Sri Shukra Stotram 2 – ಶ್ರೀ ಶುಕ್ರ ಸ್ತೋತ್ರಂ 2

ಸ್ತೋತ್ರನಿಧಿ → ನವಗ್ರಹ ಸ್ತೋತ್ರಗಳು → ಶ್ರೀ ಶುಕ್ರ ಸ್ತೋತ್ರಂ 2

ಕವೀಶ್ವರ ನಮಸ್ತುಭ್ಯಂ ಹವ್ಯಕವ್ಯವಿದಾಂ ವರ |
ಉಪಾಸಕ ಸರಸ್ವತ್ಯಾ ಮೃತಸಂಜೀವನಪ್ರಿಯ || ೧ ||

ದೈತ್ಯಪೂಜ್ಯ ನಮಸ್ತುಭ್ಯಂ ದೈತ್ಯೇಂದ್ರಶಾಸನಕರ |
ನೀತಿಶಾಸ್ತ್ರಕಲಾಭಿಜ್ಞ ಬಲಿಜೀವಪ್ರಭಾವನ || ೨ ||

ಪ್ರಹ್ಲಾದಪರಮಾಹ್ಲಾದ ವಿರೋಚನಗುರೋ ಸಿತ |
ಆಸ್ಫೂರ್ಜಿಜ್ಜಿತಶಿಷ್ಯಾರೇ ನಮಸ್ತೇ ಭೃಗುನಂದನ || ೩ ||

ಸುರಾಶನ ಸುರಾರಾತಿಚಿತ್ತಸಂಸ್ಥಿತಿಭಾವನ |
ಉಶನಾ ಸಕಲಪ್ರಾಣಿಪ್ರಾಣಾಶ್ರಯ ನಮೋಽಸ್ತು ತೇ || ೪ ||

ನಮಸ್ತೇ ಖೇಚರಾಧೀಶ ಶುಕ್ರ ಶುಕ್ಲಯಶಸ್ಕರ |
ವಾರುಣ ವಾರುಣೀನಾಥ ಮುಕ್ತಾಮಣಿಸಮಪ್ರಭ || ೫ ||

ಕ್ಷೀಬಚಿತ್ತ ಕಚೋದ್ಭೂತಿಹೇತೋ ಜೀವರಿಪೋ ನಮಃ |
ದೇವಯಾನೀಯಯಾತೀಷ್ಟ ದುಹಿತೃಸ್ಥೇಯವತ್ಸಲ || ೬ ||

ವಹ್ನಿಕೋಣಪತೇ ತುಭ್ಯಂ ನಮಸ್ತೇ ಖಗನಾಯಕ |
ತ್ರಿಲೋಚನ ತೃತೀಯಾಕ್ಷಿಸಂಸ್ಥಿತ ಶುಕವಾಹನ || ೭ ||

ಇತ್ಥಂ ದೈತ್ಯಗುರೋಃ ಸ್ತೋತ್ರಂ ಯಃ ಸ್ಮರೇನ್ಮಾನವಃ ಸದಾ |
ದಶಾದೌ ಗೋಚರೇ ತಸ್ಯ ಭವೇದ್ವಿಘ್ನಹರಃ ಸಿತಃ || ೮ ||

ಸೋಮತುಲ್ಯಾ ಪ್ರಭಾ ಯಸ್ಯ ಚಾಸುರಾಣಾಂ ಗುರುಸ್ತಥಾ |
ಜೇತಾ ಯಃ ಸರ್ವಶತ್ರೂಣಾಂ ಸ ಕಾವ್ಯಃ ಪ್ರೀಯತಾಂ ಮಮ || ೯ ||

ಇತಿ ಶುಕ್ರ ಸ್ತೋತ್ರಮ್ |

---

ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.