Read in తెలుగు / ಕನ್ನಡ / தமிழ் / देवनागरी / English (IAST)
agastya uvāca |
ēvaṁ sutīkṣṇa sītāyāḥ kavacaṁ tē mayēritam |
ataḥ paraṁ śruṇuṣvānyat sītāyāḥ stōtramuttamam || 1 ||
yasminaṣṭōttaraśataṁ sītā nāmāni santi hi |
aṣṭōttaraśataṁ sītā nāmnāṁ stōtramanuttamam || 2 ||
yē paṭhanti narāstvatra tēṣāṁ ca saphalō bhavaḥ |
tē dhanyā mānavā lōkē tē vaikuṇṭhaṁ vrajanti hi || 3
nyāsaḥ –
asya śrī sītānāmāṣṭōttara śatamantrasya, agastya r̥ṣiḥ, anuṣṭup chandaḥ, ramēti bījaṁ, mātuluṅgīti śaktiḥ, padmākṣajēti kīlakaṁ, avanijētyastraṁ, janakajēti kavacaṁ , mūlakāsuramardinīti paramō mantraḥ, śrī sītārāmacandra prītyarthaṁ sakala kāmanā siddhyarthaṁ japē viniyōgaḥ ||
karanyāsaḥ |
ōṁ sītāyai aṅguṣṭhābhyāṁ namaḥ |
ōṁ ramāyai tarjanībhyāṁ namaḥ |
ōṁ mātuluṅgyai madhyamābhyāṁ namaḥ |
ōṁ padmākṣajāyai anāmikābhyāṁ namaḥ |
ōṁ avanijāyai kaniṣṭhikābhyāṁ namaḥ |
ōṁ janakajāyai karatala karapr̥ṣṭhābhyāṁ namaḥ ||
aṅganyāsaḥ |
ōṁ sītāyai hr̥dayāya namaḥ |
ōṁ ramāyai śirasē svāhā |
ōṁ mātuluṅgyai śikhāyai vaṣaṭ |
ōṁ padmākṣajāyai nētratrayāya vauṣaṭ |
ōṁ janakātmajāyai astrāya phaṭ |
ōṁ mūlakāsuramardinyai iti digbandhaḥ ||
dhyānam |
vāmāṅgē raghunāyakasya rucirē yā saṁsthitā śōbhanā
yā viprādhipayānaramyanayanā yā viprapālānanā |
vidyutpuñjavirājamānavasanā bhaktārtisaṅkhaṇḍanā
śrīmadrāghavapādapadmayugala nyastēkṣaṇā sā:’vatu ||
stōtram |
śrīsītā jānakī dēvī vaidēhī rāghavapriyā |
ramā:’vanisutā rāmā rākṣasāntaprakāriṇī || 1 ||
ratnaguptā mātuluṅgī maithilī bhaktatōṣadā |
padmākṣajā kañjanētrā smitāsyā nūpurasvanā || 2 ||
vaikuṇṭhanilayā mā śrīrmuktidā kāmapūraṇī |
nr̥pātmajā hēmavarṇā mr̥dulāṅgī subhāṣiṇī || 3 ||
kuśāmbikā divyadā ca lavamātā manōharā |
hanumadvanditapadā mugdhā kēyūradhāriṇī || 4 ||
aśōkavanamadhyasthā rāvaṇādikamōhinī |
vimānasaṁsthitā subhrūḥ sukēśī raśanānvitā || 5 ||
rajōrūpā sattvarūpā tāmasī vahnivasinī |
hēmamr̥gāsaktacittā vālmīkyāśramavāsinī || 6 ||
pativratā mahāmāyā pītakauśēyavāsinī |
mr̥ganētrā ca bimbōṣṭhī dhanurvidyāviśāradā || 7 ||
saumyarūpā daśarathasnuṣā cāmaravījitā |
sumēdhāduhitā divyarūpā trailōkyapālinī || 8 ||
annapūrṇā mahālakṣmīrdhīrlajjā ca sarasvatī |
śāntiḥ puṣṭiḥ kṣamā gaurī prabhā:’yōdhyānivāsinī || 9 ||
vasantaśītalā gaurī snānasantuṣṭamānasā |
ramānāmabhadrasaṁsthā hēmakumbhapayōdharā || 10 ||
surārcitā dhr̥tiḥ kāntiḥ smr̥tirmēdhā vibhāvarī |
laghūdarā varārōhā hēmakaṅkaṇamaṇḍitā || 11 ||
dvijapatnyarpitanijabhūṣā rāghavatōṣiṇī |
śrīrāmasēvāniratā ratnatāṭaṅkadhāriṇī || 12 ||
rāmavāmāṅkasaṁsthā ca rāmacandraikarañjanī |
sarayūjalasaṅkrīḍākāriṇī rāmamōhinī || 13 ||
suvarṇatulitā puṇyā puṇyakīrtiḥ kalāvatī |
kalakaṇṭhā kambukaṇṭhā rambhōrurgajagāminī || 14 ||
rāmārpitamanā rāmavanditā rāmavallabhā |
śrīrāmapadacihnāṅkā rāmarāmētibhāṣiṇī || 15 ||
rāmaparyaṅkaśayanā rāmāṅghrikṣāliṇī varā |
kāmadhēnvannasantuṣṭā mātuluṅgakarēdhr̥tā || 16 ||
divyacandanasaṁsthā śrīrmūlakāsuramardinī |
ēvamaṣṭōttaraśataṁ sītānāmnāṁ supuṇyadam || 17 ||
yē paṭhanti narā bhūmyāṁ tē dhanyāḥ svargagāminaḥ |
aṣṭōttaraśataṁ nāmnāṁ sītāyāḥ stōtramuttamam || 18 ||
japanīyaṁ prayatnēna sarvadā bhaktipūrvakam |
santi stōtrāṇyanēkāni puṇyadāni mahānti ca || 19 ||
nānēna sadr̥śānīha tāni sarvāṇi bhūsura |
stōtrāṇāmuttamaṁ cēdaṁ bhuktimuktipradaṁ nr̥ṇām || 20 ||
ēvaṁ sutīkṣṇa tē prōktamaṣṭōttaraśataṁ śubham |
sītānāmnāṁ puṇyadaṁ ca śravaṇānmaṅgalapradam || 21 ||
naraiḥ prātaḥ samutthāya paṭhitavyaṁ prayatnataḥ |
sītāpūjanakālē:’pi sarvavāñchitadāyakam || 22 ||
iti śrīmadānandarāmāyaṇē sītāṣṭōttaraśatanāma stōtram |
See more śrī rāma stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
