Read in తెలుగు / ಕನ್ನಡ / தமிழ் / देवनागरी / English (IAST)
kavīśvara namastubhyaṁ havyakavyavidāṁ vara |
upāsaka sarasvatyā mr̥tasañjīvanapriya || 1 ||
daityapūjya namastubhyaṁ daityēndraśāsanakara |
nītiśāstrakalābhijña balijīvaprabhāvana || 2 ||
prahlādaparamāhlāda virōcanagurō sita |
āsphūrjijjitaśiṣyārē namastē bhr̥gunandana || 3 ||
surāśana surārāticittasaṁsthitibhāvana |
uśanā sakalaprāṇiprāṇāśraya namō:’stu tē || 4 ||
namastē khēcarādhīśa śukra śuklayaśaskara |
vāruṇa vāruṇīnātha muktāmaṇisamaprabha || 5 ||
kṣībacitta kacōdbhūtihētō jīvaripō namaḥ |
dēvayānīyayātīṣṭa duhitr̥sthēyavatsala || 6 ||
vahnikōṇapatē tubhyaṁ namastē khaganāyaka |
trilōcana tr̥tīyākṣisaṁsthita śukavāhana || 7 ||
itthaṁ daityagurōḥ stōtraṁ yaḥ smarēnmānavaḥ sadā |
daśādau gōcarē tasya bhavēdvighnaharaḥ sitaḥ || 8 ||
sōmatulyā prabhā yasya cāsurāṇāṁ gurustathā |
jētā yaḥ sarvaśatrūṇāṁ sa kāvyaḥ prīyatāṁ mama || 9 ||
iti śukra stōtram |
See more navagraha stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
