Read in తెలుగు / ಕನ್ನಡ / தமிழ் / देवनागरी / English (IAST)
ಕವೀಶ್ವರ ನಮಸ್ತುಭ್ಯಂ ಹವ್ಯಕವ್ಯವಿದಾಂ ವರ |
ಉಪಾಸಕ ಸರಸ್ವತ್ಯಾ ಮೃತಸಂಜೀವನಪ್ರಿಯ || ೧ ||
ದೈತ್ಯಪೂಜ್ಯ ನಮಸ್ತುಭ್ಯಂ ದೈತ್ಯೇಂದ್ರಶಾಸನಕರ |
ನೀತಿಶಾಸ್ತ್ರಕಲಾಭಿಜ್ಞ ಬಲಿಜೀವಪ್ರಭಾವನ || ೨ ||
ಪ್ರಹ್ಲಾದಪರಮಾಹ್ಲಾದ ವಿರೋಚನಗುರೋ ಸಿತ |
ಆಸ್ಫೂರ್ಜಿಜ್ಜಿತಶಿಷ್ಯಾರೇ ನಮಸ್ತೇ ಭೃಗುನಂದನ || ೩ ||
ಸುರಾಶನ ಸುರಾರಾತಿಚಿತ್ತಸಂಸ್ಥಿತಿಭಾವನ |
ಉಶನಾ ಸಕಲಪ್ರಾಣಿಪ್ರಾಣಾಶ್ರಯ ನಮೋಽಸ್ತು ತೇ || ೪ ||
ನಮಸ್ತೇ ಖೇಚರಾಧೀಶ ಶುಕ್ರ ಶುಕ್ಲಯಶಸ್ಕರ |
ವಾರುಣ ವಾರುಣೀನಾಥ ಮುಕ್ತಾಮಣಿಸಮಪ್ರಭ || ೫ ||
ಕ್ಷೀಬಚಿತ್ತ ಕಚೋದ್ಭೂತಿಹೇತೋ ಜೀವರಿಪೋ ನಮಃ |
ದೇವಯಾನೀಯಯಾತೀಷ್ಟ ದುಹಿತೃಸ್ಥೇಯವತ್ಸಲ || ೬ ||
ವಹ್ನಿಕೋಣಪತೇ ತುಭ್ಯಂ ನಮಸ್ತೇ ಖಗನಾಯಕ |
ತ್ರಿಲೋಚನ ತೃತೀಯಾಕ್ಷಿಸಂಸ್ಥಿತ ಶುಕವಾಹನ || ೭ ||
ಇತ್ಥಂ ದೈತ್ಯಗುರೋಃ ಸ್ತೋತ್ರಂ ಯಃ ಸ್ಮರೇನ್ಮಾನವಃ ಸದಾ |
ದಶಾದೌ ಗೋಚರೇ ತಸ್ಯ ಭವೇದ್ವಿಘ್ನಹರಃ ಸಿತಃ || ೮ ||
ಸೋಮತುಲ್ಯಾ ಪ್ರಭಾ ಯಸ್ಯ ಚಾಸುರಾಣಾಂ ಗುರುಸ್ತಥಾ |
ಜೇತಾ ಯಃ ಸರ್ವಶತ್ರೂಣಾಂ ಸ ಕಾವ್ಯಃ ಪ್ರೀಯತಾಂ ಮಮ || ೯ ||
ಇತಿ ಶುಕ್ರ ಸ್ತೋತ್ರಮ್ |
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
