Read in తెలుగు / ಕನ್ನಡ / தமிழ் / देवनागरी / English (IAST)
ಶೃಣ್ವಂತು ಮುನಯಃ ಸರ್ವೇ ಶುಕ್ರಸ್ತೋತ್ರಮಿದಂ ಶುಭಮ್ |
ರಹಸ್ಯಂ ಸರ್ವಭೂತಾನಾಂ ಶುಕ್ರಪ್ರೀತಿಕರಂ ಪರಮ್ || ೧ ||
ಯೇಷಾಂ ಸಂಕೀರ್ತನೈರ್ನಿತ್ಯಂ ಸರ್ವಾನ್ ಕಾಮಾನವಾಪ್ನುಯಾತ್ |
ತಾನಿ ಶುಕ್ರಸ್ಯ ನಾಮಾನಿ ಕಥಯಾಮಿ ಶುಭಾನಿ ಚ || ೨ ||
ಶುಕ್ರಃ ಶುಭಗ್ರಹಃ ಶ್ರೀಮಾನ್ ವರ್ಷಕೃದ್ವರ್ಷವಿಘ್ನಕೃತ್ |
ತೇಜೋನಿಧಿರ್ಜ್ಞಾನದಾತಾ ಯೋಗೀ ಯೋಗವಿದಾಂ ವರಃ || ೩ ||
ದೈತ್ಯಸಂಜೀವನೋ ಧೀರೋ ದೈತ್ಯನೇತೋಶನಾ ಕವಿಃ |
ನೀತಿಕರ್ತಾ ಗ್ರಹಾಧೀಶೋ ವಿಶ್ವಾತ್ಮಾ ಲೋಕಪೂಜಿತಃ || ೪ ||
ಶುಕ್ಲಮಾಲ್ಯಾಂಬರಧರಃ ಶ್ರೀಚಂದನಸಮಪ್ರಭಃ |
ಅಕ್ಷಮಾಲಾಧರಃ ಕಾವ್ಯಃ ತಪೋಮೂರ್ತಿರ್ಧನಪ್ರದಃ || ೫ ||
ಚತುರ್ವಿಂಶತಿನಾಮಾನಿ ಅಷ್ಟೋತ್ತರಶತಂ ಯಥಾ |
ದೇವಸ್ಯಾಗ್ರೇ ವಿಶೇಷೇಣ ಪೂಜಾಂ ಕೃತ್ವಾ ವಿಧಾನತಃ || ೬ ||
ಯ ಇದಂ ಪಠತಿ ಸ್ತೋತ್ರಂ ಭಾರ್ಗವಸ್ಯ ಮಹಾತ್ಮನಃ |
ವಿಷಮಸ್ಥೋಽಪಿ ಭಗವಾನ್ ತುಷ್ಟಃ ಸ್ಯಾನ್ನಾತ್ರ ಸಂಶಯಃ || ೭ ||
ಸ್ತೋತ್ರಂ ಭೃಗೋರಿದಮನಂತಗುಣಪ್ರದಂ ಯೋ
ಭಕ್ತ್ಯಾ ಪಠೇಚ್ಚ ಮನುಜೋ ನಿಯತಃ ಶುಚಿಃ ಸನ್ |
ಪ್ರಾಪ್ನೋತಿ ನಿತ್ಯಮತುಲಾಂ ಶ್ರಿಯಮೀಪ್ಸಿತಾರ್ಥಾನ್
ರಾಜ್ಯಂ ಸಮಸ್ತಧನಧಾನ್ಯಯುತಾಂ ಸಮೃದ್ಧಿಮ್ || ೮ ||
ಇತಿ ಶ್ರೀಸ್ಕಾಂದಪುರಾಣೇ ಶ್ರೀ ಶುಕ್ರ ಚತುರ್ವಿಂಶತಿನಾಮ ಸ್ತೋತ್ರಮ್ |
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.