂಪುರಸ್ವನಾ || ೨ ||
ವೈಕುಂಠನಿಲಯಾ ಮಾ ಶ್ರೀರ್ಮುಕ್ತಿದಾ ಕಾಮಪೂರಣೀ |
ನೃಪಾತ್ಮಜಾ ಹೇಮವರ್ಣಾ ಮೃದುಲಾಂಗೀ ಸುಭಾಷಿಣೀ || ೩ ||
ಕುಶಾಂಬಿಕಾ ದಿವ್ಯದಾ ಚ ಲವಮಾತಾ ಮನೋಹರಾ |
ಹನುಮದ್ವಂದಿತಪದಾ ಮುಗ್ಧಾ ಕೇಯೂರಧಾರಿಣೀ || ೪ ||
ಅಶೋಕವನಮಧ್ಯಸ್ಥಾ ರಾವಣಾದಿಕಮೋಹಿನೀ |
ವಿಮಾನಸಂಸ್ಥಿತಾ ಸುಭ್ರೂಃ ಸುಕೇಶೀ ರಶನಾನ್ವಿತಾ || ೫ ||
ರಜೋರೂಪಾ ಸತ್ತ್ವರೂಪಾ ತಾಮಸೀ ವಹ್ನಿವಸಿನೀ |
ಹೇಮಮೃಗಾಸಕ್ತಚಿತ್ತಾ ವಾಲ್ಮೀಕ್ಯಾಶ್ರಮವಾಸಿನೀ || ೬ ||
ಪತಿವ್ರತಾ ಮಹಾಮಾಯಾ ಪೀತಕೌಶೇಯವಾಸಿನೀ |
ಮೃಗನೇತ್ರಾ ಚ ಬಿಂಬೋಷ್ಠೀ ಧನುರ್ವಿದ್ಯಾವಿಶಾರದಾ || ೭ ||
ಸೌಮ್ಯರೂಪಾ ದಶರಥಸ್ನುಷಾ ಚಾಮರವೀಜಿತಾ |
ಸುಮೇಧಾದುಹಿತಾ ದಿವ್ಯರೂಪಾ ತ್ರೈಲೋಕ್ಯಪಾಲಿನೀ || ೮ ||
ಅನ್ನಪೂರ್ಣಾ ಮಹಾಲಕ್ಷ್ಮೀರ್ಧೀರ್ಲಜ್ಜಾ ಚ ಸರಸ್ವತೀ |
ಶಾಂತಿಃ ಪುಷ್ಟಿಃ ಕ್ಷಮಾ ಗೌರೀ ಪ್ರಭಾಽಯೋಧ್ಯಾನಿವಾಸಿನೀ || ೯ ||
ವಸಂತಶೀತಲಾ ಗೌರೀ ಸ್ನಾನಸಂತುಷ್ಟಮಾನಸಾ |
ರಮಾನಾಮಭದ್ರಸಂಸ್ಥಾ ಹೇಮಕುಂಭಪಯೋಧರಾ || ೧೦ ||
ಸುರಾರ್ಚಿತಾ ಧೃತಿಃ ಕಾಂತಿಃ ಸ್ಮೃತಿರ್ಮೇಧಾ ವಿಭಾವರೀ |
ಲಘೂದರಾ ವರಾರೋಹಾ ಹೇಮಕಂಕಣಮಂಡಿತಾ || ೧೧ ||
ದ್ವಿಜಪತ್ನ್ಯರ್ಪಿತನಿಜಭೂಷಾ ರಾಘವತೋಷಿಣೀ |
ಶ್ರೀರಾಮಸೇವಾನಿರತಾ ರತ್ನತಾಟಂಕಧಾರಿಣೀ || ೧೨ ||
ರಾಮವಾಮಾಂಕಸಂಸ್ಥಾ ಚ ರಾಮಚಂದ್ರೈಕರಂಜನೀ |
ಸರಯೂಜಲಸಂಕ್ರೀಡಾಕಾರಿಣೀ ರಾಮಮೋಹಿನೀ || ೧೩ ||
ಸುವರ್ಣತುಲಿತಾ ಪುಣ್ಯಾ ಪುಣ್ಯಕೀರ್ತಿಃ ಕಳಾವತೀ |
ಕಲಕಂಠಾ ಕಂಬುಕಂಠಾ ರಂಭೋರುರ್ಗಜಗಾಮಿನೀ || ೧೪ ||
ರಾಮಾರ್ಪಿತಮನಾ ರಾಮವಂದಿತಾ ರಾಮವಲ್ಲಭಾ |
ಶ್ರೀರಾಮಪದಚಿಹ್ನಾಂಕಾ ರಾಮರಾಮೇತಿಭಾಷಿಣೀ || ೧೫ ||
ರಾಮಪರ್ಯಂಕಶಯನಾ ರಾಮಾಂಘ್ರಿಕ್ಷಾಲಿಣೀ ವರಾ |
ಕಾಮಧೇನ್ವನ್ನಸಂತುಷ್ಟಾ ಮಾತುಲುಂಗಕರೇಧೃತಾ || ೧೬ ||
ದಿವ್ಯಚಂದನಸಂಸ್ಥಾ ಶ್ರೀರ್ಮೂಲಕಾಸುರಮರ್ದಿನೀ |
ಏವಮಷ್ಟೋತ್ತರಶತಂ ಸೀತಾನಾಮ್ನಾಂ ಸುಪುಣ್ಯದಮ್ || ೧೭ ||
ಯೇ ಪಠಂತಿ ನರಾ ಭೂಮ್ಯಾಂ ತೇ ಧನ್ಯಾಃ ಸ್ವರ್ಗಗಾಮಿನಃ |
ಅಷ್ಟೋತ್ತರಶತಂ ನಾಮ್ನಾಂ ಸೀತಾಯಾಃ ಸ್ತೋತ್ರಮುತ್ತಮಮ್ || ೧೮ ||
ಜಪನೀಯಂ ಪ್ರಯತ್ನೇನ ಸರ್ವದಾ ಭಕ್ತಿಪೂರ್ವಕಮ್ |
ಸಂತಿ ಸ್ತೋತ್ರಾಣ್ಯನೇಕಾನಿ ಪುಣ್ಯದಾನಿ ಮಹಾಂತಿ ಚ || ೧೯ ||
ನಾನೇನ ಸದೃಶಾನೀಹ ತಾನಿ ಸರ್ವಾಣಿ ಭೂಸುರ |
ಸ್ತೋತ್ರಾಣಾಮುತ್ತಮಂ ಚೇದಂ ಭುಕ್ತಿಮುಕ್ತಿಪ್ರದಂ ನೃಣಾಮ್ || ೨೦ ||
ಏವಂ ಸುತೀಕ್ಷ್ಣ ತೇ ಪ್ರೋಕ್ತಮಷ್ಟೋತ್ತರಶತಂ ಶುಭಮ್ |
ಸೀತಾನಾಮ್ನಾಂ ಪುಣ್ಯದಂ ಚ ಶ್ರವಣಾನ್ಮಂಗಳಪ್ರದಮ್ || ೨೧ ||
ನರೈಃ ಪ್ರಾತಃ ಸಮುತ್ಥಾಯ ಪಠಿತವ್ಯಂ ಪ್ರಯತ್ನತಃ |
ಸೀತಾಪೂಜನಕಾಲೇಽಪಿ ಸರ್ವವಾಂಛಿತದಾಯಕಮ್ || ೨೨ ||
ಇತಿ ಶ್ರೀಮದಾನಂದರಾಮಾಯಣೇ ಸೀತಾಷ್ಟೋತ್ತರಶತನಾಮ ಸ್ತೋತ್ರಮ್ |
ಇನ್ನಷ್ಟು ಶ್ರೀ ರಾಮ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
